प्रकाशितवाक्य 13:7 - सादरी नवाँ नियम

⁷ आउर उ जानवर के एहो अधिकार देवल गेलक कि पवितर आदमीमन से लड़ोक आउर उ मनक उपरे जीत पाओक आउर उके हर एक गोतर, हर एक आदमीमन, हर एक भाषा आउर हर एक जाइत केर उपरे अधिकार देवल गेलक।

प्रकाशितवाक्य 13:7 Iomraidhean Croise

लूका 4:6

आउर यीशु से कहलक, “मोंय इकर सोउब अधिकार आउर धन-दौलत तोके देमूँ, काले कि इ सोउब मोके देवल जाय हे, आउर जेके मोंय चाहोना, उके हें देई देवोना।

यूहन्ना 19:11

यीशु उके जबाब देलक, “अगर तोके परमेश्‍वर बटे से अधिकार नी देवल जातक, तो मोर उपरे तोर कोनों अधिकार नी होतक। इ लगिन जे मोके तोर हाँथ में जिम्मा देई हे उकर पाप बगरा अहे।”

प्रकाशितवाक्य 10:11

तब मोर से इ कहल गेलक, “तोके ढेइर आदमीमन आउर जाइतमन, भाषामन, आउर राजामन केर बारे में फिन भविष्यवाणी करेक होवी।”

प्रकाशितवाक्य 11:18

परजाइत आदमीमन तोर से खिसाल अहैं, काले कि बेरा आय पोंहइच हे कि तोंय अपन खीस के देखाबे, आउर उ बेरा हों आय पोंहइच हे कि मोरलमन केर फैसला करल जाओक, आउर तोर संदेश के बताएक वाला तोर सेवकमन आउर पवितर आदमीमन के आउर उ छोट बाड़मन के जे तोर नाँव से डरायना, इनाम देवल जाओक आउर धरती के बिगड़ाएक वालामन के नाश करल जाओक।”

प्रकाशितवाक्य 11:7

जब उमन अपन गवाही देई चुकबैं, तो उ जानवर जे बेथाह गढ़हा में से निकली, उमन से लइड़ के उमन के जीत जाई आउर उमन के माइर मोराई।

प्रकाशितवाक्य 12:17

तब अजगर जनाना उपरे ढेइर खिसाय गेलक, आउर उकर बचल छउवामन से जे परमेश्‍वर केर आगया के मानैना आउर यीशु केर बारे में देवल गवाही में स्थिर अहैं, लड़ेक लगिन गेलक।

प्रकाशितवाक्य 17:15

फिन उ मोर से कहलक, “जे ढेइर पानी तोंय देखले, जेकर उपरे बेश्या बाइठ हे, उ पानी तो आदमीमन, भीड़, जाइतमन आउर भाषामन हेकैं।

प्रकाशितवाक्य 5:9

आउर उमन इ नवाँ गीत गावेक लगलैं: “तोंय इ किताब के लेवेक आउर इकर मोहर के खोलेक केर लायक अहिस, काले कि तोंय बलि होई के अपन लोहू से हरेक गोतर, भाषा, आदमीमन, आउर जाइत में से परमेश्‍वर केर लगिन आदमीमन के कीन लेई हिस।