प्रकाशितवाक्य 12:11 - सादरी नवाँ नियम

¹¹ आउर उमन मेमना केर लोहू केर खातिर आउर अपन गवाही केर बचन केर खातिर, उकर उपरे जीत पालैं, आउर उमन अपन प्राण केर मोह छोइड़ के माउत के अपनाय लेलैं।

प्रकाशितवाक्य 12:11 Iomraidhean Croise

लूका 14:26

“अगर केऊ मोर ठिना आवी आउर अपन आयो-आबा, भाई-बहिन, छउवा-पुता, अपन जनाना आउर अपन जीउ के मोर से बगरा प्रेम करेला, तो उ मोर चेला बनेक नी पारी।

यूहन्ना 16:33

मोंय तोहरेमन के इ गोइठमन के आगे हें बताय देलों, ताकि तोहरेमन के शांति मिलोक। दुनिया में तोहरेमन के दुःख सहेक होवी, मगर ढाढ़स बाँधा, मोंय दुनिया केर सरदार शैतान के हराय देई हों।”

खास चेलामन केर काम 20:24

मगर मोके अपन प्राण से कोनों मोह-माया नखे, मोंय तो सिरिफ उ सेवकाई के पूरा करेक चाहाथों, जेके प्रभु यीशु मसीह मोके जिम्मा देई हे, मतलब परमेश्‍वर केर किरपा केर शुभ समाचार के सच्चाई से परचार करमूँ।

खास चेलामन केर काम 21:13

मगर पौलुस उमन के जबाब देलक, “तोहरे इ का कहाथा? तोहरे काइंद-काइंद के मोके काले दुःख देवाथा? मोंय तो प्रभु यीशु केर नाँव लगिन यरुशलेम शहर में ना सिरिफ बाँधल जाएक लगिन मगर मोरेक लगिन हों तेयार अहों।”

रोमानियनमन 16:20

शांति केर परमेश्‍वर शैतान के जल्दी हें नाश काइर देवी आउर तोहरे केर अधीन काइर देवी। हमर प्रभु यीशु मसीह केर किरपा तोहरे उपरे बनल रहोक।

1 कुरिनथियनमन 15:57

मगर परमेश्‍वर केर धन्यबाद होवोक, काले कि हमर प्रभु यीशु मसीह केर उ काम केर चलते, जेके उ हमर लगिन काइर हे, हमरे के मोरेक से डराएक केर जरुरत नखे, काले कि उ हमरे केर पाप के उठाय लेलक।

1 यूहन्ना 4:4

हे दुलार छउवामन, तोहरेमन परमेश्‍वर केर हेका आउर तोहरेमन परमेश्‍वर केर संदेश के बताएक वाला झूठा आदमीमन के जीत लेई हा, आउर जे पवितर आत्मा तोहर में अहे उ शैतान से हों बाड़ अहे जे दुनिया में राइज करेला।

1 यूहन्ना 5:5

दुनिया में जीत पावेक वाला के हेके? सिरिफ उ जेकर इ बिसवास अहे कि यीशु हें परमेश्‍वर केर बेटा हेके।

प्रकाशितवाक्य 1:2

यूहन्ना उ सोउब गोइठमन के लिखलक जे उके देखाल जाय रहे, मतलब परमेश्‍वर केर बटले देवल बचन आउर उ सोउब कुछ, जेके यीशु मसीह कइह रहे।

प्रकाशितवाक्य 1:9

मोंय यूहन्ना जे तोहर संगी बिसवासी आउर मसीह केर लगिन दुःख सहेक में, आउर आबा परमेश्‍वर केर राइज में, आउर धीरज केर संगे उ दुःखमन के सहेक में तोहर संगी हेकों, जे उ आदमीमन उपरे आवेला जेमन केर रिश्ता उकर संगे अहे। मोके पतमुस टापू में कैदी बनाय के भेइज देवल जाय रहे। काले कि मोंय आबा परमेश्‍वर केर बचन के परचार काइर रहों आउर यीशु केर सच्चा संदेश के बताय रहों।

प्रकाशितवाक्य 11:7

जब उमन अपन गवाही देई चुकबैं, तो उ जानवर जे बेथाह गढ़हा में से निकली, उमन से लइड़ के उमन के जीत जाई आउर उमन के माइर मोराई।

प्रकाशितवाक्य 12:17

तब अजगर जनाना उपरे ढेइर खिसाय गेलक, आउर उकर बचल छउवामन से जे परमेश्‍वर केर आगया के मानैना आउर यीशु केर बारे में देवल गवाही में स्थिर अहैं, लड़ेक लगिन गेलक।

