प्रकाशितवाक्य 19:9 - सादरी नवाँ नियम

⁹ तब स्वरगदूत मोर से कहलक, “इके लीख: धाइन हेकैं उमन, जे मेमना केर बिहा केर भोज में बोलाल जाय हैं।” फिन उ मोर से कहलक, “इ बचन परमेश्‍वर केर सच्चा बचन हेके।”

प्रकाशितवाक्य 19:9 Iomraidhean Croise

लूका 22:16

काले कि मोंय तोहरेमन से कहाथों कि इ फसह परब केर भोज दोबारा तब तक नी खामूँ जब तक कि इ परमेश्‍वर केर राइज में पूरा नी होई जाई।”

1 तीमुथियुस 1:15

इ गोइठ सच आउर सोउब रकम से मानेक केर लाएक अहे कि मसीह यीशु हमरे पापीमन के बचाएक लगिन दुनिया में आलक, जेमन में से सोउब से बगरा पापी मोंय हेकों।

1 तीमुथियुस 4:9

आउर इ गोइठ सच आउर सोउब रकम से मानेक केर लाएक अहे।

2 तीमुथियुस 2:11

इ गोइठ सच हेके कि अगर हमरे उकर संगे मोइर जाय ही, तो उकर संगे जियब हों।

तीतुस 3:8

इ गोइठ सच हेके आउर मोंय चाहोना कि तोंय इ गोइठमन केर बारे में बिसवासीमन के पोक्ता से सिखाबे, इ लगिन कि जेमन परमेश्‍वर उपरे बिसवास काइर हैं, उमन भला काममन के करते रहेक में धेयान देवोक, इ गोइठमन बेस आउर आदमीमन लगिन फायदा केर हेके।

प्रकाशितवाक्य 1:1

इ प्रकाशितवाक्य यीशु मसीह केर बटले अहे, जेके परमेश्‍वर उकर उपरे इ लगिन दिस्तार काइर हे कि उ अपन सेवकमन के, उ गोइठमन के जे जरूर हें जल्दी होवेक वाला अहे, देखाओक। यीशु मसीह अपन स्वरगदूत के भेइज के उकर जरिया से, इ प्रकाशन के अपन सेवक यूहन्ना के बतालक।

प्रकाशितवाक्य 1:19

से लगिन जे गोइठमन तोंय देइख हिस आउर जे गोइठमन होवाथे आउर जे गोइठमन इकर पाछे होवेक वाला अहे, उ सोउब के लीख ले।

प्रकाशितवाक्य 10:4

जब सातों गरजेक केर शबद सुनाएक बंद होलक, तो मोंय लिखेक हें वाला रहों, मगर मोंय स्वरग से एक आवाज के इ कहते सुनलों, “जे गोइठमन के तोंय उ सात गरजेक वालामन से सुइन हिस, उके मन हें में रख, आउर ना लीख।”

प्रकाशितवाक्य 14:13

फिन मोंय स्वरग से इ आवाज के इ कहते सुनलों, “लीख: धाइन हेकैं उ मुरदामन, जे अब से प्रभु में बिसवास करते मोरायना।” पवितर आत्मा कहेला, “हाँ, काले कि उमन अपन सोउब मेहनइत से आराम पाबैं, आउर उमन केर काम उमन केर संगे होई लेवेला।”

प्रकाशितवाक्य 17:1

इकर पाछे उ सात स्वरगदूतमन जेमन ठिना सात कटोरा रहे, उमन में से एक मोर ठिना आय के कहलक, “हिने आव, मोंय तोके उ बड़का बेश्या केर दंड के देखामूँ, जे कायनों नदीमन केर भीरे बसल महान शहर हेके।

प्रकाशितवाक्य 17:17

काले कि परमेश्‍वर उमन केर मन के एक मत काइर देई हे, ताकि जब तक उकर बचन पूरा नी होई जाई, तब तक उमन शासन करेक केर अपन अधिकार के उ जानवर के सोंइप देवोक।

