प्रकाशितवाक्य 19:2 - सादरी नवाँ नियम

² काले कि उकर फैसला सच्चा आउर ठीक अहे। उ बड़का बेश्या केर जे अपन ब्यभिचार से धरती के भ्रष्ट करत रहे, फैसला करलक, आउर उकर से अपन सेवकमन केर लोहू केर पलटा लेई हे।”

प्रकाशितवाक्य 19:2 Iomraidhean Croise

प्रकाशितवाक्य 15:3

आउर उमन परमेश्‍वर केर सेवक मूसा केर द्वारा मेमना केर बारे में गावल गीत गाय-गाय के कहत रहैं, “हे सर्वशक्तिमान प्रभु परमेश्‍वर, तोर काम महान आउर अदभुत अहे, हे जुग-जुग केर राजा, तोर चाल ठीक आउर सच्चा अहे।

प्रकाशितवाक्य 18:20

हे स्वरग आउर हे पवितर आदमीमन, आउर चुनल खास चेलामन आउर परमेश्‍वर केर संदेश के बताएक वाला आदमीमन खुशी मनावा, काले कि परमेश्‍वर फैसला काइर के उकर से तोहर पलटा लेई हे।

प्रकाशितवाक्य 18:3

काले कि उकर ब्यभिचार केर कड़ुवा नशा से सोउब जाइत केर आदमीमन गिर गेलैं, आउर धरती केर राजामन उकर संगे ब्यभिचार काइर रहैं, आउर धरती केर बेपारीमन उकर भोग-बिलास केर भरपूरी केर खातिर धनवान होई रहैं।”

प्रकाशितवाक्य 6:10

आउर उमन जोर से आवाज देई के कहलैं, “हे मालिक, तोंय पवितर आउर सच्चा हेकिस। तोंय कब तक फैसला नी करबे? आउर धरती में रहेक वाला आदमीमन से हमर लोहू केर पलटा केखन तक नी लेबे?”