प्रकाशितवाक्य 2:14 - सादरी नवाँ नियम

¹⁴ मगर मोके तोर बिरोध में थोरेक गोइठमन के कहेक अहे, काले कि तोर हिंयाँ थोरेक आदमीमन एइसन अहैं, जे बिलाम केर शिक्षा के मानैना, जे बालाक के सिखालक कि उ इसराइली आदमीमन के बहकाओक, जेकर से उमन मूर्तिमन लगिन बलि चढ़ाल चीजमन के खाओक आउर ब्यभिचार करोक।

प्रकाशितवाक्य 2:14 Iomraidhean Croise

मत्ती 18:7

दुनिया में बिसवास से भटकाएक वाला आदमीमन जरूर हें होबैं, मगर हाय! उ मनक उपरे जेमन मोर उपरे बिसवास करेक वालामन के भटकायना।

खास चेलामन केर काम 15:29

तोहरेमन मूर्तिमन लगिन बलि चढ़ाल चीजमन के आउर लोहू के आउर घेंचा चीप के मोराल माँस के ना खाबा आउर ब्यभिचार से दूर रहबा, अगर तोहरे खुद के इ गोइठमन से बचाय के रखबा तो तोहर भला होवी। आगे शुभ।”

खास चेलामन केर काम 21:25

मगर जहाँ तक परजाइत बिसवासी आदमीमन केर सवाल अहे, हमरे चिट्ठी लीख के अपन फैसला भेइज देई ही कि उमन मूर्तिमन लगिन बलि चढ़ाल माँस के, आउर लोहू के आउर घेंचा चीप के मोराल जानवरमन केर माँस के ना खाओक आउर ब्यभिचार ना करोक।”

रोमानियनमन 11:9

आउर राजा दाऊद कहेला, जब उमन भोजमन में रहैना तो तुरते फाँइस जायना जइसन चरई जाल में फाँइस जायला आउर जानवर गढ़हा में गिर जायला, ताकि उमन दंड पाबैं।

रोमानियनमन 14:13

से लगिन अब से आगे हमरे एक दोसर उपरे दोष नी लगाब, मगर तोहरेमन इ ठाइन लेवा कि दोसर बिसवासी के पाप करवाएक वाला नी बनब।

रोमानियनमन 14:21

भला तो इ अहे कि तोंय ना माँस खाबे आउर ना दारू पिबे, आउर ना कोनों एइसन काम करबे, जेकर से तोर भाई के ठेस लगी।

रोमानियनमन 9:32

एइसन कइसन होवी? काले कि उमन बिसवास से निहीं, मगर भला काममन से धरमी बनेक केर कोशिश करत रहैं, उमन मसीह केर इनकार करलैं, जे ओहे पखना नियर अहे जेकर से आदमीमन ठोकर खायना।

1 कुरिनथियनमन 1:23

मगर हमरे तो परचार करिला कि यीशु मसीह हमरे के पापमन से छोड़ाएक लगिन क्रूस उपरे अपन जान देलक, जे यहूदीमन केर भीरे ठोकर केर कारण, आउर परजाइत आदमीमन केर भीरे मूरख आदमी केर गोइठ हेके।

1 कुरिनथियनमन 7:2

मगर हमरेमन के ब्यभिचार केर पाप में गिरेक केर परीक्षा में पड़ेक ढेइर सहज अहे, से लगिन हरेक मरद के सादी करेक आउर अपन जनाना लगिन बिसवास लायक बनल रहेक अहे, आउर हरेक जनाना के हों सादी करेक आउर अपन पति लगिन बिसवास लायक बनल रहेक अहे।

इब्रानीमन 13:4

बिहा केर आदर करा, आउर बिहाउ जनाना आउर मरद तोहरे एक दोसर लगिन बिसवास लायक बनल रहा, काले कि परमेश्‍वर ब्यभिचारीमन केर आउर दोसर जनानामन से रिश्ता बनाएक वालामन केर न्याय करी।

1 पतरस 2:8

आउर फिन पवितर किताब में लिखल अहे, “इ पखना आदमीमन के भूंई में गिराएक वाला होवी। इ एगो एइसन चट्टाइन हेके, जे उमन के नीचे गिराय देवी।” उमन इ लगिन गिरबैं, काले कि उमन परमेश्‍वर केर संदेश के मानेक से ठुकराय देबैं, उमन केर संगे एइसन परमेश्‍वर केर योजना केर मोताबिक होवी।

2 पतरस 2:15

उमन भला काम करेक छोइड़ देई हैं आउर उमन ओहे लेखे केर बुरा काम करेक शुरु काइर देई हैं, जे कि बओर केर बेटा बिलाम ढेइर समय पहिले काइर रहे। उके गलत काम काइर के पइसा कमाएक बेस लगत रहे।

यहूदा 1:11

उमन केर उपरे हाय! उमन आदम केर बेटा कैन नियर चाल चलैना, जे अपन भाई के माइर मोराय रहे। रुपया केर लोभ केर खातिर उमन खुद उइसनेहें काम करैना जइसन बिलाम काइर रहे। उमन कोरह बंश केर आदमीमन नियर नाश होई जबैं, जेमन बिरोध काइर रहैं।

प्रकाशितवाक्य 2:20

मगर मोके तोर बिरोध में इ कहेक अहे कि तोंय उ जनाना इजेबेल के रहेक देविसला जे खुद के परमेश्‍वर केर संदेश बताएक वाला कहेला, आउर मोर सेवकमन के ब्यभिचार करेक आउर मूर्तिमन लगिन बलि चढ़ाल चीजमन के खाएक लगिन सिखाय के बहकायला।

प्रकाशितवाक्य 2:4

मगर मोके तोर बिरोध में इ कहेक अहे कि तोंय अपन पहिला जइसन प्रेम छोइड़ देई हिस।

प्रकाशितवाक्य 21:8

मगर डरपोकमन, अबिसवासीमन, घिनघिना काम करेक वालामन, आउर हत्यारामन, ब्यभिचारीमन, ओझामन, मूर्ति पूजा करेक वालामन आउर सोउब झूठा आदमीमन केर हिस्सा उ झील में मिली, जे आइग आउर गंधक से बरते रहेला: इ दूसरा माउत हेके।”

प्रकाशितवाक्य 22:15

मगर अपवितरमन, ओझामन, ब्यभिचारीमन, हत्यारामन, मूर्ति पूजा करेक वालामन, हरेक झूठ के चाहेक वालामन आउर झूठ बनाएक वालामन बाहरे रहबैं।