प्रकाशितवाक्य 17:8 - सादरी नवाँ नियम

⁸ जे जानवर तोंय देइख हिस, उ पहिले तो रहे, मगर अब नखे, मगर उ बेथाह गढ़हा से निकइल के आवी, सेहे बेरा उकर बिनाश होई जाई। आउर धरती केर रहेक वाला आदमीमन जेमन केर नाँव दुनिया केर सिरजेक बेरा से जिंदगी केर किताब में लिखल नखे, इ जानवर केर इ दशा देइख के कि पहिले रहे, आउर अब नखे आउर फिन आय जाई, ताजुब करबैं।

प्रकाशितवाक्य 17:8 Iomraidhean Croise

मत्ती 25:34

तब मोंय राजा अपन भतखाइया बटे केर आदमीमन से कहमूँ, ‘हे मोर आबा केर धाइन आदमीमन, आवा, स्वरग राइज केर अधिकारी बाइन जावा, जे दुनिया केर शुरु से तोहर लगिन तेयार करल अहे।

लूका 10:20

फिन भी तोहरेमन ना रिझबा कि भूतमन तोहर अधिकार में अहैं, मगर इ गोइठ लगिन रिझे होवा कि तोहर नाँव स्वरग में लिखल जाय हे।”

लूका 8:31

आउर उमन यीशु से बिनती करलैं कि हमरे के बेथाह गढ़हा में जाएक केर आगया ना दे।

यूहन्ना 17:24

हे आबा परमेश्‍वर, मोंय चाहाथों कि जेमन के तोंय मोके देई हिस, उमन जहाँ मोंय अहों हूवाँ मोर संगे रहोक, जेकर से उमन मोर महिमा के देखेक पारोक, जेके तोंय मोके देई हिस, काले कि तोंय दुनिया केर सिरजेक से आगे मोर से प्रेम काइर हिस।

खास चेलामन केर काम 15:18

इ गोइठमन के ओहे प्रभु कइह हे, जेकर बारे में दुनिया केर सिरजन से समाचार देते आय हे।’

इफिसियनमन 1:4

खास काइर के परमेश्‍वर हमरे के यीशु मसीह में एक होवेक केर चलते दुनिया केर सिरजन से पहिले चुइन लेई हे। ताकि हमरे उकर सामने पवितर आउर निरदोष रहब।

तीतुस 1:2

जेकर से उमन परमेश्‍वर केर संगे जुग-जुग रहेक लगिन आसरा करैना, काले कि परमेश्‍वर जे कहियो झूठ नी बोलेला दुनिया के सिरजाएक से पहिले करार काइर रहे कि उकर आदमीमन जुग-जुग लगिन जीते रहबैं।

1 पतरस 1:20

इ दुनिया केर सिरजाल जाएक से पहिले, परमेश्‍वर पहिलेहें से ठहराय लेई रहे कि यीशु मसीह छोड़ाएक वाला होवी। मगर उ तोहर मदइत करेक लगिन इ आखरी दिनमन में धरती में आलक।

प्रकाशितवाक्य 11:7

जब उमन अपन गवाही देई चुकबैं, तो उ जानवर जे बेथाह गढ़हा में से निकली, उमन से लइड़ के उमन के जीत जाई आउर उमन के माइर मोराई।

प्रकाशितवाक्य 17:11

जे जानवर पहिले रहे, आउर अब नखे, उ खुद आठवाँ राजा हेके, मगर सचमुच में उ सातों राजामन में से एगो हेके, आउर उकर हों बिनाश होवेक वाला अहे।

प्रकाशितवाक्य 17:2

जेकर संगे धरती केर राजामन ब्यभिचार करलैं, आउर धरती केर रहेक वाला आदमीमन उकर ब्यभिचार केर नशा से माइत जाय रहैं।”

प्रकाशितवाक्य 20:10

आउर उमन के बहकाएक वाला शैतान आइग आउर गंधक केर उ झील में, जेकर में उ खूंखार जानवर आउर झूठा संदेश देवेक वाला आदमी हों होवी, साइज देवल जाई, आउर उमन जुग-जुग राइत दिन बाथा में तड़पते रहबैं।

प्रकाशितवाक्य 20:12

फिन मोंय छोट बाड़ सोउब मोरल आदमीमन के सिंहासन केर सामने ठड़ाल देखलों। किताबमन के खोलल गेलक। फिन एक आउर किताब खोलल गेलक, मतलब जिंदगी केर किताब। जइसन उ किताबमन में लिखल रहे, तइसनेहें उ मनक काममन केर मोताबिक मोरल आदमीमन केर फैसला करल गेलक।

प्रकाशितवाक्य 20:15

आउर जेकर हों नाँव जिंदगी केर किताब में लिखल नी मिललक, उ आइग केर झील में साजल गेलक।

प्रकाशितवाक्य 3:10

काले कि तोंय मोर धीरजरूपी आगया केर पालन काइर हिस, से लगिन मोंय हों तोके परीक्षा केर उ बेरा बचाय रखमूँ, जे धरती में रहेक वाला आदमीमन के परखेक लगिन गोटा दुनिया में आवेक वाला अहे।

प्रकाशितवाक्य 3:5

जे जीत जाई, उ एहे लेखे चरका लुगा पिंधी, आउर मोंय उकर नाँव जिंदगी केर किताब में से कोनों रीति से नी काटमूँ, मगर उकर नाँव अपन आबा आउर उकर स्वरग दूतमन केर सामने माइन लेमूँ।