प्रकाशितवाक्य 13:8 - सादरी नवाँ नियम

⁸ धरती केर उपरे रहेक वाला सोउब आदमीमन राक्षस केर पूजा करेक लगलैं। सिरिफ ओहेमन उकर पूजा नी करलैं, जेमन केर नाँव दुनिया केर सिरजन होवेक से पहिलेहें से जिंदगी केर किताब में लिखल जाय रहे। इ जिंदगी केर किताब उ मेमना केर किताब हेके, जेके बलिदान केर रूप में माइर देवल जाय रहे।

प्रकाशितवाक्य 13:8 Iomraidhean Croise

मत्ती 25:34

तब मोंय राजा अपन भतखाइया बटे केर आदमीमन से कहमूँ, ‘हे मोर आबा केर धाइन आदमीमन, आवा, स्वरग राइज केर अधिकारी बाइन जावा, जे दुनिया केर शुरु से तोहर लगिन तेयार करल अहे।

लूका 10:20

फिन भी तोहरेमन ना रिझबा कि भूतमन तोहर अधिकार में अहैं, मगर इ गोइठ लगिन रिझे होवा कि तोहर नाँव स्वरग में लिखल जाय हे।”

यूहन्ना 1:29

दूसरा दिन यूहन्ना यीशु के अपन बटे आते देइख के कहलक, “देखा, इ परमेश्‍वर केर मेमना हेके, जे खुद के बलिदान काइर के दुनिया केर पाप के उठाय लेवी।

इफिसियनमन 1:4

खास काइर के परमेश्‍वर हमरे के यीशु मसीह में एक होवेक केर चलते दुनिया केर सिरजन से पहिले चुइन लेई हे। ताकि हमरे उकर सामने पवितर आउर निरदोष रहब।

फिलिप्पियनमन 4:3

आउर हे मोर संगे सच्चाई से काम करेक वाला सुन्तुखे, मोंय तोर से हों बिनती करोना कि तोंय उ जनानामन केर मेल-मिलाप से रहेक लगिन मदइत कर। काले कि उमन मोर संगे शुभ समाचार के फैलाएक में क्लेमेंस आउर मोर संगे काम करेक वाला आउरोमन समेत मेहनइत काइर हैं जे मनक नाँव जिंदगी केर किताब में लिखल अहे।

तीतुस 1:2

जेकर से उमन परमेश्‍वर केर संगे जुग-जुग रहेक लगिन आसरा करैना, काले कि परमेश्‍वर जे कहियो झूठ नी बोलेला दुनिया के सिरजाएक से पहिले करार काइर रहे कि उकर आदमीमन जुग-जुग लगिन जीते रहबैं।

प्रकाशितवाक्य 12:15

तब साँप उ जनाना केर पिछे अपन मुँह से नदी केर नियर पानी बहालक ताकि उके नदी केर पानी बोहाय के लेई जाओक।

प्रकाशितवाक्य 13:12

उ अजगर केर भीरे पहिला जानवर केर समूचा अधिकार के काम में लानत रहे, आउर धरती आउर उकर में रहेक वाला आदमीमन से उ पहिला जानवर केर जेकर प्राण लेवेक जइसन घाव बेस होई जाय रहे, पूजा करुवात रहे।

प्रकाशितवाक्य 17:8

जे जानवर तोंय देइख हिस, उ पहिले तो रहे, मगर अब नखे, मगर उ बेथाह गढ़हा से निकइल के आवी, सेहे बेरा उकर बिनाश होई जाई। आउर धरती केर रहेक वाला आदमीमन जेमन केर नाँव दुनिया केर सिरजेक बेरा से जिंदगी केर किताब में लिखल नखे, इ जानवर केर इ दशा देइख के कि पहिले रहे, आउर अब नखे आउर फिन आय जाई, ताजुब करबैं।

प्रकाशितवाक्य 21:27

मगर उ नगर में कोनों अपवितर चीज या घिनघिना काम करेक वालामन या झूठा गोठियाएक वालामन कोनों रीति से ढूकेक नी पारबैं। मगर सिरिफ उ आदमीमन जे मनक नाँव मेमना केर जिंदगी केर किताब में लिखल अहे, ढूकेक पारबैं।

प्रकाशितवाक्य 3:10

काले कि तोंय मोर धीरजरूपी आगया केर पालन काइर हिस, से लगिन मोंय हों तोके परीक्षा केर उ बेरा बचाय रखमूँ, जे धरती में रहेक वाला आदमीमन के परखेक लगिन गोटा दुनिया में आवेक वाला अहे।

प्रकाशितवाक्य 3:20

देख, मोंय दुरा में ठड़ाल ठोकठोकवना, अगर केऊ मोर शबद सुइन के दुरा खोली, तो मोंय उकर ठिना भीतरे आय के उकर संगे भोजन करमूँ, आउर उ मोर संगे।

प्रकाशितवाक्य 3:5

जे जीत जाई, उ एहे लेखे चरका लुगा पिंधी, आउर मोंय उकर नाँव जिंदगी केर किताब में से कोनों रीति से नी काटमूँ, मगर उकर नाँव अपन आबा आउर उकर स्वरग दूतमन केर सामने माइन लेमूँ।

प्रकाशितवाक्य 5:12

उमन ऊँचा शबद से कहत रहैं, “धाइन अहे उ मेमना जेके माइर मोराल जाय रहे। उ महिमा केर लायक अहे। उकर अधिकार महान अहे। उकर गेयान गहरा अहे। उ ढेइर शक्तिशाली अहे। आउर उ ढेइर धनवान अहे। आवा, हमरे उकर आदर आउर महिमा करब।”

प्रकाशितवाक्य 5:13

फिन मोंय स्वरग में, आउर धरती में आउर धरती केर हेंठे आउर समुदर केर सोउब सिरजाल चीजमन के आउर सोउब कुछ के जे उकर में अहे, इ कहते सुनलों, “जे सिंहासन में बाइठ हे, उकर आउर मेमना केर धन्यबाद, आदर आउर महिमा आउर राइज जुग-जुग रहोक।”

प्रकाशितवाक्य 6:1

फिन मोंय देखलों कि मेमना उ सात गो मोहरमन में से एगो के खोललक, सेहे बेरा उ चाइरो जीवमन में से एगो के मोंय बदरी घिड़केक जइसन ऊँचा आवाज में इ कहते सुनलों, “आव!”