प्रकाशितवाक्य 2:1

उ मोके एहो कहलक, “इफिसुस शहर केर कलीसिया केर स्वरगदूत के इ संदेश लीख कि मोंय ओहे हेकों जे सात गो तइरगन अपन भतखाइया हाँथ में लेवल अहों आउर सोना केर सात गो दीया रखेक केर खूँटा केर माझे चलोना-फिरोना। मोंय तोके जे कहाथों उके सुन:

प्रकाशितवाक्य 2:12

पिरगमुन शहर केर कलीसिया केर स्वरगदूत के इ लीख: मोंय ओहे हेकों जेकर ठिना दुइयो आरा तेज धार वाला तलवाइर अहे। मोंय तोके जे कहोना उके सुन:

प्रकाशितवाक्य 2:18

थुआतीरा नगर केर कलीसिया केर स्वरगदूत के इ संदेश लीख: मोंय परमेश्‍वर केर बेटा जेकर आँइख आइग केर अंगोर नियर अहे आउर जेकर पाँव बेस पीतल नियर अहे। मोंय तोर से जे कहाथों उके सुन:

प्रकाशितवाक्य 2:8

स्मुरना शहर केर कलीसिया केर स्वरगदूत के इ संदेश लीख: मोंय ओहे हेकों जे शुरु आउर आखरी हेकों। मोंय मोइर जाय रहों आउर अब मोंय सोउब दिन लगिन जिंदा अहों। मोंय तोर से जे कहाथों उके सुन,

प्रकाशितवाक्य 21:5

जे सिंहासन उपरे बाइठ रहे, उ कहलक, “देख, मोंय सोउब कुछ नवाँ काइर देवाथों।” फिन उ कहलक, “लीख ले, काले कि इ बचन बिसवास केर लायक आउर सच्चा हेके।”

प्रकाशितवाक्य 22:6

फिन उ मोर से कहलक, “इ गोइठमन बिसवास केर लायक आउर सच्चा हेके। प्रभु जे उकर संदेश के बताएक वालामन केर आत्मामन केर परमेश्‍वर हेके, अपन स्वरगदूत के इ लगिन भेजलक कि अपन सेवकमन के उ गोइठमन जेमन केर जल्दी पूरा होवेक जरुरी अहे, देखाओक।”

प्रकाशितवाक्य 3:1

सरदीस शहर केर कलीसिया केर स्वरगदूत के इ संदेश लीख: मोंय ओहे हेकों जेकर ठिना परमेश्‍वर केर सात गो आत्मा आउर सात गो तइरगन अहैं। मोंय तोके जे कहाथों उके सुन: मोंय तोर काममन के जानोना कि तोंय जिंदा तो कहाइसला, मगर मोरल अहिस।

प्रकाशितवाक्य 3:14

लौदीकिया शहर केर कलीसिया केर स्वरगदूत के इ संदेश लीख: मोंय ओहे हेकों जे आमीन आउर बिसवास लायक आउर सच्चा गवाह हेके। आउर परमेश्‍वर जे कोनों बनाय हे उकर निचोड़ हेके। मोंय तोके जे कहाथों उके सुन:

प्रकाशितवाक्य 3:20

देख, मोंय दुरा में ठड़ाल ठोकठोकवना, अगर केऊ मोर शबद सुइन के दुरा खोली, तो मोंय उकर ठिना भीतरे आय के उकर संगे भोजन करमूँ, आउर उ मोर संगे।

प्रकाशितवाक्य 3:7

आउर फिलदिलफिया शहर केर कलीसिया केर स्वरगदूत के इ संदेश लीख: मोंय ओहे हेकों जे पवितर आउर सच्चा हेके, आउर जे दाऊद केर कुंजी रखेला। आउर मोर खोलल के केऊ बंद नी करेक पारी आउर बंद करल के केऊ खोलेक नी पारी। मोंय तोके जे कहाथों उके सुन: