प्रकाशितवाक्य 13:12 - सादरी नवाँ नियम

¹² उ अजगर केर भीरे पहिला जानवर केर समूचा अधिकार के काम में लानत रहे, आउर धरती आउर उकर में रहेक वाला आदमीमन से उ पहिला जानवर केर जेकर प्राण लेवेक जइसन घाव बेस होई जाय रहे, पूजा करुवात रहे।

प्रकाशितवाक्य 13:12 Iomraidhean Croise

2 थिस्सलुनीकियनमन 2:4

जे परमेश्‍वर केर बिरोध करी आउर आउरो सोउब चीजमन केर हों बिरोध करी, जेकर आदमीमन भक्ति करैना, आउर उ अपने आप के सोउब से ऊँचा उठाई, हिंयाँ तक कि उ परमेश्‍वर केर मंदिर में बाइठ के खुद के ईश्‍वर बताई।

प्रकाशितवाक्य 13:2

जे जानवर के मोंय देखलों, उ चीता नियर रहे आउर उकर गोड़ भालू केर गोड़ नियर आउर मुँह सिंह केर मुँह नियर रहे। आउर उ अजगर अपन शक्ति, अपन सिंहासन आउर बड़का अधिकार उके देई देलक।

प्रकाशितवाक्य 13:8

धरती केर उपरे रहेक वाला सोउब आदमीमन राक्षस केर पूजा करेक लगलैं। सिरिफ ओहेमन उकर पूजा नी करलैं, जेमन केर नाँव दुनिया केर सिरजन होवेक से पहिलेहें से जिंदगी केर किताब में लिखल जाय रहे। इ जिंदगी केर किताब उ मेमना केर किताब हेके, जेके बलिदान केर रूप में माइर देवल जाय रहे।

प्रकाशितवाक्य 14:11

उकर बाथा केर धुंगिया जुग-जुग उठते रही, आउर जेमन उ जानवर आउर उ मूर्ति केर पूजा करैना, आउर जे उकर नाँव केर छाप लेवैना, उमन के राइत दिन चैन नी मिली।”

प्रकाशितवाक्य 14:9

इकर पाछे एक आउर तीसरा स्वरगदूत जोर से इ कहते आलक, “जे केऊ उ जानवर आउर उ मूर्ति केर पूजा करी, आउर अपन माथा या अपन हाँथ में उकर छाप के लगाई,

प्रकाशितवाक्य 16:2

तब पहला स्वरगदूत जाय के अपन कटोरा के धरती केर आदमीमन उपरे उझइल देलक। तब उ आदमीमन केर जेमन केर उपरे जानवर केर छाप रहे, आउर जे उकर मूर्ति केर पूजा करत रहैं, एक रकम केर बुरा आउर बथुवाएक वाला फोड़ा निकललक।

प्रकाशितवाक्य 17:8

जे जानवर तोंय देइख हिस, उ पहिले तो रहे, मगर अब नखे, मगर उ बेथाह गढ़हा से निकइल के आवी, सेहे बेरा उकर बिनाश होई जाई। आउर धरती केर रहेक वाला आदमीमन जेमन केर नाँव दुनिया केर सिरजेक बेरा से जिंदगी केर किताब में लिखल नखे, इ जानवर केर इ दशा देइख के कि पहिले रहे, आउर अब नखे आउर फिन आय जाई, ताजुब करबैं।

प्रकाशितवाक्य 19:20

आउर उ जानवर आउर उकर संगे झूठा संदेश देवेक वाला धराय गेलक। इ झूठा संदेश देवेक वाला ओहे हेके, जे उ जानवर केर बटले चमत्कार केर चिन्हा देखात रहे आउर उ सोउब आदमीमन के बहकाय देई रहे, जेमन केर उपरे उ जानवर केर छाप रहे, आउर जेमन उकर मूर्ति केर पूजा करत रहैं। इ दुयो के जीते-जी आइग केर झील में जे गंधक से बरेला, साइज देलैं।

प्रकाशितवाक्य 20:4

फिन मोंय थोरेक सिंहासन देखलों। उ मनक उपरे थोरेक आदमीमन बाइठ रहैं। आउर उमन के फैसला करेक केर अधिकार देवल गेलक। मोंय उमन केर आत्मामन के हों देखलों, जेमन केर मूँड़ यीशु केर गवाही देवेक आउर परमेश्‍वर केर बचन केर परचार केर खातिर काटल जाय रहे, आउर जेमन ना तो उ खूंखार जानवर केर, आउर ना उकर मूर्ति केर पूजा काइर रहैं, आउर ना उकर छाप अपन माथा आउर हाँथ उपरे लेई रहैं। उमन जिंदा होई के मसीह केर संगे हजार बरिस तक राइज करते रहलैं।