प्रकाशितवाक्य 19:4 - सादरी नवाँ नियम

⁴ तब चोबिसो मुखियामन आउर चाइरो जीवमन सिंहासन में बइठल परमेश्‍वर केर सामने झुइक के माथा टेकलैं आउर उकर आराधना करते गावेक लगलैं, “आमीन! हाल्लेलूयाह”

प्रकाशितवाक्य 19:4 Iomraidhean Croise

मत्ती 28:20

आउर उमन के सोउब गोइठमन के जे मोंय तोहरेमन के आगया देई हों, मानेक लगिन सिखावा: आउर देखा, मोंय दुनिया केर अंत तक सोउब बेरा तोहरेमन केर संगे अहों।”

मत्ती 6:13

आउर हमरे के परीक्षा में ना लान, मगर शैतान केर बहकाएक से बचाव, काले कि राइज आउर पराक्रम आउर महिमा सोउब बेरा तोर हें हेके। आमीन।

1 कुरिनथियनमन 14:16

माइन लेवा कि जब तोहरे अपन आत्मा से परमेश्‍वर केर आराधना कराला, आउर थोरेक साधारण आदमीमन तोहर आराधना सभा में आबैं, आउर तोहरे केर धन्यबाद देवेक केर पाछे, उमन कइसन जानबैं कि कखन आमीन कहेक अहे?

प्रकाशितवाक्य 15:7

तब उ चाइरो जीवमन में से एगो, उ सातों स्वरगदूतमन के सात सोना केर कटोरा देलक, जे जुग-जुग जिंदा परमेश्‍वर केर परकोप से भरल रहे।

प्रकाशितवाक्य 19:1

जब बलवान स्वरगदूत कहेक बंद करलक, तब मोंय स्वरग में एगो बड़का भीड़ के ऊँचा आवाज में इ कहते सुनलों, “हाल्लेलूयाह! छुटकारा, आउर महिमा, आउर शक्ति हमर परमेश्‍वर हें केर हेके।

प्रकाशितवाक्य 19:3

फिन दूसरा बेर उमन कहलैं, “हाल्लेलूयाह! आउर उकर पोड़ेक केर धुंगिया जुग-जुग उठते रही।”

प्रकाशितवाक्य 19:6

फिन मोंय बड़का भीड़ केर नियर आवाज सुनलों। उ आवाज ढेइर पानी केर नियर आउर बदरी केर गरजेक केर नियर रहे। उमन कहलैं, “हाल्लेलूयाह! उकर स्तुति होवोक, काले कि प्रभु हमर परमेश्‍वर सर्वशक्तिमान राइज करेला।

प्रकाशितवाक्य 5:14

आउर चाइरो जीवमन आमीन कहलैं, आउर मुखियामन झुइक के माथा टेकलैं आउर भक्ति करलैं।