प्रकाशितवाक्य 19:10

तब मोंय उकर पाँव केर भीरे निहइर के माथा टेकलो आउर उकर आराधना करलों। उ मोर से कहलक, “देख, एइसन ना कर, मोंय तोर आउर तोर भाईमन केर संगी दास हेकों, जे यीशु केर गवाही देवेक में स्थिर अहैं। परमेश्‍वर केर हें आराधना कर। काले कि यीशु केर गवाही भविष्यवाणी केर आत्मा हेके।”

प्रकाशितवाक्य 2:13

मोंय इ तो जानोना कि तोंय हूवाँ रहिसला जहाँ शैतान केर सिंहासन अहे, आउर तोंय मोर नाँव में स्थिर रहिसला। तोंय मोर उपरे बिसवास करेक से उ दिनमन में हों पिछे नी हटले, जेकर में मोर बिसवास लायक गवाह अन्तिपास, तोहर माझे उ ठाँव में मोराल गेलक जहाँ शैतान रहेला।

प्रकाशितवाक्य 2:17

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला: जे जीत जाई, उके मोंय लुकल मन्ना में से देमूँ, आउर उके एगो चरका पखना हों देमूँ, आउर उ पखना में एगो नाँव लिखल होवी, जेके उके पावेक वालामन केर सिवाय आउर केऊ नी जानी।

प्रकाशितवाक्य 2:26

जे जीत जाई आउर आखरी तक मोर काममन केर मोताबिक करते रही, तो मोंय उके जाइत-जाइत केर आदमीमन उपरे अधिकार देमूँ।

प्रकाशितवाक्य 2:7

जेमन केर कान अहे उमन धेयान से सुइन लेवा कि पवितर आत्मा कलीसिया केर आदमीमन से का कहेला। जे जीत जाई, उके मोंय उ जिंदगी केर गाँछ में से जे परमेश्‍वर केर स्वरग लोक में अहे, खाएक लगिन फार देमूँ।

प्रकाशितवाक्य 20:4

फिन मोंय थोरेक सिंहासन देखलों। उ मनक उपरे थोरेक आदमीमन बाइठ रहैं। आउर उमन के फैसला करेक केर अधिकार देवल गेलक। मोंय उमन केर आत्मामन के हों देखलों, जेमन केर मूँड़ यीशु केर गवाही देवेक आउर परमेश्‍वर केर बचन केर परचार केर खातिर काटल जाय रहे, आउर जेमन ना तो उ खूंखार जानवर केर, आउर ना उकर मूर्ति केर पूजा काइर रहैं, आउर ना उकर छाप अपन माथा आउर हाँथ उपरे लेई रहैं। उमन जिंदा होई के मसीह केर संगे हजार बरिस तक राइज करते रहलैं।

प्रकाशितवाक्य 3:12

जे जीत जाई, उके मोंय अपन परमेश्‍वर केर मंदिर में एगो खंभा बनामूँ आउर उ फिन कहियो बाहरे नी निकली, आउर मोंय अपन परमेश्‍वर केर नाँव आउर अपन परमेश्‍वर केर नगर मतलब नवाँ यरुशलेम केर नाँव, जे मोर परमेश्‍वर ठिना से स्वरग से उतरेक वाला अहे, आउर अपन नवाँ नाँव उकर में लिखमूँ।

प्रकाशितवाक्य 3:21

जे जीत जाई, मोंय उके अपन संगे अपन सिंहासन में बइठामूँ, जइसन मोंय हों जीत के अपन आबा केर संगे उकर सिंहासन में बाइठ गेलों।

प्रकाशितवाक्य 3:5

जे जीत जाई, उ एहे लेखे चरका लुगा पिंधी, आउर मोंय उकर नाँव जिंदगी केर किताब में से कोनों रीति से नी काटमूँ, मगर उकर नाँव अपन आबा आउर उकर स्वरग दूतमन केर सामने माइन लेमूँ।

प्रकाशितवाक्य 6:9

आउर जब मेमना पाँचवाँ मोहर खोललक तो मोंय बेदी केर हेंठे उ मनक प्राण के देखलों, जे परमेश्‍वर केर बचन केर परचार करेक केर खातिर आउर उ गवाही केर खातिर कि यीशु हमर प्रभु हेके, जे उमन देई रहैं, माइर मोराल जाय रहैं।