प्रकाशितवाक्य 18:10 - सादरी नवाँ नियम

¹⁰ उकर बाथा केर डार से दूर हें ठड़ाय के कहबैं, “हे महान देस, बेबीलोन! हे मजबूत नगर, हाय! हाय! तोके समय भाइर में हें दंड मिल जाय हे!”

प्रकाशितवाक्य 18:10 Iomraidhean Croise

प्रकाशितवाक्य 11:8

उमन केर लाश उ बड़का नगर केर चौक में पड़ल रही, जे चिन्हा केर रूप से सदोम आउर मिसर देस कहायला, जहाँ उमन केर प्रभु हों क्रूस उपरे चढ़ाल जाय रहे।

प्रकाशितवाक्य 14:8

फिन इकर पाछे एक आउर दूसरा स्वरगदूत इ कहते आलक, “नाश होई गेलक, उ महान देस बेबीलोन नाश होई गेलक, जे अपन ब्यभिचार केर कड़ुवा नशा सोउब जाइत केर आदमीमन के पियाय हे।”

प्रकाशितवाक्य 16:19

आउर उ बड़का देस बेबीलोन केर तीन टुकरा होई गेलक, आउर जाइत-जाइत केर नगरमन धाँइस गेलक। परमेश्‍वर उ महान देस बेबीलोन के याइद करलक ताकि उ अपन खीस केर कड़ुवा नशा उके पियाओक।

प्रकाशितवाक्य 17:12

जे दस सींग तोंय देखले, उमन दस राजामन हेकैं, जेमन के एखन तक राइज नी मिल हे मगर उ जानवर केर संगे थोरेक समय लगिन राजामन केर नियर अधिकार पाबैं।

प्रकाशितवाक्य 18:18

आउर उकर पोड़ेक केर धुंगिया देइख के जोर से कहलैं, “इ महान नगर केर बराबरी के करेक पारी?”

प्रकाशितवाक्य 18:19

आउर अपन-अपन मूँड़मन उपरे धूर मखाय के काँदते बिलखते जोर-जोर से कहबैं, “हाय! हाय! इ महान नगर जेकर सम्पति से समुदर केर सोउब जहाज मालिकमन धनी होई जाय रहैं, एके घड़ी में नाश होई गेलक।”

प्रकाशितवाक्य 18:21

फिन एगो बलवान स्वरगदूत बड़का जाँता केर पाटा केर नियर एगो पखना उठालक, आउर इ कइह के समुदर में फेइक देलक, “महान देस बेबीलोन एइसनेहें बड़का ताकत से गिराल जाई, आउर फिन कहियो उकर पता नी चली।

प्रकाशितवाक्य 18:8

से लगिन एक हें दिन में उकर उपरे बिपइत आय जाई, मतलब माउत, दुःख आउर अकाल, आउर उ आइग में भसम होई जाई, काले कि फैसला करेक वाला प्रभु परमेश्‍वर शक्तिशाली अहे। उ उके दोषी ठहराय हे।