प्रकाशितवाक्य 12:3 - सादरी नवाँ नियम

³ फिन एक आउर चिन्हा आकाश में दिस्तार देलक, एगो बड़का लाल अजगर रहे, जेकर सात मूँड़ आउर दस सींग रहे, आउर उकर मूँड़मन में सात राजमुकुट रहे।

प्रकाशितवाक्य 12:3 Iomraidhean Croise

प्रकाशितवाक्य 12:1

फिन आकाश में एगो बड़का चिन्हा दिस्तार देलक, मतलब एगो जनाना बेइर के ओइढ़ रहे। उकर पाँव केर हेंठे चाँद रहे आउर उकर मूँड़ उपरे बारह गो तइरगनमन केर मुकुट रहे।

प्रकाशितवाक्य 12:13

जब अजगर देखलक कि मोंय धरती में गिराय देवल जाय हों, तो उ जनाना के जे बेटा जनमाय रहे, सतालक।

प्रकाशितवाक्य 12:17

तब अजगर जनाना उपरे ढेइर खिसाय गेलक, आउर उकर बचल छउवामन से जे परमेश्‍वर केर आगया के मानैना आउर यीशु केर बारे में देवल गवाही में स्थिर अहैं, लड़ेक लगिन गेलक।

प्रकाशितवाक्य 12:4

उकर पूँइछ आकाश केर एक तिहाई तइरगनमन के खींच के धरती में फेइक देलक। उ अजगर उ जनाना केर भीरे ठड़ालक, जे छउवा जनम देवेक केर बाथा में रहे ताकि छउवा केर जनमते हें उके लील जाओक।

प्रकाशितवाक्य 12:7

फिन स्वरग में लड़ाई होलक। मीकाईल आउर उकर स्वरगदूतमन केर लड़ाई अजगर आउर उकर दूतमन से होलक। अजगर आउर उकर दूतमन उकर से लड़लैं।

प्रकाशितवाक्य 12:9

तब उ बड़का अजगर मतलब ओहे पुरना साँप, जे इबलीस आउर शैतान कहायला, आउर गोटा दुनिया केर आदमीमन के भरमाएक वाला हेके, उकर दूतमन केर संगे उके धरती में गिराय देवल गेलक।

प्रकाशितवाक्य 13:1

तब मोंय समुदर में से खूंखार जानवर के निकलते देखलों। उकर दस गो सींग आउर सात गो मूँड़ रहे। उकर दसो सींगमन में एक-एक राजमुकुट रहे आउर उकर मूँड़मन उपरे परमेश्‍वर केर निंदा करेक वाला नाँव लिखल रहे।

प्रकाशितवाक्य 13:2

जे जानवर के मोंय देखलों, उ चीता नियर रहे आउर उकर गोड़ भालू केर गोड़ नियर आउर मुँह सिंह केर मुँह नियर रहे। आउर उ अजगर अपन शक्ति, अपन सिंहासन आउर बड़का अधिकार उके देई देलक।

प्रकाशितवाक्य 13:4

उ आदमीमन अजगर केर पूजा करलैं, काले कि उ जानवर के अपन अधिकार देई दे रहे आउर उमन इ कहते उ जानवर केर हों पूजा करलैं, “इ जानवर केर नियर के अहे? के उकर से लड़ेक पारेला?”

प्रकाशितवाक्य 15:1

मोंय स्वरग में एगो आउर महान आउर अदभुत चिन्हा देखलों। मोंय देखलों कि सात गो स्वरगदूतमन अहैं जेमन ठिना सातों आखरी बिपइतमन रहे। इ आखरी बिपइत रहे, काले कि इमन केर संगे परमेश्‍वर केर परकोप हों पूरा होई जाई।

प्रकाशितवाक्य 16:13

फिन मोंय उ अजगर केर मुँह से, आउर उ जानवर केर मुँह से, आउर झूठा संदेश के बताएक वाला आदमी केर मुँह से तीन अशुद्ध आत्मामन के बेंगमन केर रूप में निकलते देखलों।

प्रकाशितवाक्य 17:12

जे दस सींग तोंय देखले, उमन दस राजामन हेकैं, जेमन के एखन तक राइज नी मिल हे मगर उ जानवर केर संगे थोरेक समय लगिन राजामन केर नियर अधिकार पाबैं।

प्रकाशितवाक्य 17:16

आउर जे दस सींग तोंय देखले, उमन आउर जानवर बेश्या से बैर करबैं। आउर उके लाचार आउर नंगा काइर देबैं आउर उकर माँस खाय जबैं, आउर उके आइग में पोड़ाय देबैं।

प्रकाशितवाक्य 17:7

तब उ स्वरगदूत मोर से कहलक, “तोंय काले ताजुब होले? मोंय इ जनाना, आउर उ जानवर केर, जेकर उपरे उ चढ़ल अहे, आउर जेकर सात गो मूँड़ आउर दस गो सींग अहे, तोके भेद बतावना।

प्रकाशितवाक्य 19:12

उकर आँइख आइग नियर धधकेला आउर उकर मूँड़ उपरे ढेइर राजमुकुट अहे। आउर उकर उपरे एगो नाँव लिखल अहे, जेके उके छोइड़ आउर केऊ नी जानैना।

प्रकाशितवाक्य 20:2

उ अजगर के मतलब पुरना साँप के, जे इबलीस आउर शैतान हेके, धाइर के हजार बरिस केर लगिन बाइंध देलक।