प्रकाशितवाक्य 19:6 - सादरी नवाँ नियम

⁶ फिन मोंय बड़का भीड़ केर नियर आवाज सुनलों। उ आवाज ढेइर पानी केर नियर आउर बदरी केर गरजेक केर नियर रहे। उमन कहलैं, “हाल्लेलूयाह! उकर स्तुति होवोक, काले कि प्रभु हमर परमेश्‍वर सर्वशक्तिमान राइज करेला।

प्रकाशितवाक्य 19:6 Iomraidhean Croise

मत्ती 6:13

आउर हमरे के परीक्षा में ना लान, मगर शैतान केर बहकाएक से बचाव, काले कि राइज आउर पराक्रम आउर महिमा सोउब बेरा तोर हें हेके। आमीन।

प्रकाशितवाक्य 1:15

उकर गोड़ भट्ठी में धिपाय के चमकाल पीतल नियर रहे आउर उकर शबद ढेइर पानी केर धार केर आवाज नियर रहे।

प्रकाशितवाक्य 1:8

प्रभु परमेश्‍वर इ कहेला, “मोंय हें अलफा आउर ओमेगा हेकों। मोंय हें उ हेकों, जे रहे, आउर जे अहे, आउर जे आवेक वाला अहे, आउर सर्वशक्तिमान अहे।”

प्रकाशितवाक्य 12:10

फिन मोंय स्वरग में से जोर से इ कहते सुनलों, “अब हमर परमेश्‍वर केर छुटकारा, शक्ति, राइज आउर उकर मसीह केर अधिकार दिस्तार होई हे, काले कि हमर भाईमन उपरे दोष लगाएक वाला, जे राइत दिन हमर परमेश्‍वर केर भीरे उ मनक उपरे दोष लगाते रहत रहे, गिराय देवल गेलक।

प्रकाशितवाक्य 14:2

आउर स्वरग से मोके एगो एइसन आवाज सुनाई देलक, जे ढेइर उपरे से पानी गिरेक आउर बदरी केर जोर से गरजेक नियर रहे आउर जे आवाज मोंय सुनलों, उ एइसन रहे जइसन बीना बजाएक वालामन बीना बजायना।

प्रकाशितवाक्य 19:1

जब बलवान स्वरगदूत कहेक बंद करलक, तब मोंय स्वरग में एगो बड़का भीड़ के ऊँचा आवाज में इ कहते सुनलों, “हाल्लेलूयाह! छुटकारा, आउर महिमा, आउर शक्ति हमर परमेश्‍वर हें केर हेके।

प्रकाशितवाक्य 19:4

तब चोबिसो मुखियामन आउर चाइरो जीवमन सिंहासन में बइठल परमेश्‍वर केर सामने झुइक के माथा टेकलैं आउर उकर आराधना करते गावेक लगलैं, “आमीन! हाल्लेलूयाह”

प्रकाशितवाक्य 21:22

मोंय उकर में कोनों मंदिर के नी देखलों, काले कि सर्वशक्तिमान प्रभु परमेश्‍वर आउर मेमना हें उकर मंदिर हेकैं।

प्रकाशितवाक्य 4:5

उ सिंहासन में से बिजली आउर गरजेक केर आवाज निकलाथे आउर सिंहासन केर भीरे आइग केर सात गो दीया बराथे, उमन परमेश्‍वर केर सात आत्मामन हेकैं।

प्रकाशितवाक्य 6:1

फिन मोंय देखलों कि मेमना उ सात गो मोहरमन में से एगो के खोललक, सेहे बेरा उ चाइरो जीवमन में से एगो के मोंय बदरी घिड़केक जइसन ऊँचा आवाज में इ कहते सुनलों, “आव!”

प्रकाशितवाक्य 8:5

इकर पाछे स्वरगदूत धूपदानी लेई के उकर में बेदी केर आइग भरलक आउर धरती में उझइल देलक। जेकर से बदरी गरजेक, आउर शबद, आउर बिजलीमन चमकेक, आउर भूंईडोल आवेक लगलक।