प्रकाशितवाक्य 2:1 - सादरी नवाँ नियम

¹ उ मोके एहो कहलक, “इफिसुस शहर केर कलीसिया केर स्वरगदूत के इ संदेश लीख कि मोंय ओहे हेकों जे सात गो तइरगन अपन भतखाइया हाँथ में लेवल अहों आउर सोना केर सात गो दीया रखेक केर खूँटा केर माझे चलोना-फिरोना। मोंय तोके जे कहाथों उके सुन:

प्रकाशितवाक्य 2:1 Iomraidhean Croise

मत्ती 18:20

काले कि उ कहेला, जहाँ दूई चाहे तीन झन आदमीमन मोर नाँव से जमा होवैना, हूवाँ मोंय उ मनक माझे में रहोना।”

मत्ती 28:20

आउर उमन के सोउब गोइठमन के जे मोंय तोहरेमन के आगया देई हों, मानेक लगिन सिखावा: आउर देखा, मोंय दुनिया केर अंत तक सोउब बेरा तोहरेमन केर संगे अहों।”

यूहन्ना 5:35

यूहन्ना बरते आउर चमकते दीया नियर रहे आउर उकर इंजोत में थोरेक देरी खुशी मनाएक तोहरेमन के बेस लगलक।

खास चेलामन केर काम 18:19

पौलुस इफिसुस शहर में पोंहइच के प्रिस्किल्ला आउर अक्विला के हूवाँ छोइड़ देलक आउर खुद यहूदी मनक प्रार्थना घर में जाय के यहूदीमन से बहस करेक लगलक।

खास चेलामन केर काम 18:21

आउर इ कइह के उमन से बिदा होलक, “अगर परमेश्‍वर चाही तो मोंय तोहर ठिना फिन आमूँ।” तब उ इफिसुस शहर छोइड़ के पानी जहाज से आगे चाइल गेलक।

खास चेलामन केर काम 19:1

जब अपुल्लोस कुरिन्थुस शहर में रहे। पौलुस भीतरे केर सोउब परदेस से होई के इफिसुस शहर में आलक। हूवाँ थोरेक चेलामन मिललैं।

2 कुरिनथियनमन 6:16

आउर परमेश्‍वर केर मंदिर केर रिश्ता मूर्तिमन से नखे, काले कि हमरे तो जिंदा परमेश्‍वर केर मंदिर हेकी, जइसन पवितर किताब में परमेश्‍वर कइह हे, “मोंय इ आदमीमन केर संगे रहमूँ आउर उमन केर संगे चलमूँ-फिरमूँ, मोंय उमन केर परमेश्‍वर होमूँ, आउर उमन मोर आदमी होबैं।”

प्रकाशितवाक्य 1:16

उ अपन भतखाइया हाँथ में सात गो तइरगन लेई रहे, आउर उकर मुँह से दुइयो आरा तेज धार वाला एगो तलवाइर निकलत रहे। उकर मुँह एइसन चमकत रहे, जइसन बेइर कलवा बेरा चमकेला।

प्रकाशितवाक्य 1:20

उ सात तइरगनमन केर भेद, जेमन के तोंय मोर भतखाइया हाँथ में देइख रहिस, आउर उ सात गो दीया रखेक केर खूँटा केर भेद: उ सात तइरगनमन सातों कलीसियामन केर दूत हेकैं, आउर उ सात दीया खूँटा सात कलीसियामन हेकैं।”

प्रकाशितवाक्य 12:1

फिन आकाश में एगो बड़का चिन्हा दिस्तार देलक, मतलब एगो जनाना बेइर के ओइढ़ रहे। उकर पाँव केर हेंठे चाँद रहे आउर उकर मूँड़ उपरे बारह गो तइरगनमन केर मुकुट रहे।

प्रकाशितवाक्य 2:12

पिरगमुन शहर केर कलीसिया केर स्वरगदूत के इ लीख: मोंय ओहे हेकों जेकर ठिना दुइयो आरा तेज धार वाला तलवाइर अहे। मोंय तोके जे कहोना उके सुन:

प्रकाशितवाक्य 2:18

थुआतीरा नगर केर कलीसिया केर स्वरगदूत के इ संदेश लीख: मोंय परमेश्‍वर केर बेटा जेकर आँइख आइग केर अंगोर नियर अहे आउर जेकर पाँव बेस पीतल नियर अहे। मोंय तोर से जे कहाथों उके सुन:

प्रकाशितवाक्य 2:8

स्मुरना शहर केर कलीसिया केर स्वरगदूत के इ संदेश लीख: मोंय ओहे हेकों जे शुरु आउर आखरी हेकों। मोंय मोइर जाय रहों आउर अब मोंय सोउब दिन लगिन जिंदा अहों। मोंय तोर से जे कहाथों उके सुन,

प्रकाशितवाक्य 3:1

सरदीस शहर केर कलीसिया केर स्वरगदूत के इ संदेश लीख: मोंय ओहे हेकों जेकर ठिना परमेश्‍वर केर सात गो आत्मा आउर सात गो तइरगन अहैं। मोंय तोके जे कहाथों उके सुन: मोंय तोर काममन के जानोना कि तोंय जिंदा तो कहाइसला, मगर मोरल अहिस।

प्रकाशितवाक्य 3:14

लौदीकिया शहर केर कलीसिया केर स्वरगदूत के इ संदेश लीख: मोंय ओहे हेकों जे आमीन आउर बिसवास लायक आउर सच्चा गवाह हेके। आउर परमेश्‍वर जे कोनों बनाय हे उकर निचोड़ हेके। मोंय तोके जे कहाथों उके सुन:

प्रकाशितवाक्य 3:7

आउर फिलदिलफिया शहर केर कलीसिया केर स्वरगदूत के इ संदेश लीख: मोंय ओहे हेकों जे पवितर आउर सच्चा हेके, आउर जे दाऊद केर कुंजी रखेला। आउर मोर खोलल के केऊ बंद नी करेक पारी आउर बंद करल के केऊ खोलेक नी पारी। मोंय तोके जे कहाथों उके सुन: