प्रकाशितवाक्य 17:9 - सादरी नवाँ नियम

⁹ इके समझेक लगिन बुद्धि केर जरुरी अहे। उ सातों मूँड़ सात गो पहार हेकैं, जे मनक उपरे उ जनाना बाइठ हे।

प्रकाशितवाक्य 17:9 Iomraidhean Croise

मत्ती 13:11

यीशु जबाब देलक, “तोहरेमन के तो स्वरग राइज केर भेदमन के जानेक केर समझ देवल जाय हे, मगर उ आदमीमन के निहीं।

मत्ती 24:15

पढ़ेक वालामन बुइझ लेओक, जेखन तोहरे उ उजराएक वाला घिनघिना चीज के जेकर बारे में परमेश्‍वर केर संदेश के बताएक वाला दानिय्येल कइह रहे, जहाँ उके उचित नखे हूवाँ मतलब मंदिर में ठड़ाल देखबा।

प्रकाशितवाक्य 13:1

तब मोंय समुदर में से खूंखार जानवर के निकलते देखलों। उकर दस गो सींग आउर सात गो मूँड़ रहे। उकर दसो सींगमन में एक-एक राजमुकुट रहे आउर उकर मूँड़मन उपरे परमेश्‍वर केर निंदा करेक वाला नाँव लिखल रहे।

प्रकाशितवाक्य 13:18

गेयान इकरे में अहे: जेके बुद्धि होवी, उ इ जानवर केर अंक जोइड़ लेवोक, काले कि उ आदमी केर अंक हेके आउर उकर अंक छाव सौ छेयासठ हेके।

प्रकाशितवाक्य 17:18

आउर उ जनाना, जेके तोंय देइख हिस उ महान नगर हेके, जे धरती केर राजामन उपरे राइज करेला।”

प्रकाशितवाक्य 17:3

तब पवितर आत्मा केर मदइत से स्वरगदूत मोके सुनसान ठाँव में लेई गेलक। हूवाँ मोंय लाल रंग केर जानवर, जेकर उपरे परमेश्‍वर केर निंदा से भरल शबदमन रहे, देखलों। उकर सात गो मूँड़ आउर दस गो सींग रहे, आउर उकर उपरे एगो जनाना बाइठ रहे।

प्रकाशितवाक्य 17:7

तब उ स्वरगदूत मोर से कहलक, “तोंय काले ताजुब होले? मोंय इ जनाना, आउर उ जानवर केर, जेकर उपरे उ चढ़ल अहे, आउर जेकर सात गो मूँड़ आउर दस गो सींग अहे, तोके भेद बतावना।