प्रकाशितवाक्य 14:5 - सादरी नवाँ नियम

⁵ आउर उमन केर मुँह से कहियो झूठ नी निकइल रहे, उमन निरदोष अहैं।

प्रकाशितवाक्य 14:5 Iomraidhean Croise

मत्ती 12:34

हे जहरीला साँप नियर दुष्ट आदमीमन तोहरेमन बुरा होई के कइसन बेस गोइठ कहेक पारबा? काले कि जे गोइठमन मन में भरल अहे, ओहे मुँह से निकलेला।

लूका 23:4

तब पिलातुस यहूदी मुध पुरोहितमन आउर सोउब आदमीमन से कहलक, “मोंय इ आदमी में कोनों दोष नी पालों।”

यूहन्ना 1:47

यीशु नतनएल के अपन बटे आवेक देइख के उकर बारे में कहलक, “देखा, इ एगो सच्चा इसराइली आदमी हेके, इ एकदम ईमानदार अहे।”

इफिसियनमन 5:27

उ अपन कलीसिया केर सोउब आदमीमन लगिन मोइर गेलक, ताकि उमन के सिद्ध बनाएक पारोक, आउर सोउब के अपन हेदना लानेक पारोक, जेमन में कोनों दोष या पाप या आउर कोनों रकम केर बुराई नी होवी, बल्कि उमन पूरा पुरी पवितर आउर निरदोष होबैं।

कुलुसियनमन 1:22

परमेश्‍वर अब अपन बेटा यीशु मसीह के मनवा बनाय के, आउर उके क्रूस उपरे बलिदान काइर के तोहरेमन केर अपन संगे मेल जोल काइर लेलक, ताकि तोहरे के अपन ठिना पवितर, बेदाग आउर निरदोष बनाय के हाजिर करी।

इब्रानीमन 9:14

तो सोचा, मसीह केर लोहू आउर केतना बगरा हमरे के उ काममन से शुद्ध करी, जेकर सजा माउत हेके, ताकि हमरे जिंदा परमेश्‍वर केर आराधना करेक पारब। काले कि मसीह खुद के परमेश्‍वर लगिन जुग-जुग केर आत्मा केर शक्ति से सिद्ध बलिदान केर रूप में हमरे केर पापमन केर खातिर चढ़ाय देलक।

1 पतरस 2:22

उ कहियो पाप नी करलक, आउर ना उ कहियो एको बेर अपन मुँह से झूठ बोललक।

1 पतरस 3:10

काले कि पवितर किताब कहेला, “अगर केऊ अपन जिंदगी केर खुशी लेवेक चाहेला आउर बेस दिन चाहेला तो उके सावधान रहेक चाही कि उ बुरा गोइठमन के ना कहोक आउर उके एइसन गोइठमन के कहेक बंद काइर देवेक चाही जे सच नखे।

यहूदा 1:24

सिरिफ परमेश्‍वर हें तोहरे के ठोकर खाएक से बचाएक पारेला आउर अपन महिमा केर भरपूरी केर सामने खुश आउर निरदोष काइर के ठडु़वाएक पारेला।