प्रकाशितवाक्य 2:13 - सादरी नवाँ नियम

¹³ मोंय इ तो जानोना कि तोंय हूवाँ रहिसला जहाँ शैतान केर सिंहासन अहे, आउर तोंय मोर नाँव में स्थिर रहिसला। तोंय मोर उपरे बिसवास करेक से उ दिनमन में हों पिछे नी हटले, जेकर में मोर बिसवास लायक गवाह अन्तिपास, तोहर माझे उ ठाँव में मोराल गेलक जहाँ शैतान रहेला।

प्रकाशितवाक्य 2:13 Iomraidhean Croise

मत्ती 10:23

जब उमन तोहरेमन के एक नगर में सताबैं तो दूसरा नगर में भाइग जबा। मोंय तोहरेमन से सच कहाथों, तोहरेमन इसराइल देस केर सोउब नगरमन में घुइम के हों नी सिराबा कि मोंय आदमी केर बेटा फिन घूइर आमूँ।

मत्ती 24:9

से बेरा आदमीमन तोहरेमन के धरुवाय के ढेइर दुःख देबैं आउर माइर मोराबैं, तोहरेमन मोर उपरे बिसवास कराला से लगिन सोउब जाइत केर आदमीमन तोहरेमन से नफरत करबैं।

मत्ती 4:10

तब यीशु उकर से कहलक, “हे शैतान मोर से दूर होई जा, काले कि पवितर किताब में लिखल अहे, ‘तोंय प्रभु अपन परमेश्‍वर केर भक्ति कर, आउर सिरिफ उकरे सेवा कर’ ”

लूका 21:17

आउर तोहरेमन मोर उपरे बिसवास कराला से लगिन ढेइर आदमीमन तोहरेमन से नफरत करबैं।

खास चेलामन केर काम 22:20

आउर जब तोर गवाही देवेक वाला स्तिफनुस केर लोहू बहाय के उके माइर मोराल जात रहे, तो मोंय हों उके मोराएक में राजी रहों आउर हूवाँ ठड़ाल रहों, एतना हें निहीं, जेमन उके माइर मोरात रहैं, उ मनक लुगा केर रखवाली हों मोंय करत रहों।’

खास चेलामन केर काम 9:14

आउर हिंयाँ हों इके यहूदी मुध पुरोहितमन केर बटे से इ अधिकार मिल हे कि जे आदमीमन तोर उपरे बिसवास करैना, उमन के बाइंध के यरुशलेम शहर लेई जाओक।”

1थिस्सलुनीकियनमन 5:21

सोउब गोइठमन के परखा कि उ परमेश्‍वर बटले हेके कि निहीं, बेस संदेशमन के ग्रहण करा आउर उके पालन करा।

1 तीमुथियुस 5:8

अगर केऊ अपन रिश्तेदारमन केर मदइत नी करी आउर खास काइर के अपन परिवार केर जरुरत के पूरा नी करी, तो उ बिसवास से भटइक जाय हे, आउर अबिसवासी से हों बुरा बाइन जाय हे।

2 तीमुथियुस 1:13

से लगिन उ सच्चा शिक्षा के याइद रख, जेके तोंय मोर से सुइन हिस, आउर इ सोउब तोंय बिसवास आउर प्रेम से काइर के नमूना बान, काले कि तोंय यीशु मसीह केर संगे जुड़ल अहिस।

2 तीमुथियुस 2:12

अगर हमरे धीरज से उकर लगिन दुःख सहते रहब, तो उकर संगे राजा नियर राइज हों करब, मगर हमरे उके जानेक से इंकार काइर देवब, तो उ हों हमरे के कइह देवी कि मोंय तोहरे के नी जानोना।

इब्रानीमन 10:23

अब आवा हमरे जे आसरा केर बारे में कबूल काइर ही, उके बेगर शंका करले पोक्ता से धाइर रहब, काले कि परमेश्‍वर जे करार काइर हे उके पूरा करेक लगिन सच्चा अहे।

