प्रकाशितवाक्य 13:5 - सादरी नवाँ नियम

⁵ उ जानवर के घमंड से भरल गोइठ कहेक आउर परमेश्‍वर केर निंदा करेक केर अधिकार आउर बेयालिस महिना तक काम करेक केर अधिकार देवल गेलक।

प्रकाशितवाक्य 13:5 Iomraidhean Croise

2 थिस्सलुनीकियनमन 2:3

प्रभु केर आवेक केर बारे में इ सोउब गलत गोइठमन में बिसवास ना करा, जेकर बारे में आदमीमन तोहरेमन के बताथैं। काले कि प्रभु यीशु केर घूइर आवेक से पहिले एइसन समय आवी कि ढेइर आदमीमन परमेश्‍वर केर बिरोध में हुड़दंग मचाबैं, आउर अधरमी आदमी मतलब बिनाश केर बेटा हों दिस्तार होवी।

2 थिस्सलुनीकियनमन 2:4

जे परमेश्‍वर केर बिरोध करी आउर आउरो सोउब चीजमन केर हों बिरोध करी, जेकर आदमीमन भक्ति करैना, आउर उ अपने आप के सोउब से ऊँचा उठाई, हिंयाँ तक कि उ परमेश्‍वर केर मंदिर में बाइठ के खुद के ईश्‍वर बताई।

2 थिस्सलुनीकियनमन 2:8

इकर पाछे उ अधरमी मरद दिस्तार होवी, मगर पाछे से जब प्रभु यीशु आवी, तो अपन मुँह केर फूक से उके माइर मोराई, आउर अपन आवेक केर तेज चमक से भसम करी।

प्रकाशितवाक्य 11:7

जब उमन अपन गवाही देई चुकबैं, तो उ जानवर जे बेथाह गढ़हा में से निकली, उमन से लइड़ के उमन के जीत जाई आउर उमन के माइर मोराई।

प्रकाशितवाक्य 12:14

मगर उ जनाना के बड़का उकाब केर दूई गो पाँइख देवल गेलक ताकि उ साँप केर सामने से उइड़ के, उ सुनसान ठाँव में पोंहइच जाओक, जहाँ उके साढ़े तीन बरिस तक पोसल जाएक रहे।

प्रकाशितवाक्य 12:6

आउर उ जनाना, उ सुनसान ठाँव में भाइग गेलक, जहाँ परमेश्‍वर बटले उकर लगिन एगो ठाँव तेयार करल जाय रहे कि हूवाँ उके एक हजार दूई सौ साठ दिन तक पोसल जाओक।

प्रकाशितवाक्य 13:7

आउर उ जानवर के एहो अधिकार देवल गेलक कि पवितर आदमीमन से लड़ोक आउर उ मनक उपरे जीत पाओक आउर उके हर एक गोतर, हर एक आदमीमन, हर एक भाषा आउर हर एक जाइत केर उपरे अधिकार देवल गेलक।