प्रकाशितवाक्य 2:25 - सादरी नवाँ नियम

²⁵ मगर हाँ, जे तोहर ठिना अहे उके मोर आवेक तक थाइम रहा।

प्रकाशितवाक्य 2:25 Iomraidhean Croise

यूहन्ना 14:3

आउर ठाँव तेयार करेक केर पाछे मोंय फिन आमूँ आउर तोहरेमन के अपन संगे रहेक लगिन लेई जामूँ, ताकि जहाँ मोंय रहमूँ हूवाँ तोहरेमन हों रहबा।

खास चेलामन केर काम 11:28

उमन में से अगबुस नाँव केर एगो परमेश्‍वर केर संदेश के बताएक वाला रहे, उ ठड़ालक आउर पवितर आत्मा केर अगुवाई से बतालक कि गोटा धरती में भारी अकाल होवेक वाला अहे। इ अकाल महाराजा क्लौदियुस केर परिया में होलक।

रोमानियनमन 12:9

दोसरमन के देखाएक ले प्रेम ना करा, बुराई से घिरना करा, लगातार भलाई करते रहा।

1 कुरिनथियनमन 11:26

काले कि तोहरेमन जब कभी इ रोटी के खावाला, आउर इ कटोरा में से अंगूर केर रस के पियाला, तो प्रभु केर माउत के जब तक उ नी आवी परचार कराला।

1 कुरिनथियनमन 4:5

से लगिन जब तक प्रभु घूइर नी आवी केकरो न्याय ना करा, ओहे तो आदमीमन केर लुकल बिचारमन के सफा-सफा बताय देवी जेके केऊ नी जानैना, प्रभु आदमीमन केर मकसद के खोइल देवी, जे उमन केर हिरदय में अहे, तब परमेश्‍वर बटले हरेक झन केर बड़ाई होवी।

1थिस्सलुनीकियनमन 5:21

सोउब गोइठमन के परखा कि उ परमेश्‍वर बटले हेके कि निहीं, बेस संदेशमन के ग्रहण करा आउर उके पालन करा।

इब्रानीमन 10:23

अब आवा हमरे जे आसरा केर बारे में कबूल काइर ही, उके बेगर शंका करले पोक्ता से धाइर रहब, काले कि परमेश्‍वर जे करार काइर हे उके पूरा करेक लगिन सच्चा अहे।

इब्रानीमन 3:6

मसीह एगो बेटा नियर परमेश्‍वर केर परिवार में बिसवास लायक अहे, अगर हमरे अपन साहस आउर उ आसरा में बिसवास के बनाय के राखिला, तो हमरे उकर परिवार हेकी।

इब्रानीमन 4:14

यीशु मसीह जे स्वरग तक जाय हे उ परमेश्‍वर केर बेटा हेके, आउर उ हमरे सोउब केर महापुरोहित हेके। से लगिन आवा हमरे बिसवास में मजबूत खड़ा रहब जेके हमरे सोउब केर सामने स्वीकार काइर ही।

2 पतरस 3:10

काले कि प्रभु पक्का घूइर आवी, उ अचका आय जाई जे नियर चोर अचका आवेला, उ बेरा आकाश में गरजेक केर आवाज सुनाई आउर आकाश लोप होई जाई। आकाश में सोउब कुछ, मतलब बेइर, चाँद आउर तइरगनमन पूरा रीति से जाइल जबैं। उ दिन परमेश्‍वर उ सोउब काममन के देखाई जेके आदमीमन काइर हैं, ताकि उमन केर फैसला करेक पारोक।

प्रकाशितवाक्य 1:7

देखा, उ बदरीमन केर संगे आवेक वाला अहे, आउर हर एक आदमीमन उके देखबैं, बल्कि जेमन उके बरछा से बेइध रहैं, उमन हों उके देखबैं, आउर धरती केर सोउब आदमीमन बिलाप करबैं। हाँ, इ होवी। आमीन।

प्रकाशितवाक्य 22:20

जे इ गोइठमन केर गवाही देवेला, उ इ कहेला, “हाँ, मोंय जल्दी आवेक वाला अहों।” आमीन। हे प्रभु यीशु आव!

प्रकाशितवाक्य 22:7

यीशु कहलक, “देख, मोंय जल्दी आवेक वाला अहों! धाइन अहे उ, जे इ किताब केर भविष्यवाणी केर गोइठमन के मानेला।”

प्रकाशितवाक्य 3:11

मोंय जल्दी हें आवेक वाला अहों, जे गेयान तोर ठिना अहे, उकर में मजबूत बनल रह ताकि केऊ तोर मुकुट के लुटेक ना पारोक।

प्रकाशितवाक्य 3:3

से लगिन याइद कर कि तोंय कइसन गेयान पाले आउर सुइन रहिस, आउर उकर में बनल रह, आउर पाप करेक छोइड़ दे। आउर अगर तोंय सावधान नी रहबे तो मोंय चोर नियर आय जामूँ आउर तोंय नी जानेक पारबे कि कोन घड़ी तोर ठिना आय जामूँ।