इब्रानीमन 3:6

मसीह एगो बेटा नियर परमेश्‍वर केर परिवार में बिसवास लायक अहे, अगर हमरे अपन साहस आउर उ आसरा में बिसवास के बनाय के राखिला, तो हमरे उकर परिवार हेकी।

याकूब 2:7

इमन ओहेमन हेकैं जेमन यीशु मसीह केर नाँव केर बिरोध में बुरा गोइठ गोठियायना, जे नाँव से तोहरे जुड़ल अहा।

प्रकाशितवाक्य 1:5

आउर यीशु मसीह केर बटले, जे बिसवास लायक गवाह आउर मोरलमन में से फिन से जी उठेक वालामन में पहिलौठा, आउर धरती केर राजामन केर हों राजा हेके, तोहरे के किरपा आउर शांति मिलते रहोक। उ हमरे से प्रेम करेला, आउर उ अपन लोहू से हमरे के पापमन से छोड़ाय हे।

प्रकाशितवाक्य 11:3

मोंय अपन दूई गो गवाहमन के इ अधिकार देमूँ कि एक हजार दूई सौ साठ दिन तक भविष्यवाणी करोक। उमन एक एइसन लुगा के पिंधल होबैं, जेके दुःख देखाएक लगिन पिंधल जायला।”

प्रकाशितवाक्य 12:11

आउर उमन मेमना केर लोहू केर खातिर आउर अपन गवाही केर बचन केर खातिर, उकर उपरे जीत पालैं, आउर उमन अपन प्राण केर मोह छोइड़ के माउत के अपनाय लेलैं।

प्रकाशितवाक्य 13:2

जे जानवर के मोंय देखलों, उ चीता नियर रहे आउर उकर गोड़ भालू केर गोड़ नियर आउर मुँह सिंह केर मुँह नियर रहे। आउर उ अजगर अपन शक्ति, अपन सिंहासन आउर बड़का अधिकार उके देई देलक।

प्रकाशितवाक्य 14:12

अब पवितर आदमीमन केर धीरज इकरे में अहे, जे परमेश्‍वर केर आगयामन के मानैना आउर यीशु केर उपरे बिसवास रखैना।

प्रकाशितवाक्य 17:14

इमन मेमना से लड़बैं, आउर मेमना उमन केर उपरे जीत जाई, काले कि उ प्रभुमन केर प्रभु आउर राजामन केर राजा हेके आउर जेमन बोलाल आउर चुनाल अहैं, आउर उकर परती बिसवास लायक अहैं, आउर उमन उकर संगे अहैं, उमन हों जीत जबैं।”

प्रकाशितवाक्य 17:6

मोंय उ जनाना के पवितर आदमीमन केर लोहू आउर यीशु केर गवाहमन केर लोहू पियेक से मातल देखलों। उके देइख के मोंय ताजुब होई गेलों।

प्रकाशितवाक्य 2:2

मोंय तोर काम, मेहनइत आउर तोर धीरज के जानोना। मोंय एहो जानोना कि तोंय बुरा आदमीमन के देखेक नी पारिसला। जे खुद के खास चेला कहैना मगर उमन ना लगैं, उमन के तोंय परइख के झूठा पाले।

प्रकाशितवाक्य 3:11

मोंय जल्दी हें आवेक वाला अहों, जे गेयान तोर ठिना अहे, उकर में मजबूत बनल रह ताकि केऊ तोर मुकुट के लुटेक ना पारोक।

प्रकाशितवाक्य 3:3

से लगिन याइद कर कि तोंय कइसन गेयान पाले आउर सुइन रहिस, आउर उकर में बनल रह, आउर पाप करेक छोइड़ दे। आउर अगर तोंय सावधान नी रहबे तो मोंय चोर नियर आय जामूँ आउर तोंय नी जानेक पारबे कि कोन घड़ी तोर ठिना आय जामूँ।