प्रकाशितवाक्य 2:18 - सादरी नवाँ नियम

¹⁸ थुआतीरा नगर केर कलीसिया केर स्वरगदूत के इ संदेश लीख: मोंय परमेश्‍वर केर बेटा जेकर आँइख आइग केर अंगोर नियर अहे आउर जेकर पाँव बेस पीतल नियर अहे। मोंय तोर से जे कहाथों उके सुन:

प्रकाशितवाक्य 2:18 Iomraidhean Croise

मत्ती 17:5

उ कहते हें रहे कि एगो चमकीला बदरी उमन के ढाँइप देलक, आउर उ बदरी में से इ शबद सुनालक, “इ मोर दुलार बेटा हेके, जेकर से मोंय खुश अहों, इकर गोइठ के सुना।”

मत्ती 27:54

तब सूबेदार जे सौ सिपाही मनक अधिकारी रहे आउर उकर संगे जेमन यीशु केर पहरा देवत रहैं, भूंईडोल आउर जे कोनों होई रहे, उके देइख के खूब डराय गेलैं आउर कहलैं, “सचमुच, इ परमेश्‍वर केर बेटा रहे।”

मत्ती 3:17

आउर स्वरग से परमेश्‍वर केर इ आवाज सुनालक, “इ मोर दुलार बेटा हेके, जेकर से मोंय ढेइर खुश अहों।”

लूका 1:35

स्वरगदूत उके जबाब देलक, “पवितर आत्मा तोर उपरे उतरी, आउर परमप्रधान केर शक्ति तोर उपरे छाँई करी। से लगिन तोर से जे बेटा जनमी, उ पवितर होवी आउर परमेश्‍वर केर बेटा कहाई।

यूहन्ना 1:14

आउर बचन एगो आदमी बनलक आउर उ आदमी किरपा आउर सच्चाई से भाइर के हमर माझे रहलक। आउर हमरे उकर एइसन महिमा देखली, जइसन परमेश्‍वर आबा केर बटे से आवल एकलौता बेटा केर महिमा।

यूहन्ना 1:49

तब नतनएल उके जबाब देलक, “हे गुरु, तोंय परमेश्‍वर केर बेटा हेकिस आउर इसराइल देस केर राजा हेकिस।”

यूहन्ना 10:36

जब मोंय कहोना, ‘मोंय परमेश्‍वर केर बेटा हेकों,’ तो तोहरेमन काले कहाला, ‘तोंय ईश्‍वर केर निंदा करिसला।’ मोंय ओहे हेकों, जेके आबा परमेश्‍वर अलग करलक आउर दुनिया में भेइज हे।

यूहन्ना 3:16

काले कि परमेश्‍वर दुनिया केर आदमीमन से एइसन प्रेम करलक कि उ अपन एकलौता बेटा के देई देलक, ताकि जे केऊ उकर उपरे बिसवास करी, उ नाश नी होवी मगर जुग-जुग केर जिंदगी पावी।

यूहन्ना 3:18

जे उकर बेटा उपरे बिसवास करेला, उके दंड नी देवल जायला, मगर जे उकर बेटा उपरे बिसवास नी करेला, उ दोषी ठहइर चुइक हे, काले कि उ परमेश्‍वर केर एकलौता बेटा केर नाँव उपरे बिसवास नी करलक।

यूहन्ना 5:25

मोंय तोहर से सच-सच कहाथों, उ समय आवाथे, आउर आइये जाहे, जेकर में मोरलमन मोंय परमेश्‍वर केर बेटा केर आवाज के सुनबैं, आउर जेमन सुनबैं उमन सोउब दिन जिबैं।

खास चेलामन केर काम 16:14

उ जनानामन में से थुआतीरा नगर केर रहेक वाला एगो लुदिया नाँव केर जनाना रहे। उ किमती बैगनी लुगा केर बेपार करेक वाला आउर परमेश्‍वर केर भक्त रहे। उ हमर गोइठ सुनत रहे। प्रभु उकर मन के खोललक ताकि उ पौलुस केर गोइठमन के धेयान से सुनोक।

खास चेलामन केर काम 8:36

डहर में चलते-चलते उमन एगो पोखरा ठिना पोहोंचलैं। आउर पोखरा के देइख के खोजा फिलिप्पुस से कहलक, “देख, हिंयाँ पानी अहे, अब मोके बपतिस्मा जल संस्कार लेवेक में का रुकावट अहे?”

रोमानियनमन 1:4

आउर पवितर आत्मा केर हिसाब से मोरलमन में से शक्ति केर साथ जी उठेक केर चलते परमेश्‍वर केर बेटा गिनालक।

रोमानियनमन 8:32

परमेश्‍वर अपन नीज बेटा के हों नी बचालक, मगर उके हमरे सोउब केर खातिर दुश्मनमन के जिम्मा देई देलक, तो परमेश्‍वर उ सोउब कुछ के हों हमरे के देवी, जेके देवेक केर करार काइर हे।

प्रकाशितवाक्य 1:11

उ कहत रहे, “जे कुछ तोंय देखाथिस उके किताब में लीख के सातों कलीसियामन ठिना भेइज दे, मतलब इफिसुस, स्मुरना, पिरगमुन, थुआतीरा, सरदीस, फिलदिलफिया आउर लौदीकिया शहर केर कलीसिया के भेइज दे।”

प्रकाशितवाक्य 2:1

उ मोके एहो कहलक, “इफिसुस शहर केर कलीसिया केर स्वरगदूत के इ संदेश लीख कि मोंय ओहे हेकों जे सात गो तइरगन अपन भतखाइया हाँथ में लेवल अहों आउर सोना केर सात गो दीया रखेक केर खूँटा केर माझे चलोना-फिरोना। मोंय तोके जे कहाथों उके सुन:

प्रकाशितवाक्य 2:24

मगर तोहरे थुआतीरा नगर केर बचल आदमीमन से जेतनामन इ शिक्षा के नी मानैना, आउर उ गोइठमन के जेके शैतान केर गहरा गोइठमन कहैना नी जानैना, उमन से मोंय इ कहोना कि मोंय तोहर उपरे आउर बोझ नी देमूँ।