प्रकाशितवाक्य 2:22 - सादरी नवाँ नियम

²² देख मोंय उके रोग केर डिसना में सुताय देमूँ आउर जे उकर संगे ब्यभिचार करैना अगर उमन हों उकर जइसन पाप काममन के करेक नी छोड़बैं, तो उमन के मोंय बड़का दुःख देमूँ।

प्रकाशितवाक्य 2:22 Iomraidhean Croise

लूका 13:3

मोंय तोहर से कहाथों, निहीं! मगर, अगर तोहरेमन पाप करेक नी छोड़बा, तो तोहरेमन हों सोउब एहे नियर नाश होबा।

लूका 13:5

मोंय तोहर से कहाथों कि निहीं, अगर तोहरेमन पाप करेक नी छोड़बा, तो तोहरेमन हों सोउब एहे नियर नाश होबा।”

2 कुरिनथियनमन 12:21

कहीं एइसन ना होवोक कि जब मोंय फिन से तोहरे ठिना घूइर आमूँ, तो मोर परमेश्‍वर मोके अपमान करी। आउर मोके ढेइरमन लगिन शोक करेक पड़ी, जेमन पहिले पाप काइर रहैं, आउर गंदा काम, ब्यभिचार आउर लाज केर काम से मन नी फिरालैं।

प्रकाशितवाक्य 17:2

जेकर संगे धरती केर राजामन ब्यभिचार करलैं, आउर धरती केर रहेक वाला आदमीमन उकर ब्यभिचार केर नशा से माइत जाय रहैं।”

प्रकाशितवाक्य 18:3

काले कि उकर ब्यभिचार केर कड़ुवा नशा से सोउब जाइत केर आदमीमन गिर गेलैं, आउर धरती केर राजामन उकर संगे ब्यभिचार काइर रहैं, आउर धरती केर बेपारीमन उकर भोग-बिलास केर भरपूरी केर खातिर धनवान होई रहैं।”

प्रकाशितवाक्य 18:9

धरती केर राजामन जेमन उकर संगे ब्यभिचार आउर भोग-बिलास करलैं, जब उकर पोड़ेक केर धुंगिया देखबैं तो उकर लगिन काँदबैं आउर बिलाप करबैं।

प्रकाशितवाक्य 2:5

से लगिन याइद कर कि तोंय कहाँ से गिर हिस, आउर तोंय पाप करेक छोइड़ दे आउर पहिले नियर काम कर। अगर तोंय पाप करेक नी छोड़बे, तो मोंय तोर ठिना आय के तोर दीया रखेक केर खूँटा के उकर ठाँव से हटाय देमूँ।