प्रकाशितवाक्य 2:12 - सादरी नवाँ नियम

¹² पिरगमुन शहर केर कलीसिया केर स्वरगदूत के इ लीख: मोंय ओहे हेकों जेकर ठिना दुइयो आरा तेज धार वाला तलवाइर अहे। मोंय तोके जे कहोना उके सुन:

प्रकाशितवाक्य 2:12 Iomraidhean Croise

इब्रानीमन 4:12

परमेश्‍वर केर बचन तो जिंदा आउर काम करेक वाला हेके, उ दुइयो आरा धार करल तलवाइर से हों बगरा चोखा अहे। उ आत्मा आउर प्राण, आउर काया केर जोड़, आउर गुदा तक पोंहइच जायला, आउर हमरे केर हिरदय केर सोच आउर बिचार के परखेला।

प्रकाशितवाक्य 1:11

उ कहत रहे, “जे कुछ तोंय देखाथिस उके किताब में लीख के सातों कलीसियामन ठिना भेइज दे, मतलब इफिसुस, स्मुरना, पिरगमुन, थुआतीरा, सरदीस, फिलदिलफिया आउर लौदीकिया शहर केर कलीसिया के भेइज दे।”

प्रकाशितवाक्य 1:16

उ अपन भतखाइया हाँथ में सात गो तइरगन लेई रहे, आउर उकर मुँह से दुइयो आरा तेज धार वाला एगो तलवाइर निकलत रहे। उकर मुँह एइसन चमकत रहे, जइसन बेइर कलवा बेरा चमकेला।

प्रकाशितवाक्य 19:15

जाइत-जाइत केर आदमीमन के मारेक लगिन उकर मुँह से एक चोखा तलवाइर बाहरे निकलत रहे। उ राइज करेक वाला लोहा केर लाठी लेई के उमन उपरे राइज करी, आउर सर्वशक्तिमान परमेश्‍वर केर भयानक परकोप केर मदिरा केर कुंड में अंगूर केर रस रौंदी।

प्रकाशितवाक्य 19:21

आउर जे आदमीमन बाइच रहैं, उमन, घोड़ा उपरे बाइठ रहे, उकर तलवाइर से जे उकर मुँह से निकलत रहे, माइर मोराल गेलैं आउर सोउब चरई उ मनक माँस से अघाय गेलैं।

प्रकाशितवाक्य 2:1

उ मोके एहो कहलक, “इफिसुस शहर केर कलीसिया केर स्वरगदूत के इ संदेश लीख कि मोंय ओहे हेकों जे सात गो तइरगन अपन भतखाइया हाँथ में लेवल अहों आउर सोना केर सात गो दीया रखेक केर खूँटा केर माझे चलोना-फिरोना। मोंय तोके जे कहाथों उके सुन:

प्रकाशितवाक्य 2:16

से लगिन पाप करेक छोइड़ दे, निहीं तो मोंय तोर ठिना जल्दी हें आय के, अपन मुँह केर तलवाइर से उमन केर संगे लाड़मूँ।