प्रकाशितवाक्य 14:3 - सादरी नवाँ नियम

³ उमन सिंहासन केर सामने आउर चाइरो जीवमन आउर मुखियामन केर सामने, एक नवाँ गीत गावत रहैं। उ एक लाख चौवालीस हजार आदमीमन के छोइड़ जेमन के धरती में से कीन लेवल जाय रहे, केऊ आउर उ गीत के नी सिखेक पारत रहैं।

प्रकाशितवाक्य 14:3 Iomraidhean Croise

1 कुरिनथियनमन 1:18

काले कि जे आदमीमन दंड पावेक लगिन परमेश्‍वर से अलग होई जाय हैं, उमन सोचैना कि क्रूस उपरे यीशु मसीह केर माउत बेकार अहे, मगर हमरेमन लगिन जेमन उ संदेश उपरे बिसवास काइर ही, इ परमेश्‍वर केर शक्ति से आदमीमन के बचाएक लगिन परमेश्‍वर केर डहर हेके।

1 कुरिनथियनमन 2:14

मगर काया केर मोताबिक जियेक वाला आदमी परमेश्‍वर केर आत्मा केर सच्चाई के ग्रहण नी करेला, काले कि उकर नजइर में इ सोउब बेकार गोइठमन हेके। उ इ गोइठमन के नी बुझेक पारी, काले कि इ गोइठमन के सिरिफ ओहेमन बुझेक पारबैं, जेमन में परमेश्‍वर केर आत्मा रहेला।

प्रकाशितवाक्य 14:1

उकर पाछे मोंय नजइर उठाय के देखलों, उ मेमना सिय्योन पहार उपरे ठड़ाल अहे। उकर संगे एक लाख चौवालीस हजार आदमीमन अहैं, जे मनक माथा में उकर आउर उकर आबा केर नाँव लिखल अहे।

प्रकाशितवाक्य 15:3

आउर उमन परमेश्‍वर केर सेवक मूसा केर द्वारा मेमना केर बारे में गावल गीत गाय-गाय के कहत रहैं, “हे सर्वशक्तिमान प्रभु परमेश्‍वर, तोर काम महान आउर अदभुत अहे, हे जुग-जुग केर राजा, तोर चाल ठीक आउर सच्चा अहे।

प्रकाशितवाक्य 2:17

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला: जे जीत जाई, उके मोंय लुकल मन्ना में से देमूँ, आउर उके एगो चरका पखना हों देमूँ, आउर उ पखना में एगो नाँव लिखल होवी, जेके उके पावेक वालामन केर सिवाय आउर केऊ नी जानी।

प्रकाशितवाक्य 5:9

आउर उमन इ नवाँ गीत गावेक लगलैं: “तोंय इ किताब के लेवेक आउर इकर मोहर के खोलेक केर लायक अहिस, काले कि तोंय बलि होई के अपन लोहू से हरेक गोतर, भाषा, आदमीमन, आउर जाइत में से परमेश्‍वर केर लगिन आदमीमन के कीन लेई हिस।

प्रकाशितवाक्य 7:4

जेमन केर उपरे मोहर लगाल गेलक, मोंय उमन केर हिसाब सुनलों। उमन केर हिसाब एक लाख चौवालीस हजार रहे आउर उमन इसराइल केर बारह गोतर में से रहैं।