प्रकाशितवाक्य 13:11 - सादरी नवाँ नियम

¹¹ फिन मोंय एगो आउर जानवर के धरती में से निकलते देखलों। उकर मेमना केर नियर दूई गो सींग रहे आउर उ अजगर केर नियर बोलत रहे।

प्रकाशितवाक्य 13:11 Iomraidhean Croise

मत्ती 7:15

झूठा संदेश देवेक वालामन से सावधान रहबा, उमन भेड़ीमन केर भेष धाइर के तोहर ठिना आवैना, मगर हकीकत में उमन नोकसान पोंहचाएक वाला भेड़ियामन नियर रहैना।

रोमानियनमन 16:18

काले कि एइसन आदमीमन हमर प्रभु मसीह केर निहीं, मगर अपन फायदा लगिन सेवा करैना, आउर उमन मिठा-मिठा गोइठमन से सीधा-सादा आदमीमन के बहकाय देवैना।

2 थिस्सलुनीकियनमन 2:4

जे परमेश्‍वर केर बिरोध करी आउर आउरो सोउब चीजमन केर हों बिरोध करी, जेकर आदमीमन भक्ति करैना, आउर उ अपने आप के सोउब से ऊँचा उठाई, हिंयाँ तक कि उ परमेश्‍वर केर मंदिर में बाइठ के खुद के ईश्‍वर बताई।

प्रकाशितवाक्य 11:7

जब उमन अपन गवाही देई चुकबैं, तो उ जानवर जे बेथाह गढ़हा में से निकली, उमन से लइड़ के उमन के जीत जाई आउर उमन के माइर मोराई।

प्रकाशितवाक्य 12:17

तब अजगर जनाना उपरे ढेइर खिसाय गेलक, आउर उकर बचल छउवामन से जे परमेश्‍वर केर आगया के मानैना आउर यीशु केर बारे में देवल गवाही में स्थिर अहैं, लड़ेक लगिन गेलक।

प्रकाशितवाक्य 13:1

तब मोंय समुदर में से खूंखार जानवर के निकलते देखलों। उकर दस गो सींग आउर सात गो मूँड़ रहे। उकर दसो सींगमन में एक-एक राजमुकुट रहे आउर उकर मूँड़मन उपरे परमेश्‍वर केर निंदा करेक वाला नाँव लिखल रहे।

प्रकाशितवाक्य 13:17

ताकि जेकर उपरे उ जानवर केर छाप मतलब उकर नाँव चाहे उकर नाँव केर अंक नी होवी, उ लेन-देन करेक ना पारोक।

प्रकाशितवाक्य 13:4

उ आदमीमन अजगर केर पूजा करलैं, काले कि उ जानवर के अपन अधिकार देई दे रहे आउर उमन इ कहते उ जानवर केर हों पूजा करलैं, “इ जानवर केर नियर के अहे? के उकर से लड़ेक पारेला?”

प्रकाशितवाक्य 16:13

फिन मोंय उ अजगर केर मुँह से, आउर उ जानवर केर मुँह से, आउर झूठा संदेश के बताएक वाला आदमी केर मुँह से तीन अशुद्ध आत्मामन के बेंगमन केर रूप में निकलते देखलों।

प्रकाशितवाक्य 17:6

मोंय उ जनाना के पवितर आदमीमन केर लोहू आउर यीशु केर गवाहमन केर लोहू पियेक से मातल देखलों। उके देइख के मोंय ताजुब होई गेलों।

प्रकाशितवाक्य 17:8

जे जानवर तोंय देइख हिस, उ पहिले तो रहे, मगर अब नखे, मगर उ बेथाह गढ़हा से निकइल के आवी, सेहे बेरा उकर बिनाश होई जाई। आउर धरती केर रहेक वाला आदमीमन जेमन केर नाँव दुनिया केर सिरजेक बेरा से जिंदगी केर किताब में लिखल नखे, इ जानवर केर इ दशा देइख के कि पहिले रहे, आउर अब नखे आउर फिन आय जाई, ताजुब करबैं।