प्रकाशितवाक्य 12:4 - सादरी नवाँ नियम

⁴ उकर पूँइछ आकाश केर एक तिहाई तइरगनमन के खींच के धरती में फेइक देलक। उ अजगर उ जनाना केर भीरे ठड़ालक, जे छउवा जनम देवेक केर बाथा में रहे ताकि छउवा केर जनमते हें उके लील जाओक।

प्रकाशितवाक्य 12:4 Iomraidhean Croise

यूहन्ना 8:44

तोहर आबा शैतान हेके आउर तोहरेमन उकर इच्छा के हें पूरा करेक चाहाला। उ तो शुरु से हें हत्यारा अहे। आउर उके सच्चाई से कोनों लेना-देना नखे, काले कि सच्चाई उकर में हइये नखे। जब उ झूठ बोलेला, तो अपन स्वभाव केर मोताबिक बोलेला, काले कि उ झूठा हेके आउर झूठ केर आबा हेके।

1 पतरस 5:8

सोउब बेरा तेयार रहा आउर जागते रहा, काले कि शैतान, तोहर दुश्मन तोहर उपरे हमला करेक चाहेला कि तोहरे आबा परमेश्‍वर केर आगयामन के ना माना। उ गरजेक वाला सिंह नियर अहे, जे आगे-पिछे जाय के इ खोजेला कि उ केखो खाएक पारोक।

प्रकाशितवाक्य 12:7

फिन स्वरग में लड़ाई होलक। मीकाईल आउर उकर स्वरगदूतमन केर लड़ाई अजगर आउर उकर दूतमन से होलक। अजगर आउर उकर दूतमन उकर से लड़लैं।

प्रकाशितवाक्य 12:9

तब उ बड़का अजगर मतलब ओहे पुरना साँप, जे इबलीस आउर शैतान कहायला, आउर गोटा दुनिया केर आदमीमन के भरमाएक वाला हेके, उकर दूतमन केर संगे उके धरती में गिराय देवल गेलक।

प्रकाशितवाक्य 13:2

जे जानवर के मोंय देखलों, उ चीता नियर रहे आउर उकर गोड़ भालू केर गोड़ नियर आउर मुँह सिंह केर मुँह नियर रहे। आउर उ अजगर अपन शक्ति, अपन सिंहासन आउर बड़का अधिकार उके देई देलक।

प्रकाशितवाक्य 13:4

उ आदमीमन अजगर केर पूजा करलैं, काले कि उ जानवर के अपन अधिकार देई दे रहे आउर उमन इ कहते उ जानवर केर हों पूजा करलैं, “इ जानवर केर नियर के अहे? के उकर से लड़ेक पारेला?”

प्रकाशितवाक्य 16:13

फिन मोंय उ अजगर केर मुँह से, आउर उ जानवर केर मुँह से, आउर झूठा संदेश के बताएक वाला आदमी केर मुँह से तीन अशुद्ध आत्मामन के बेंगमन केर रूप में निकलते देखलों।

प्रकाशितवाक्य 17:18

आउर उ जनाना, जेके तोंय देइख हिस उ महान नगर हेके, जे धरती केर राजामन उपरे राइज करेला।”

प्रकाशितवाक्य 20:2

उ अजगर के मतलब पुरना साँप के, जे इबलीस आउर शैतान हेके, धाइर के हजार बरिस केर लगिन बाइंध देलक।

प्रकाशितवाक्य 8:10

फिन तीसरा स्वरगदूत तुरही फुँकलक। इकर से आकाश से मशाल नियर बरते एगो बड़का तइरगन गिरलक। उ तइरगन एक तिहाई नदीमन आउर पानी केर सोतामन में गिरलक।

प्रकाशितवाक्य 8:11

उ तइरगन केर नाँव “नागदौना” हेके आउर पानी केर एक तिहाई हिस्सा नागदौना नियर कड़ुवा होई गेलक, आउर ढेइर हें आदमीमन उ पानी केर कड़ुवा होई जाएक से, उ पानी के पी के मोइर गेलैं।

प्रकाशितवाक्य 8:12

फिन चौथा स्वरगदूत तुरही फुँकलक। इकर से बेइर केर एक तिहाई हिस्सा आउर चाँद केर एक तिहाई हिस्सा आउर तइरगनमन केर एक तिहाई हिस्सा में बिपइत आलक। जेकर से उमन केर एक तिहाई हिस्सा अंधार होई गेलक। आउर दिन केर एक तिहाई हिस्सा में इंजोत नी रहे, एहे लेखे एक तिहाई राइत हों अंधार में डूइब गेलक।

प्रकाशितवाक्य 8:7

जइसन हें पहला स्वरगदूत तुरही फुँकलक, तइसनेहें लोहू से मिलल बरफ आउर आइग दिसेक लगलक, आउर उमन के हेंठे धरती में उझलल गेलक। जेकर से धरती केर एक तिहाई हिस्सा पोइड़ के भसम होई गेलक आउर एक तिहाई गाँछमन पोइड़ के भसम होई गेलक आउर सोउब हरियार घास हों पोइड़ के भसम होई गेलक।

प्रकाशितवाक्य 8:8

फिन दूसरा स्वरगदूत तुरही फूकलक, तो आइग नियर बरते एगो बड़का पहार समुदर में साजल गेलक आउर समुदर केर एक तिहाई हिस्सा लोहू बाइन गेलक।

प्रकाशितवाक्य 8:9

आउर समुदर केर एक तिहाई जीवमन मोइर गेलैं आउर एक तिहाई जहाज नाश होई गेलक।

प्रकाशितवाक्य 9:10

उमन केर पूँइछ बिच्छूमन केर पूँइछ नियर रहे, उमन केर पूँइछ में पाँच महिना तक आदमीमन के दुःख पोंहचाएक केर शक्ति रहे।

प्रकाशितवाक्य 9:19

काले कि उ घोड़ामन केर शक्ति उमन केर मुँह आउर उमन केर पूँइछ में रहे, काले कि उमन केर पूँइछ साँपमन नियर रहे, आउर उ पूँइछमन केर मूँड़ हों रहे आउर ओहेमन से उमन दुःख पोहचात रहैं।