प्रकाशितवाक्य 18:3 - सादरी नवाँ नियम

³ काले कि उकर ब्यभिचार केर कड़ुवा नशा से सोउब जाइत केर आदमीमन गिर गेलैं, आउर धरती केर राजामन उकर संगे ब्यभिचार काइर रहैं, आउर धरती केर बेपारीमन उकर भोग-बिलास केर भरपूरी केर खातिर धनवान होई रहैं।”

प्रकाशितवाक्य 18:3 Iomraidhean Croise

लूका 7:25

तो फिन तोहरेमन का देखेक जाय रहा? का बढ़ियाँ लुगा पिंधल आदमी के? देखा, जेमन बढ़ियाँ लुगा पिंधैना आउर सुख-चाइन से रहैना, उमन राजमहलमन में रहैना।

1 तीमुथियुस 5:11

उ बिधवामन केर नाँव ना लिखबे, जेमन केर उमर साठ बरिस से कम अहे, काले कि जब मसीह केर बिरोध में उमन केर काया केर इच्छा बाइढ़ जायला तो उमन बिहा करेक चाहैना।

प्रकाशितवाक्य 14:8

फिन इकर पाछे एक आउर दूसरा स्वरगदूत इ कहते आलक, “नाश होई गेलक, उ महान देस बेबीलोन नाश होई गेलक, जे अपन ब्यभिचार केर कड़ुवा नशा सोउब जाइत केर आदमीमन के पियाय हे।”

प्रकाशितवाक्य 17:2

जेकर संगे धरती केर राजामन ब्यभिचार करलैं, आउर धरती केर रहेक वाला आदमीमन उकर ब्यभिचार केर नशा से माइत जाय रहैं।”

प्रकाशितवाक्य 18:19

आउर अपन-अपन मूँड़मन उपरे धूर मखाय के काँदते बिलखते जोर-जोर से कहबैं, “हाय! हाय! इ महान नगर जेकर सम्पति से समुदर केर सोउब जहाज मालिकमन धनी होई जाय रहैं, एके घड़ी में नाश होई गेलक।”

प्रकाशितवाक्य 18:23

दीया केर इंजोत कहियो तोर में फिन नी चमकी आउर दूल्हा आउर दुलहिन केर आवाज कहियो तोर में फिन नी सुनाई देई, काले कि तोर बेपारीमन धरती केर खास आदमीमन रहैं, आउर तोर ओझा से सोउब जाइतमन भरमाल जाय रहैं।

प्रकाशितवाक्य 18:7

जेतना उ अपन बड़ाई करलक आउर भोग-बिलास करलक, उतना उके बाथा आउर शोक देवा। काले कि उ अपन मन में कहेला, मोंय रानी बाइन बाइठ हों, मोंय बिधवा ना लगों आउर मोंय कहियो नी दुःखी होमूँ।”

प्रकाशितवाक्य 18:9

धरती केर राजामन जेमन उकर संगे ब्यभिचार आउर भोग-बिलास करलैं, जब उकर पोड़ेक केर धुंगिया देखबैं तो उकर लगिन काँदबैं आउर बिलाप करबैं।