प्रकाशितवाक्य 17:1 - सादरी नवाँ नियम

¹ इकर पाछे उ सात स्वरगदूतमन जेमन ठिना सात कटोरा रहे, उमन में से एक मोर ठिना आय के कहलक, “हिने आव, मोंय तोके उ बड़का बेश्या केर दंड के देखामूँ, जे कायनों नदीमन केर भीरे बसल महान शहर हेके।

प्रकाशितवाक्य 17:1 Iomraidhean Croise

लूका 24:32

उमन एक-दोसर से कहलैं, “जब उ डहर में हमर से गोठियात रहे आउर पवितर किताब केर मतलब हमरे के समझात रहे, तो का हमर मन में उमीद नी जाइग रहे?”

लूका 9:30

आउर अचका चेलामन परमेश्‍वर केर संदेश के बताएक वाला मूसा आउर एलिय्याह के, यीशु संगे गोठियाते देखलैं।

प्रकाशितवाक्य 1:1

इ प्रकाशितवाक्य यीशु मसीह केर बटले अहे, जेके परमेश्‍वर उकर उपरे इ लगिन दिस्तार काइर हे कि उ अपन सेवकमन के, उ गोइठमन के जे जरूर हें जल्दी होवेक वाला अहे, देखाओक। यीशु मसीह अपन स्वरगदूत के भेइज के उकर जरिया से, इ प्रकाशन के अपन सेवक यूहन्ना के बतालक।

प्रकाशितवाक्य 15:1

मोंय स्वरग में एगो आउर महान आउर अदभुत चिन्हा देखलों। मोंय देखलों कि सात गो स्वरगदूतमन अहैं जेमन ठिना सातों आखरी बिपइतमन रहे। इ आखरी बिपइत रहे, काले कि इमन केर संगे परमेश्‍वर केर परकोप हों पूरा होई जाई।

प्रकाशितवाक्य 16:19

आउर उ बड़का देस बेबीलोन केर तीन टुकरा होई गेलक, आउर जाइत-जाइत केर नगरमन धाँइस गेलक। परमेश्‍वर उ महान देस बेबीलोन के याइद करलक ताकि उ अपन खीस केर कड़ुवा नशा उके पियाओक।

प्रकाशितवाक्य 18:1

इकर पाछे मोंय एगो स्वरगदूत के स्वरग से उतरते देखलों, जेकर ठिना ढेइर शक्ति रहे आउर धरती उकर तेज रोशनी से चमइक गेलक।

प्रकाशितवाक्य 19:2

काले कि उकर फैसला सच्चा आउर ठीक अहे। उ बड़का बेश्या केर जे अपन ब्यभिचार से धरती के भ्रष्ट करत रहे, फैसला करलक, आउर उकर से अपन सेवकमन केर लोहू केर पलटा लेई हे।”

प्रकाशितवाक्य 19:9

तब स्वरगदूत मोर से कहलक, “इके लीख: धाइन हेकैं उमन, जे मेमना केर बिहा केर भोज में बोलाल जाय हैं।” फिन उ मोर से कहलक, “इ बचन परमेश्‍वर केर सच्चा बचन हेके।”

प्रकाशितवाक्य 21:15

उ स्वरगदूत जे मोर संगे गोठियात रहे, उकर ठिना नगर आउर नगर केर फाटकमन आउर उकर घेरा के नापेक लगिन एगो सोना केर गज रहे।

प्रकाशितवाक्य 21:9

फिन जे सात स्वरगदूतमन ठिना सात आखरी बिपइतमन से भरल सात कटोरा रहे, उमन में से एक मोर ठिना आय के कहलक, “हिने आव, मोंय तोके दुलहिन मतलब मेमना केर पत्नी देखामूँ।”

प्रकाशितवाक्य 4:1

मोर इ गोइठमन के देखेक केर पाछे मोंय स्वरग में एगो दुरा खुलल देखलों। आउर ओहे आवाज जेके मोंय पहिले सुइन रहों दोबारा सुनलों, जे एगो तुरही केर आवाज जइसन रहे। उ मोर से कहलक, “हिंयाँ उपरे आय जा आउर मोंय उ गोइठमन के तोके देखामूँ, जेमन केर इ गोइठमन केर पाछे पूरा होवेक जरुरी अहे।”