प्रकाशितवाक्य 13:3 - सादरी नवाँ नियम

³ मोंय उकर एगो मूँड़ में एइसन भारी घाव लगल देखलों कि उ मोरेक वाला अहे। मगर उकर प्राण लेवेक जइसन घाव बेस होई गेलक आउर धरती केर समूचा आदमीमन ताजुब करते उ जानवर केर पिछे-पिछे चाइल गेलैं।

प्रकाशितवाक्य 13:3 Iomraidhean Croise

लूका 2:1

उ दिनमन रोमी महाराजा औगुस्तुस अपन राइज केर आदमीमन केर गिनती करेक केर आगया देलक।

यूहन्ना 12:19

इ सोउब देइख के फरीसी दल केर आदमीमन एक दोसर से कहलैं, “देखाथा, तोहरेमन कोनों करेक नी पाराथा। दुनिया केर ढेइर आदमीमन उकर पिछे जाथैं।”

खास चेलामन केर काम 8:13

सिमोन खुद हें फिलिप्पुस केर संदेश उपरे बिसवास करलक आउर बपतिस्मा जल संस्कार लेई के फिलिप्पुस केर संगे चेला बाइन के रहेक लगलक। उ चिन्हा आउर बड़का-बड़का चमत्कार केर काम देइख के ताजुब होवत रहे।

प्रकाशितवाक्य 13:12

उ अजगर केर भीरे पहिला जानवर केर समूचा अधिकार के काम में लानत रहे, आउर धरती आउर उकर में रहेक वाला आदमीमन से उ पहिला जानवर केर जेकर प्राण लेवेक जइसन घाव बेस होई जाय रहे, पूजा करुवात रहे।

प्रकाशितवाक्य 13:14

आउर उ चिन्हामन केर खातिर जेके उ जानवर केर सामने देखाएक केर अधिकार उके देवल जाय रहे, उ धरती केर रहेक वाला आदमीमन के बहकात रहे आउर उमन से इ कहत रहे कि जे जानवर के तलवाइर लाइग रहे, उ जी जाय हे, उकर मूर्ति बनावा।

प्रकाशितवाक्य 17:10

आउर उमन सात राजामन हों हेकैं, पाँच तो होई चुकलैं, आउर एगो एखन अहे आउर एगो एखन तक नी आय हे। मगर जब आवी, तो थोरेक समय तक राइज करी।

प्रकाशितवाक्य 17:11

जे जानवर पहिले रहे, आउर अब नखे, उ खुद आठवाँ राजा हेके, मगर सचमुच में उ सातों राजामन में से एगो हेके, आउर उकर हों बिनाश होवेक वाला अहे।

प्रकाशितवाक्य 17:13

इमन सोउब एक मत होबैं, उमन अपन-अपन शक्ति आउर अधिकार के उ जानवर के देबैं।

प्रकाशितवाक्य 17:17

काले कि परमेश्‍वर उमन केर मन के एक मत काइर देई हे, ताकि जब तक उकर बचन पूरा नी होई जाई, तब तक उमन शासन करेक केर अपन अधिकार के उ जानवर के सोंइप देवोक।

प्रकाशितवाक्य 17:6

मोंय उ जनाना के पवितर आदमीमन केर लोहू आउर यीशु केर गवाहमन केर लोहू पियेक से मातल देखलों। उके देइख के मोंय ताजुब होई गेलों।

प्रकाशितवाक्य 17:8

जे जानवर तोंय देइख हिस, उ पहिले तो रहे, मगर अब नखे, मगर उ बेथाह गढ़हा से निकइल के आवी, सेहे बेरा उकर बिनाश होई जाई। आउर धरती केर रहेक वाला आदमीमन जेमन केर नाँव दुनिया केर सिरजेक बेरा से जिंदगी केर किताब में लिखल नखे, इ जानवर केर इ दशा देइख के कि पहिले रहे, आउर अब नखे आउर फिन आय जाई, ताजुब करबैं।