प्रकाशितवाक्य 13:16 - सादरी नवाँ नियम16 आउर उ दूसरा जानवर छोट-बाड़, धनी-गरीब, आजाद या गुलाम सोउब केर भतखाइया हाँथ चाहे उ मनक माथा में एक-एक छाप लगाय देलक। Faic an caibideil |
प्रकाशितवाक्य 13:16
26 Iomraidhean Croise
परजाइत आदमीमन तोर से खिसाल अहैं, काले कि बेरा आय पोंहइच हे कि तोंय अपन खीस के देखाबे, आउर उ बेरा हों आय पोंहइच हे कि मोरलमन केर फैसला करल जाओक, आउर तोर संदेश के बताएक वाला तोर सेवकमन आउर पवितर आदमीमन के आउर उ छोट बाड़मन के जे तोर नाँव से डरायना, इनाम देवल जाओक आउर धरती के बिगड़ाएक वालामन के नाश करल जाओक।”
आउर उ जानवर आउर उकर संगे झूठा संदेश देवेक वाला धराय गेलक। इ झूठा संदेश देवेक वाला ओहे हेके, जे उ जानवर केर बटले चमत्कार केर चिन्हा देखात रहे आउर उ सोउब आदमीमन के बहकाय देई रहे, जेमन केर उपरे उ जानवर केर छाप रहे, आउर जेमन उकर मूर्ति केर पूजा करत रहैं। इ दुयो के जीते-जी आइग केर झील में जे गंधक से बरेला, साइज देलैं।
फिन मोंय थोरेक सिंहासन देखलों। उ मनक उपरे थोरेक आदमीमन बाइठ रहैं। आउर उमन के फैसला करेक केर अधिकार देवल गेलक। मोंय उमन केर आत्मामन के हों देखलों, जेमन केर मूँड़ यीशु केर गवाही देवेक आउर परमेश्वर केर बचन केर परचार केर खातिर काटल जाय रहे, आउर जेमन ना तो उ खूंखार जानवर केर, आउर ना उकर मूर्ति केर पूजा काइर रहैं, आउर ना उकर छाप अपन माथा आउर हाँथ उपरे लेई रहैं। उमन जिंदा होई के मसीह केर संगे हजार बरिस तक राइज करते रहलैं।
Sanasan