प्रकाशितवाक्य 13:1 - सादरी नवाँ नियम

¹ तब मोंय समुदर में से खूंखार जानवर के निकलते देखलों। उकर दस गो सींग आउर सात गो मूँड़ रहे। उकर दसो सींगमन में एक-एक राजमुकुट रहे आउर उकर मूँड़मन उपरे परमेश्‍वर केर निंदा करेक वाला नाँव लिखल रहे।

प्रकाशितवाक्य 13:1 Iomraidhean Croise

प्रकाशितवाक्य 11:7

जब उमन अपन गवाही देई चुकबैं, तो उ जानवर जे बेथाह गढ़हा में से निकली, उमन से लइड़ के उमन के जीत जाई आउर उमन के माइर मोराई।

प्रकाशितवाक्य 12:3

फिन एक आउर चिन्हा आकाश में दिस्तार देलक, एगो बड़का लाल अजगर रहे, जेकर सात मूँड़ आउर दस सींग रहे, आउर उकर मूँड़मन में सात राजमुकुट रहे।

प्रकाशितवाक्य 13:11

फिन मोंय एगो आउर जानवर के धरती में से निकलते देखलों। उकर मेमना केर नियर दूई गो सींग रहे आउर उ अजगर केर नियर बोलत रहे।

प्रकाशितवाक्य 13:14

आउर उ चिन्हामन केर खातिर जेके उ जानवर केर सामने देखाएक केर अधिकार उके देवल जाय रहे, उ धरती केर रहेक वाला आदमीमन के बहकात रहे आउर उमन से इ कहत रहे कि जे जानवर के तलवाइर लाइग रहे, उ जी जाय हे, उकर मूर्ति बनावा।

प्रकाशितवाक्य 13:15

उके उ जानवर केर मूर्ति के जिंदा करेक केर शक्ति देवल गेलक, ताकि जानवर केर मूर्ति बोलेक लगोक आउर जेतना आदमीमन उ जानवर केर मूर्ति केर पूजा नी करबैं उमन के माइर मोराओक।

प्रकाशितवाक्य 15:2

तब मोंय आइग मिलाल काँच नियर एगो समुदर देखलों, आउर जेमन उ जानवर उपरे, उकर मूर्ति उपरे, आउर उकर नाँव केर अंक उपरे जीत पाय रहैं, उमन के उ काँच केर समुदर भीरे परमेश्‍वर केर बीना बाजामन के लेई के ठड़ाल देखलों।

प्रकाशितवाक्य 16:13

फिन मोंय उ अजगर केर मुँह से, आउर उ जानवर केर मुँह से, आउर झूठा संदेश के बताएक वाला आदमी केर मुँह से तीन अशुद्ध आत्मामन के बेंगमन केर रूप में निकलते देखलों।

प्रकाशितवाक्य 17:16

आउर जे दस सींग तोंय देखले, उमन आउर जानवर बेश्या से बैर करबैं। आउर उके लाचार आउर नंगा काइर देबैं आउर उकर माँस खाय जबैं, आउर उके आइग में पोड़ाय देबैं।

प्रकाशितवाक्य 17:3

तब पवितर आत्मा केर मदइत से स्वरगदूत मोके सुनसान ठाँव में लेई गेलक। हूवाँ मोंय लाल रंग केर जानवर, जेकर उपरे परमेश्‍वर केर निंदा से भरल शबदमन रहे, देखलों। उकर सात गो मूँड़ आउर दस गो सींग रहे, आउर उकर उपरे एगो जनाना बाइठ रहे।

प्रकाशितवाक्य 17:5

उकर माथा उपरे एक नाँव लिखल रहे जेकर मतलब लुकल रहे। इ लेखे रहे, “महान देस बेबीलोन धरती केर बेश्यामन आउर घिनघिना चीजमन केर आयो।”

प्रकाशितवाक्य 19:19

फिन मोंय उ खूंखार जानवर आउर धरती केर राजामन आउर उमन केर सेनामन के देखलों, जेमन उ घोड़ा केर उपरे बइठल आउर उकर सेनामन से लड़ेक लगिन जमा होई रहैं।