प्रकाशितवाक्य 13:6 - सादरी नवाँ नियम

⁶ उ जानवर परमेश्‍वर आउर उकर नाँव आउर उकर रहेक वाला ठाँव मतलब स्वरग आउर उ सोउब केर जे स्वरग में रहैना निंदा करेक शुरु काइर देलक।

प्रकाशितवाक्य 13:6 Iomraidhean Croise

मत्ती 12:34

हे जहरीला साँप नियर दुष्ट आदमीमन तोहरेमन बुरा होई के कइसन बेस गोइठ कहेक पारबा? काले कि जे गोइठमन मन में भरल अहे, ओहे मुँह से निकलेला।

मत्ती 15:19

काले कि बुरा बिचार, हत्या, दोसर जनाना केर संग संबंध बनाएक, ब्यभिचार, चोरी, झूठा गवाही आउर निंदा आदमी केर मन से हें निकलेला।

यूहन्ना 1:14

आउर बचन एगो आदमी बनलक आउर उ आदमी किरपा आउर सच्चाई से भाइर के हमर माझे रहलक। आउर हमरे उकर एइसन महिमा देखली, जइसन परमेश्‍वर आबा केर बटे से आवल एकलौता बेटा केर महिमा।

रोमानियनमन 3:13

उमन गंदा गोठियायना जेमन खुला मसना केर बसाएक नियर बसायना, उ मनक जीभ में झूठ भरल अहे, उ मनक गोइठ साँप केर बिष नियर अहे, जे आदमी केर प्राण के लेई लेवेला।

कुलुसियनमन 1:19

काले कि परमेश्‍वर आबा केर खुशी इकरे में अहे कि परमेश्‍वर केर समूचा स्वभाव मसीह में मौजूद अहे।

कुलुसियनमन 2:9

इ लगिन तोहरे धोखा ना खावा, काले कि मसीह केर काया में परमेश्‍वर केर समूचा भरपूरी बास करेला।

इब्रानीमन 9:2

इ तंबू के जानवर केर चमड़ा से बनाल जाय रहे आउर माझे में परदा लगाय के दूई गो कोठरी बनाल रहे, पहिला कोठरी में दीया रखेक वाला एगो खूँटा रहे आउर उकर में सात गो दीया रहे, आउर टेबुल में परमेश्‍वर के भेंट चढ़ाल रोटी हों रहे, इ कोठरी पवितर ठाँव कहात रहे।

इब्रानीमन 9:24

काले कि मसीह आदमी केर बनाल पवितर ठाँव में नी ढूकलक, जे सिरिफ सच्चा पवितर ठाँव केर नमूना हेके, मगर उ हमरे केर फायदा लगिन स्वरग में हें ढूकलक, ताकि हमर लगिन अब परमेश्‍वर केर सामने ठड़ाओक।

प्रकाशितवाक्य 11:12

फिन उमन के स्वरग से एक बड़का शबद सुनाई देलक, “हिंयाँ उपरे आवा!” इके सुइन के उमन बैरीमन केर देखते-देखते बदरी में से होई के स्वरग में उठाय लेवल गेलैं।

प्रकाशितवाक्य 12:12

से लगिन, हे स्वरगमन आउर उकर में रहेक वाला आदमीमन, खुशी मनावा। मगर हे धरती आउर समुदर, तोहर उपरे हाय! काले कि शैतान तोहर ठिना पोंहइच जाय हे, उ खीस से भरल अहे, काले कि उके पता होई जाय हे कि उकर थोरहें समय आउर बचल अहे।”

प्रकाशितवाक्य 15:5

इकर पाछे मोंय देखलों कि स्वरग में मंदिर खोलल गेलक, जे मिलाप वाला तंबू नियर अहे।

प्रकाशितवाक्य 18:20

हे स्वरग आउर हे पवितर आदमीमन, आउर चुनल खास चेलामन आउर परमेश्‍वर केर संदेश के बताएक वाला आदमीमन खुशी मनावा, काले कि परमेश्‍वर फैसला काइर के उकर से तोहर पलटा लेई हे।

प्रकाशितवाक्य 21:3

फिन मोंय सिंहासन में से केखो ऊँचा आवाज से इ कहते सुनलों, “देख, परमेश्‍वर केर डेरा आदमीमन केर माझे में अहे। उ, उमन केर संगे डेरा करी, आउर उमन उकर आदमी होबैं, आउर परमेश्‍वर खुद उमन केर संगे रही आउर उमन केर परमेश्‍वर होवी।

प्रकाशितवाक्य 4:1

मोर इ गोइठमन के देखेक केर पाछे मोंय स्वरग में एगो दुरा खुलल देखलों। आउर ओहे आवाज जेके मोंय पहिले सुइन रहों दोबारा सुनलों, जे एगो तुरही केर आवाज जइसन रहे। उ मोर से कहलक, “हिंयाँ उपरे आय जा आउर मोंय उ गोइठमन के तोके देखामूँ, जेमन केर इ गोइठमन केर पाछे पूरा होवेक जरुरी अहे।”

प्रकाशितवाक्य 4:4

उ सिंहासन केर चाइरो बटे चोबीस गो सिंहासन अहे आउर उ सिंहासनमन में चोबीस मुखियामन चरका लुगा पिंध के बइठल अहैं, आउर उ मनक मूँड़ उपरे सोना केर मुकुट अहे।

प्रकाशितवाक्य 5:13

फिन मोंय स्वरग में, आउर धरती में आउर धरती केर हेंठे आउर समुदर केर सोउब सिरजाल चीजमन के आउर सोउब कुछ के जे उकर में अहे, इ कहते सुनलों, “जे सिंहासन में बाइठ हे, उकर आउर मेमना केर धन्यबाद, आदर आउर महिमा आउर राइज जुग-जुग रहोक।”

प्रकाशितवाक्य 7:15

एहे खातिर उमन परमेश्‍वर केर सिंहासन केर भीरे अहैं आउर उकर मंदिर में दिन राइत उकर सेवा करैना, आउर जे सिंहासन में बाइठ हे, उ उमन उपरे छाँई करी।

प्रकाशितवाक्य 7:9

इकर पाछे मोंय देखलों कि मोर सामने एगो बड़का भीड़ ठड़ाल अहे, जेमन केर हिसाब केऊ करेक नी पारत रहैं। इ भीड़ में हरेक जाइत, हरेक गोतर, हरेक आदमीमन, आउर हरेक भाषा केर आदमीमन अहैं। उमन उ सिंहासन आउर उ मेमना केर सामने ठड़ाल अहैं। उमन चरका लुगा पिंधल अहैं आउर उमन अपन हाँथमन में खिजूर केर डाइर लेवल अहैं।