प्रकाशितवाक्य 13:13 - सादरी नवाँ नियम

¹³ उ बड़का-बड़का चमत्कार केर चिन्हा देखात रहे, हिंयाँ तक कि आदमीमन केर सामने स्वरग से धरती में आइग बरसाय देवत रहे।

प्रकाशितवाक्य 13:13 Iomraidhean Croise

मत्ती 16:1

हूवाँ फरीसी दल केर आदमीमन आउर सदूकी दल केर आदमीमन यीशु ठिना आलैं आउर उमन उके परखेक लगिन कि इ अधिकार उके परमेश्‍वर बटले मिल हे कि निहीं, उकर से कहलैं, “हमरे के स्वरग केर कोनों चिन्हा देखाव।”

मत्ती 24:24

काले कि झूठा मसीह आउर झूठा परमेश्‍वर केर संदेश बताएक वालामन उइठ खड़ा होबैं उमन बड़का-बड़का चिन्हा आउर चमत्कार केर काममन के देखाबैं आउर होई सके तो उमन चुनलमन के हों बहकाय देबैं।

मरकुस 13:22

काले कि झूठा मसीह आउर झूठा परमेश्‍वर केर संदेश के बताएक वालामन उइठ खड़ा होबैं, उमन चिन्हा आउर चमत्कार केर काममन के देखाबैं आउर होई सके तो उमन चुनलमन के हों बहकाय देबैं।

2 तीमुथियुस 3:8

झूठा सिखाएक वालामन मसीह केर सच्चा संदेश के परचार करेक से रोकेक केर कोशिश करैना, जइसन यन्नेस आउर यम्ब्रेस मूसा केर बिरोध काइर रहैं। उमन केर बुद्धि भ्रष्ट होई जाय हे, आउर उमन मसीह उपरे बिसवास नी करैना।

प्रकाशितवाक्य 11:5

अगर केऊ उमन के नोकसान पोहचाएक चाहैना, तो उमन केर मुँह से आइग निकइल के उमन केर बैरीमन के भसम करेला, आउर अगर केऊ उमन के नोकसान पोहचाएक चाही, तो उ जरूर एहे रीति से माइर मोराल जाई।

प्रकाशितवाक्य 16:14

इमन चिन्हा देखाएक वाला भूतमन हेकैं, जे समूचा दुनिया केर राजामन ठिना निकइल के इ लगिन जायना कि उमन के सर्वशक्तिमान परमेश्‍वर केर उ महान दिन केर लड़ाई लगिन जमा करोक।

प्रकाशितवाक्य 19:20

आउर उ जानवर आउर उकर संगे झूठा संदेश देवेक वाला धराय गेलक। इ झूठा संदेश देवेक वाला ओहे हेके, जे उ जानवर केर बटले चमत्कार केर चिन्हा देखात रहे आउर उ सोउब आदमीमन के बहकाय देई रहे, जेमन केर उपरे उ जानवर केर छाप रहे, आउर जेमन उकर मूर्ति केर पूजा करत रहैं। इ दुयो के जीते-जी आइग केर झील में जे गंधक से बरेला, साइज देलैं।

प्रकाशितवाक्य 20:9

आउर शैतान केर सेनामन समूचा धरती उपरे फाइल जबैं आउर उमन पवितर आदमीमन केर डेरा आउर दुलार नगर के घेइर लेबैं: मगर आइग स्वरग से उतइर के उमन के भसम काइर देई।