प्रकाशितवाक्य 13:2 - सादरी नवाँ नियम

² जे जानवर के मोंय देखलों, उ चीता नियर रहे आउर उकर गोड़ भालू केर गोड़ नियर आउर मुँह सिंह केर मुँह नियर रहे। आउर उ अजगर अपन शक्ति, अपन सिंहासन आउर बड़का अधिकार उके देई देलक।

प्रकाशितवाक्य 13:2 Iomraidhean Croise

2 तीमुथियुस 4:17

मोंय यीशु मसीह केर बारे में संदेश के परजाइत आदमीमन के सफा-सफा बताएक पारलों, ताकि उमन शुभ समाचार के सुनोक, मगर प्रभु मोर मदइतगार रहलक, आउर मोके शक्ति देलक ताकि मोर द्वारा पूरा-पूरा परचार होवोक, आउर सोउब जाइत केर आदमीमन सुइन लेवोक, मोंय तो बाघ केर मुँह से बचेक नियर माउत से छोड़ाल गेलों।

1 पतरस 5:8

सोउब बेरा तेयार रहा आउर जागते रहा, काले कि शैतान, तोहर दुश्मन तोहर उपरे हमला करेक चाहेला कि तोहरे आबा परमेश्‍वर केर आगयामन के ना माना। उ गरजेक वाला सिंह नियर अहे, जे आगे-पिछे जाय के इ खोजेला कि उ केखो खाएक पारोक।

प्रकाशितवाक्य 12:13

जब अजगर देखलक कि मोंय धरती में गिराय देवल जाय हों, तो उ जनाना के जे बेटा जनमाय रहे, सतालक।

प्रकाशितवाक्य 12:15

तब साँप उ जनाना केर पिछे अपन मुँह से नदी केर नियर पानी बहालक ताकि उके नदी केर पानी बोहाय के लेई जाओक।

प्रकाशितवाक्य 12:9

तब उ बड़का अजगर मतलब ओहे पुरना साँप, जे इबलीस आउर शैतान कहायला, आउर गोटा दुनिया केर आदमीमन के भरमाएक वाला हेके, उकर दूतमन केर संगे उके धरती में गिराय देवल गेलक।

प्रकाशितवाक्य 13:12

उ अजगर केर भीरे पहिला जानवर केर समूचा अधिकार के काम में लानत रहे, आउर धरती आउर उकर में रहेक वाला आदमीमन से उ पहिला जानवर केर जेकर प्राण लेवेक जइसन घाव बेस होई जाय रहे, पूजा करुवात रहे।

प्रकाशितवाक्य 13:4

उ आदमीमन अजगर केर पूजा करलैं, काले कि उ जानवर के अपन अधिकार देई दे रहे आउर उमन इ कहते उ जानवर केर हों पूजा करलैं, “इ जानवर केर नियर के अहे? के उकर से लड़ेक पारेला?”

प्रकाशितवाक्य 16:10

पाँचवाँ स्वरगदूत अपन कटोरा उ जानवर केर सिंहासन उपरे उझइल देलक आउर उकर राइज में अंधार होई गेलक आउर आदमीमन बाथा केर मारे अपन-अपन जीभ के चाबाएक लगलैं।

प्रकाशितवाक्य 17:12

जे दस सींग तोंय देखले, उमन दस राजामन हेकैं, जेमन के एखन तक राइज नी मिल हे मगर उ जानवर केर संगे थोरेक समय लगिन राजामन केर नियर अधिकार पाबैं।

प्रकाशितवाक्य 19:20

आउर उ जानवर आउर उकर संगे झूठा संदेश देवेक वाला धराय गेलक। इ झूठा संदेश देवेक वाला ओहे हेके, जे उ जानवर केर बटले चमत्कार केर चिन्हा देखात रहे आउर उ सोउब आदमीमन के बहकाय देई रहे, जेमन केर उपरे उ जानवर केर छाप रहे, आउर जेमन उकर मूर्ति केर पूजा करत रहैं। इ दुयो के जीते-जी आइग केर झील में जे गंधक से बरेला, साइज देलैं।

प्रकाशितवाक्य 2:13

मोंय इ तो जानोना कि तोंय हूवाँ रहिसला जहाँ शैतान केर सिंहासन अहे, आउर तोंय मोर नाँव में स्थिर रहिसला। तोंय मोर उपरे बिसवास करेक से उ दिनमन में हों पिछे नी हटले, जेकर में मोर बिसवास लायक गवाह अन्तिपास, तोहर माझे उ ठाँव में मोराल गेलक जहाँ शैतान रहेला।

प्रकाशितवाक्य 20:2

उ अजगर के मतलब पुरना साँप के, जे इबलीस आउर शैतान हेके, धाइर के हजार बरिस केर लगिन बाइंध देलक।