प्रकाशितवाक्य 12:7 - सादरी नवाँ नियम

⁷ फिन स्वरग में लड़ाई होलक। मीकाईल आउर उकर स्वरगदूतमन केर लड़ाई अजगर आउर उकर दूतमन से होलक। अजगर आउर उकर दूतमन उकर से लड़लैं।

प्रकाशितवाक्य 12:7 Iomraidhean Croise

मत्ती 13:41

मोंय आदमी केर बेटा अपन स्वरगदूतमन के भेजमूँ आउर उमन मोर राइज केर आदमीमन में से जेमन पाप करैना आउर उमन के जे दोसरमन के पाप करुवायना ठुराबैं।

मत्ती 16:27

मोंय आदमी केर बेटा अपन स्वरगदूतमन केर संगे अपन आबा केर तेज चमक में आमूँ, आउर उ बेरा मोंय हरेक झन के उकर काममन केर मोताबिक इनाम देमूँ।

मत्ती 24:31

आउर मोंय अपन दूतमन के जोर से तुरही बजाते भेजमूँ, आउर उमन आकाश केर इ छोर से उ छोर तक, चाइरो दिशा से मोर चुनल आदमीमन के जमा करबैं।

मत्ती 25:41

तब मोंय राजा लेंगा बटे केर आदमीमन से कहमूँ, ‘हे सरपाल आदमीमन, मोर सामने से दूर होई जावा आउर उ जुग-जुग बारेक वाला आइग में चाइल जावा, जेके शैतान आउर उकर दूतमन लगिन तेयार करल जाय हे।

मत्ती 26:53

का तोंय नी जानिसला कि मोंय अपन आबा से मदइत माँगेक पारोना आउर उ मोर लगिन फौज केर बारह गो दल से हों बगरा स्वरगदूतमन के भेजेक पारी?

2 कुरिनथियनमन 12:7

मोंय परमेश्‍वर केर अदभुत गोइठमन केर चलते जेके उ मोके देखाय हे, घमंड से ना भाइर जामूँ, से लगिन मोर काया में एगो काँटा जोबल जाय हे, मतलब शैतान केर एगो दूत मोके घूँसा मारेक लगिन ताकल अहे, ताकि मोंय फूइल ना जामूँ।

इफिसियनमन 6:12

काले कि हमरे लोहू आउर माँस से बनल आदमीमन से नी लड़ाथी, मगर मुखियामन से आउर अधिकारीमन से, आउर अनदिस्तार शक्तिमन से जेमन उ आदमीमन उपरे राइज करैना, जेमन एखनो तक इ दुनिया केर अंधार में अहैं, आउर उ दुष्ट आत्मामन से जेमन फौजमन नियर आकाश में अहैं।

2 थिस्सलुनीकियनमन 1:7

आउर तोहरेमन जे दुःख पावाला, परमेश्‍वर तोहरे के चैन देवी आउर हमरे के हों देवी, इ सोउब तब होवी जब प्रभु यीशु अपन स्वरगदूतमन केर संगे, धधकते आइग केर माझे स्वरग से दिस्तार होवी।

इब्रानीमन 2:10

परमेश्‍वर जेकर लगिन सोउब कुछ अहे, आउर जेकर जरिया से सोउब कुछ अहे, उ परमेश्‍वर के एहे बेस लगलक कि उ ढेइर आदमीमन के महिमा में पोंहचाओक, तो परमेश्‍वर छुटकारा देवाइया केर दुःख उठाएक केर द्वारा सिद्ध करोक कि इ उचित काम हेके।

2 पतरस 2:4

तोहरेमन जानाला कि ढेइर समय पहिले आबा परमेश्‍वर इ स्वरग दूतमन के हों दंड देवेक से नी छोड़लक जब उमन पाप करलैं। मगर उमन के हेंठे नरक में भेइज देलक, जहाँ उमन के अंधार में सिकड़मन में बाइंध के राइख देलक, जबकि उमन फैसला होवेक केर दिन केर इन्तजार कराथैं, जब उमन के दंड मिली, जेकर उमन लायक हेकैं।

यहूदा 1:9

मगर हिंयाँ तक कि मुध स्वरगदूत मीकाईल हों एइसन नी करलक जइसन बिसवास केर देखावा करेक वालामन करैना। जेखन शैतान मीकाईल से इ गोइठ से विवाद करलक कि उमन में से केके मूसा केर लाश के दफनाएक केर अधिकार अहे, तो मीकाईल शैतान के बुरा-भला कइह के उकर उपरे दोष नी लगालक। उ सिरिफ एतना कहलक, “प्रभु तोके डाँटोक।”

प्रकाशितवाक्य 12:8

मगर उमन टिकेक नी पारलैं, से लगिन स्वरग में उमन लगिन फिन ठाँव नी रहलक।

प्रकाशितवाक्य 12:9

तब उ बड़का अजगर मतलब ओहे पुरना साँप, जे इबलीस आउर शैतान कहायला, आउर गोटा दुनिया केर आदमीमन के भरमाएक वाला हेके, उकर दूतमन केर संगे उके धरती में गिराय देवल गेलक।

प्रकाशितवाक्य 13:7

आउर उ जानवर के एहो अधिकार देवल गेलक कि पवितर आदमीमन से लड़ोक आउर उ मनक उपरे जीत पाओक आउर उके हर एक गोतर, हर एक आदमीमन, हर एक भाषा आउर हर एक जाइत केर उपरे अधिकार देवल गेलक।

प्रकाशितवाक्य 20:2

उ अजगर के मतलब पुरना साँप के, जे इबलीस आउर शैतान हेके, धाइर के हजार बरिस केर लगिन बाइंध देलक।