प्रकाशितवाक्य 12:6 - सादरी नवाँ नियम

⁶ आउर उ जनाना, उ सुनसान ठाँव में भाइग गेलक, जहाँ परमेश्‍वर बटले उकर लगिन एगो ठाँव तेयार करल जाय रहे कि हूवाँ उके एक हजार दूई सौ साठ दिन तक पोसल जाओक।

प्रकाशितवाक्य 12:6 Iomraidhean Croise

मत्ती 4:11

तब शैतान यीशु ठिना से चाइल गेलक आउर स्वरगदूतमन आय के उकर सेवा करेक लगलैं।

प्रकाशितवाक्य 12:14

मगर उ जनाना के बड़का उकाब केर दूई गो पाँइख देवल गेलक ताकि उ साँप केर सामने से उइड़ के, उ सुनसान ठाँव में पोंहइच जाओक, जहाँ उके साढ़े तीन बरिस तक पोसल जाएक रहे।

प्रकाशितवाक्य 12:4

उकर पूँइछ आकाश केर एक तिहाई तइरगनमन के खींच के धरती में फेइक देलक। उ अजगर उ जनाना केर भीरे ठड़ालक, जे छउवा जनम देवेक केर बाथा में रहे ताकि छउवा केर जनमते हें उके लील जाओक।

प्रकाशितवाक्य 13:5

उ जानवर के घमंड से भरल गोइठ कहेक आउर परमेश्‍वर केर निंदा करेक केर अधिकार आउर बेयालिस महिना तक काम करेक केर अधिकार देवल गेलक।

प्रकाशितवाक्य 17:3

तब पवितर आत्मा केर मदइत से स्वरगदूत मोके सुनसान ठाँव में लेई गेलक। हूवाँ मोंय लाल रंग केर जानवर, जेकर उपरे परमेश्‍वर केर निंदा से भरल शबदमन रहे, देखलों। उकर सात गो मूँड़ आउर दस गो सींग रहे, आउर उकर उपरे एगो जनाना बाइठ रहे।