प्रकाशितवाक्य 15:4 - सादरी नवाँ नियम

⁴ हे प्रभु, के तोर से नी डराई आउर तोर नाँव केर महिमा नी करी? काले कि सिरिफ तोंय हें पवितर अहिस। सोउब जाइत केर आदमीमन आय के तोर भीरे आराधना करबैं, काले कि तोर फैसला केर काम दिस्तार होई जाय हे।”

प्रकाशितवाक्य 15:4 Iomraidhean Croise

रोमानियनमन 15:9

आउर परजाइत आदमीमन हों परमेश्‍वर केर दया केर चलते उकर बड़ाई करोक, जइसन कि भजन के लिखेक वाला लीख हे, “मोंय परजाइत आदमीमन में तोर धन्यबाद करमूँ, आउर तोर नाँव केर भजन गामूँ।”

1 पतरस 1:16

काले कि पवितर किताब में लिखल अहे परमेश्‍वर कहेला, “तोहरे के पवितर बनेक चाही काले कि मोंय पवितर अहों।”

प्रकाशितवाक्य 11:15

जब सातवाँ दूत तुरही फुँकलक, तो स्वरग में से जोर से रकम-रकम केर आवाज इ कहते सुनाई देलक, “दुनिया केर राइज हमर प्रभु केर आउर उकर मसीह केर होई गेलक आउर उ जुग-जुग राइज करी।”

प्रकाशितवाक्य 14:7

आउर उ जोर से कहलक, “परमेश्‍वर से डरावा आउर उकर महिमा करा। काले कि उकर फैसला करेक केर बेरा आय पोंहइच हे, आउर उकर आराधना करा, जे स्वरग आउर धरती आउर समुदर आउर पानी केर सोता सिरजालक।”

प्रकाशितवाक्य 16:5

तब मोंय पानी उपरे अधिकार रखेक वाला स्वरगदूत के इ कहते सुनलों, “हे पवितर, जे अहे, आउर जे रहे, तोंय उचित फैसला करेक वाला हेकिस आउर तोंय इ फैसला करले।

प्रकाशितवाक्य 16:7

फिन मोंय बेदी से इ गोइठ सुनलों, “हाँ, हे सर्वशक्तिमान प्रभु परमेश्‍वर, तोर फैसला ठीक आउर सच्चा अहे।”

प्रकाशितवाक्य 19:2

काले कि उकर फैसला सच्चा आउर ठीक अहे। उ बड़का बेश्या केर जे अपन ब्यभिचार से धरती के भ्रष्ट करत रहे, फैसला करलक, आउर उकर से अपन सेवकमन केर लोहू केर पलटा लेई हे।”

प्रकाशितवाक्य 19:8

उके शुद्ध आउर चमकदार महीन मलमल केर लुगा पिंधेक केर अधिकार देवल गेलक।” उ चमकदार महीन मलमल केर मतलब पवितर आदमीमन केर धरम केर काम हेके।

प्रकाशितवाक्य 3:7

आउर फिलदिलफिया शहर केर कलीसिया केर स्वरगदूत के इ संदेश लीख: मोंय ओहे हेकों जे पवितर आउर सच्चा हेके, आउर जे दाऊद केर कुंजी रखेला। आउर मोर खोलल के केऊ बंद नी करेक पारी आउर बंद करल के केऊ खोलेक नी पारी। मोंय तोके जे कहाथों उके सुन:

प्रकाशितवाक्य 4:8

आउर चाइरो जीवमन केर छाव-छाव गो पाँइख अहे, आउर चाइरो बटे आउर भीतरे आँइख हें आँइख अहे आउर उमन राइत दिन बिना आराम लेवल इ कहते रहैना, “पवितर, पवितर, पवितर, प्रभु परमेश्‍वर सर्वशक्तिमान, जे रहे, आउर जे अहे आउर जे आवेक वाला अहे।”

प्रकाशितवाक्य 6:10

आउर उमन जोर से आवाज देई के कहलैं, “हे मालिक, तोंय पवितर आउर सच्चा हेकिस। तोंय कब तक फैसला नी करबे? आउर धरती में रहेक वाला आदमीमन से हमर लोहू केर पलटा केखन तक नी लेबे?”