प्रकाशितवाक्य 19:12 - सादरी नवाँ नियम

¹² उकर आँइख आइग नियर धधकेला आउर उकर मूँड़ उपरे ढेइर राजमुकुट अहे। आउर उकर उपरे एगो नाँव लिखल अहे, जेके उके छोइड़ आउर केऊ नी जानैना।

प्रकाशितवाक्य 19:12 Iomraidhean Croise

मत्ती 11:27

मोर आबा परमेश्‍वर मोके सोउब कुछ केर उपरे अधिकार देई हे, सिरिफ परमेश्‍वर आबा हें बेटा के जानेला, आउर बेटा हें परमेश्‍वर आबा के जानेला, आउर बेटा जे आदमी के चाहेला उकर उपरे उके दिस्तार करेला।

मत्ती 21:5

“यरुशलेम शहर केर रहेक वाला आदमीमन से कह, ‘देखा, तोहर राजा तोहर ठिना आवाथे। उ नरम अहे, उ गधा उपरे बइठल अहे, एतना तक कि गधी केर छउवा उपरे।’ ”

मत्ती 28:18

यीशु उमन ठिना आय के कहलक, “स्वरग आउर धरती केर समूचा अधिकार मोके देवल जाय हे।

लूका 10:22

मोर परमेश्‍वर आबा मोके सोउब कुछ केर अधिकार देई हे, बेटा के हेके, केऊ नी जानैना, सिरिफ परमेश्‍वर आबा जानेला, आउर परमेश्‍वर आबा के हेके, इखो केऊ नी जानैना, सिरिफ बेटा हें जानेला, आउर बेटा जे आदमी के चाहेला, उकर उपरे उके दिस्तार करेला।”

यूहन्ना 17:11

मोंय अब दुनिया में नी रहमूँ, मोंय तोर ठिना आवाथों मगर मोर चेलामन दुनिया में रहबैं। हे पवितर आबा परमेश्‍वर, तोंय उ नाँव केर शक्ति से जेके तोंय मोके देई हिस, उमन केर रक्षा कर। जेकर से उमन हों हमर लेखे एक होबैं।

यूहन्ना 17:12

जब मोंय उमन केर संगे रहों, तो मोंय तोर उ नाँव केर शक्ति से जेके तोंय मोके देई हिस, उमन केर रक्षा करलों, मोंय उमन केर देख-रेख करलों। जेकर नाश होवेक पक्का रहे, उके छोइड़ के उमन में से केऊ नाश नी होलैं। जेकर से पवितर किताब में लिखल गोइठ पूरा होवोक।

इफिसियनमन 1:21

हूवाँ उकर नाँव सोउब रकम केर प्रधानता आउर अधिकार, आउर शक्ति, आउर प्रभुता केर उपरे, आउर हरेक नाँव केर उपरे, जे ना सिरिफ इ दुनिया में मगर आवेक वाला दुनिया में हों लेवल जाई।

इब्रानीमन 2:9

मगर हमरे यीशु के जे स्वरगदूतमन से थोरहें कम करल जाय रहे, माउत केर दुःख उठाएक केर चलते महिमा आउर आदर केर मुकुट पिंधल देखिला, काले कि परमेश्‍वर केर किरपा से हरेक आदमीमन लगिन उ मोइर गेलक।

प्रकाशितवाक्य 1:14

उकर मूँड़ आउर केंस चरका रोवाँ मतलब बरफ नियर चरका रहे, आउर उकर आँइख हिदकल आइग नियर रहे।

प्रकाशितवाक्य 12:3

फिन एक आउर चिन्हा आकाश में दिस्तार देलक, एगो बड़का लाल अजगर रहे, जेकर सात मूँड़ आउर दस सींग रहे, आउर उकर मूँड़मन में सात राजमुकुट रहे।

प्रकाशितवाक्य 13:1

तब मोंय समुदर में से खूंखार जानवर के निकलते देखलों। उकर दस गो सींग आउर सात गो मूँड़ रहे। उकर दसो सींगमन में एक-एक राजमुकुट रहे आउर उकर मूँड़मन उपरे परमेश्‍वर केर निंदा करेक वाला नाँव लिखल रहे।

प्रकाशितवाक्य 19:16

उकर लुगा आउर जाँघ उपरे इ लिखल रहे: “राजामन केर राजा आउर प्रभुमन केर प्रभु।”

प्रकाशितवाक्य 3:12

जे जीत जाई, उके मोंय अपन परमेश्‍वर केर मंदिर में एगो खंभा बनामूँ आउर उ फिन कहियो बाहरे नी निकली, आउर मोंय अपन परमेश्‍वर केर नाँव आउर अपन परमेश्‍वर केर नगर मतलब नवाँ यरुशलेम केर नाँव, जे मोर परमेश्‍वर ठिना से स्वरग से उतरेक वाला अहे, आउर अपन नवाँ नाँव उकर में लिखमूँ।

प्रकाशितवाक्य 6:2

तब मोंय नजइर उठाय के देखलों, तो मोर आगे एगो चरका घोड़ा अहे, आउर उ घोड़ा में जे बाइठ हे उकर हाँथ में एगो धनुष अहे, उके एक मुकुट देवल गेलक आउर उ जय-जय करते निकललक कि आउर हें जीत पाओक।