प्रकाशितवाक्य 13:10 - सादरी नवाँ नियम

¹⁰ जेकर बंदी बनेक लिखल अहे, उके बंदी बनाल जाई, आउर जेमन लगिन इ ठहराल जाय हे कि उमन तलवाइर से मारल जाबैं। उमन लगिन इ पक्का अहे कि उमन तलवाइर से हें मोराल जाबैं। से लगिन परमेश्‍वर केर आदमीमन के इ सोउब गोइठमन में धीरज धारेक चाही, आउर परमेश्‍वर उपरे भरसा करेक चाही।

प्रकाशितवाक्य 13:10 Iomraidhean Croise

मत्ती 26:52

तब यीशु उकर से कहलक, “अपन तलवाइर म्यान में राइख ले, काले कि जेमन तलवाइर चलायना, उमन के तलवाइर से नाश करल जाई।

मत्ती 7:2

काले कि जे लेखे तोहरेमन दोसर मनक उपरे दोष लगावला, ओहे लेखे परमेश्‍वर हों तोहर उपरे दोष लगाई आउर जे लेखे दोसरमन से ब्यवहार कराला, ठीक ओहे लेखे परमेश्‍वर हों तोहर संगे ब्यवहार करी।

लूका 21:19

तोहरेमन दुःख तकलीफ केर आखरी बेरा तक मोर उपरे भरसा कराला आउर हार नी मानाला। से लगिन अपन जीउ के बचाय लेबा।

कुलुसियनमन 1:11

मोंय प्रार्थना करोना कि परमेश्‍वर अपन महिमा से भरल शक्ति से तोहरेमन के ढेइर मजबूत करोक ताकि तोहरे धीरज आउर आनंद से अपन दुःखमन के सहेक पारबा।

प्रकाशितवाक्य 1:9

मोंय यूहन्ना जे तोहर संगी बिसवासी आउर मसीह केर लगिन दुःख सहेक में, आउर आबा परमेश्‍वर केर राइज में, आउर धीरज केर संगे उ दुःखमन के सहेक में तोहर संगी हेकों, जे उ आदमीमन उपरे आवेला जेमन केर रिश्ता उकर संगे अहे। मोके पतमुस टापू में कैदी बनाय के भेइज देवल जाय रहे। काले कि मोंय आबा परमेश्‍वर केर बचन के परचार काइर रहों आउर यीशु केर सच्चा संदेश के बताय रहों।

प्रकाशितवाक्य 11:18

परजाइत आदमीमन तोर से खिसाल अहैं, काले कि बेरा आय पोंहइच हे कि तोंय अपन खीस के देखाबे, आउर उ बेरा हों आय पोंहइच हे कि मोरलमन केर फैसला करल जाओक, आउर तोर संदेश के बताएक वाला तोर सेवकमन आउर पवितर आदमीमन के आउर उ छोट बाड़मन के जे तोर नाँव से डरायना, इनाम देवल जाओक आउर धरती के बिगड़ाएक वालामन के नाश करल जाओक।”

प्रकाशितवाक्य 14:12

अब पवितर आदमीमन केर धीरज इकरे में अहे, जे परमेश्‍वर केर आगयामन के मानैना आउर यीशु केर उपरे बिसवास रखैना।

प्रकाशितवाक्य 16:6

काले कि उमन पवितर आदमीमन आउर परमेश्‍वर केर संदेश के बताएक वालामन केर लोहू बहाय रहैं, आउर तोंय उमन के लोहू पियाले, काले कि उमन एहे लायक अहैं।”

प्रकाशितवाक्य 17:11

जे जानवर पहिले रहे, आउर अब नखे, उ खुद आठवाँ राजा हेके, मगर सचमुच में उ सातों राजामन में से एगो हेके, आउर उकर हों बिनाश होवेक वाला अहे।

प्रकाशितवाक्य 17:8

जे जानवर तोंय देइख हिस, उ पहिले तो रहे, मगर अब नखे, मगर उ बेथाह गढ़हा से निकइल के आवी, सेहे बेरा उकर बिनाश होई जाई। आउर धरती केर रहेक वाला आदमीमन जेमन केर नाँव दुनिया केर सिरजेक बेरा से जिंदगी केर किताब में लिखल नखे, इ जानवर केर इ दशा देइख के कि पहिले रहे, आउर अब नखे आउर फिन आय जाई, ताजुब करबैं।

प्रकाशितवाक्य 2:19

मोंय तोर काममन, तोर प्रेम आउर बिसवास आउर सेवा, आउर धीरज के जानोना, आउर एहो जानोना कि तोर पिछला काम पहिले केर काममन से बाइढ़ के अहे।

प्रकाशितवाक्य 2:2

मोंय तोर काम, मेहनइत आउर तोर धीरज के जानोना। मोंय एहो जानोना कि तोंय बुरा आदमीमन के देखेक नी पारिसला। जे खुद के खास चेला कहैना मगर उमन ना लगैं, उमन के तोंय परइख के झूठा पाले।

प्रकाशितवाक्य 3:10

काले कि तोंय मोर धीरजरूपी आगया केर पालन काइर हिस, से लगिन मोंय हों तोके परीक्षा केर उ बेरा बचाय रखमूँ, जे धरती में रहेक वाला आदमीमन के परखेक लगिन गोटा दुनिया में आवेक वाला अहे।

प्रकाशितवाक्य 3:3

से लगिन याइद कर कि तोंय कइसन गेयान पाले आउर सुइन रहिस, आउर उकर में बनल रह, आउर पाप करेक छोइड़ दे। आउर अगर तोंय सावधान नी रहबे तो मोंय चोर नियर आय जामूँ आउर तोंय नी जानेक पारबे कि कोन घड़ी तोर ठिना आय जामूँ।