प्रकाशितवाक्य 16:1 - सादरी नवाँ नियम

¹ उकर पाछे मोंय मंदिर में केखो उ सातों स्वरगदूतमन से जोर से इ कहते सुनलों, “जावा, परमेश्‍वर केर परकोप केर सातों कटोरा के धरती केर आदमीमन उपरे उझइल देवा।”

प्रकाशितवाक्य 16:1 Iomraidhean Croise

प्रकाशितवाक्य 11:19

तब परमेश्‍वर केर जे मन्दिर स्वरग में अहे, उ खोलल गेलक, आउर उकर मन्दिर में उकर करार केर बक्सा दिसलक। आउर बिजलीमन, आवाजमन आउर बदरी केर गरजेक केर आवाज आउर भूंईडोल होलक आउर भारी ओला गिरलक।

प्रकाशितवाक्य 14:15

फिन एक आउर स्वरगदूत परमेश्‍वर केर मंदिर में से निकइल के, उकर से जे बदरी उपरे बाइठ रहे, जोर से कहलक, “अपन हँसुआ चलाव आउर कटनी कर, काले कि कटनी केर बेरा आय पोंहइच हे आउर धरती केर खेती पाइक चुइक हे।”

प्रकाशितवाक्य 14:18

फिन एक आउर स्वरगदूत जेके आइग उपरे अधिकार रहे, बेदी में से निकललक, आउर उकर से जेकर ठिना चोखा हँसुआ रहे, जोर से कहलक, “अपन चोखा हँसुआ चलाय के धरती केर अंगूर केर गुच्छा काइट ले, काले कि उकर अंगूर पाइक चुइक हे।”

प्रकाशितवाक्य 15:1

मोंय स्वरग में एगो आउर महान आउर अदभुत चिन्हा देखलों। मोंय देखलों कि सात गो स्वरगदूतमन अहैं जेमन ठिना सातों आखरी बिपइतमन रहे। इ आखरी बिपइत रहे, काले कि इमन केर संगे परमेश्‍वर केर परकोप हों पूरा होई जाई।

प्रकाशितवाक्य 16:17

आउर सातवाँ स्वरगदूत अपन कटोरा हवा में उझइल देलक, आउर परमेश्‍वर केर मंदिर केर सिंहासन से इ बड़का शबद सुनालक, “होई चुकलक!”