प्रकाशितवाक्य 19:11 - सादरी नवाँ नियम

¹¹ फिन मोंय देखलों कि स्वरग खोलल अहे, हूवाँ मोर सामने एगो चरका घोड़ा रहे आउर उकर उपरे एक झन चढ़ल रहे, जे बिसवास लायक आउर सच्चा कहायला। उ जे गोइठ परमेश्‍वर केर नजइर में सही है उकर मोताबिक परमेश्‍वर केर दुश्मनमन केर बिरोध फैसला करेला आउर लड़ाई करेला।

प्रकाशितवाक्य 19:11 Iomraidhean Croise

यूहन्ना 1:51

फिन यीशु उकर से एहो कहलक, “मोंय तोहरेमन से सच-सच कहाथों कि तोहरेमन स्वरग के खोलल आउर परमेश्‍वर केर स्वरगदूतमन के मोंय आदमी केर बेटा केर उपरे उतरते आउर मोर से फिन स्वरग जाते देखबा।”

यूहन्ना 14:6

यीशु उकर से कहलक, “डहर आउर सच्चाई आउर जिंदगी मोंय हें हेकों, बिना मोर से होई के केऊ आबा परमेश्‍वर ठिना पोंहचेक नी पारी।

प्रकाशितवाक्य 1:5

आउर यीशु मसीह केर बटले, जे बिसवास लायक गवाह आउर मोरलमन में से फिन से जी उठेक वालामन में पहिलौठा, आउर धरती केर राजामन केर हों राजा हेके, तोहरे के किरपा आउर शांति मिलते रहोक। उ हमरे से प्रेम करेला, आउर उ अपन लोहू से हमरे के पापमन से छोड़ाय हे।

प्रकाशितवाक्य 11:19

तब परमेश्‍वर केर जे मन्दिर स्वरग में अहे, उ खोलल गेलक, आउर उकर मन्दिर में उकर करार केर बक्सा दिसलक। आउर बिजलीमन, आवाजमन आउर बदरी केर गरजेक केर आवाज आउर भूंईडोल होलक आउर भारी ओला गिरलक।

प्रकाशितवाक्य 19:19

फिन मोंय उ खूंखार जानवर आउर धरती केर राजामन आउर उमन केर सेनामन के देखलों, जेमन उ घोड़ा केर उपरे बइठल आउर उकर सेनामन से लड़ेक लगिन जमा होई रहैं।

प्रकाशितवाक्य 19:21

आउर जे आदमीमन बाइच रहैं, उमन, घोड़ा उपरे बाइठ रहे, उकर तलवाइर से जे उकर मुँह से निकलत रहे, माइर मोराल गेलैं आउर सोउब चरई उ मनक माँस से अघाय गेलैं।

प्रकाशितवाक्य 3:14

लौदीकिया शहर केर कलीसिया केर स्वरगदूत के इ संदेश लीख: मोंय ओहे हेकों जे आमीन आउर बिसवास लायक आउर सच्चा गवाह हेके। आउर परमेश्‍वर जे कोनों बनाय हे उकर निचोड़ हेके। मोंय तोके जे कहाथों उके सुन:

प्रकाशितवाक्य 3:7

आउर फिलदिलफिया शहर केर कलीसिया केर स्वरगदूत के इ संदेश लीख: मोंय ओहे हेकों जे पवितर आउर सच्चा हेके, आउर जे दाऊद केर कुंजी रखेला। आउर मोर खोलल के केऊ बंद नी करेक पारी आउर बंद करल के केऊ खोलेक नी पारी। मोंय तोके जे कहाथों उके सुन:

प्रकाशितवाक्य 4:1

मोर इ गोइठमन के देखेक केर पाछे मोंय स्वरग में एगो दुरा खुलल देखलों। आउर ओहे आवाज जेके मोंय पहिले सुइन रहों दोबारा सुनलों, जे एगो तुरही केर आवाज जइसन रहे। उ मोर से कहलक, “हिंयाँ उपरे आय जा आउर मोंय उ गोइठमन के तोके देखामूँ, जेमन केर इ गोइठमन केर पाछे पूरा होवेक जरुरी अहे।”

प्रकाशितवाक्य 6:2

तब मोंय नजइर उठाय के देखलों, तो मोर आगे एगो चरका घोड़ा अहे, आउर उ घोड़ा में जे बाइठ हे उकर हाँथ में एगो धनुष अहे, उके एक मुकुट देवल गेलक आउर उ जय-जय करते निकललक कि आउर हें जीत पाओक।