प्रकाशितवाक्य 12:10 - सादरी नवाँ नियम

¹⁰ फिन मोंय स्वरग में से जोर से इ कहते सुनलों, “अब हमर परमेश्‍वर केर छुटकारा, शक्ति, राइज आउर उकर मसीह केर अधिकार दिस्तार होई हे, काले कि हमर भाईमन उपरे दोष लगाएक वाला, जे राइत दिन हमर परमेश्‍वर केर भीरे उ मनक उपरे दोष लगाते रहत रहे, गिराय देवल गेलक।

प्रकाशितवाक्य 12:10 Iomraidhean Croise

मत्ती 26:64

यीशु उके जबाब देलक, “तोंय खुद हें कइह देले, अब मोंय तोर से एहो कहाथों कि अब से तोहरेमन मोंय आदमी केर बेटा के सर्वशक्तिमान परमेश्‍वर केर भतखाइया बटे बइठल आउर आकाश केर बदरीमन में आते देखबा।”

मत्ती 28:18

यीशु उमन ठिना आय के कहलक, “स्वरग आउर धरती केर समूचा अधिकार मोके देवल जाय हे।

मत्ती 6:10

तोर राइज आवोक, तोर इच्छा जइसन स्वरग राइज में पूरा होवेला, तइसनेहें दुनिया में हों पूरा होवोक।

लूका 11:2

यीशु उमन से कहलक, “जब तोहरेमन प्रार्थना करबा, तो इ लेखे करबा: ‘हे हमरे केर आबा परमेश्‍वर, तोर नाँव पवितर मानल जाओक, तोर राइज आवोक।

लूका 22:31

यीशु आगे कहलक, “सिमोन, हे सिमोन, देख, शैतान तोहर परीक्षा करेक लगिन परमेश्‍वर से इजाजत माँइग लेई हे, बेस आदमीमन के बुरा आदमीमन से अलग करेक लगिन, जइसन एगो किसान गोहोम के भूसा से अलग करेला।

1 कुरिनथियनमन 5:4

तोहरे के इ करेक केर जरुरत अहे, बिसवासी केर रूप में एक संग जमा होवा, इ जानते हुए कि तोहरे ठिना सचमुच हमर प्रभु यीशु मसीह केर अधिकार अहे, आउर इ एइसन अहे कि मोंय हों अपन मन में हूवाँ अहों, आउर प्रभु यीशु मसीह केर शक्ति केर द्वारा

2 कुरिनथियनमन 12:9

आउर प्रभु मोर से कहलक, “मोर किरपा तोर लगिन काफी अहे, काले कि मोर शक्ति कमजोरी में सिद्ध होवेला।” इ लगिन मोंय ढेइर खुशी से अपन कमजोरीमन उपरे घमंड करमूँ कि मसीह केर शक्ति मोर उपरे छाँई करते रहोक,

तीतुस 2:3

एहे लेखे बुढ़िया जनानामन के उ जनानामन नियर ब्यवहार करेक चाही जेमन परमेश्‍वर केर लगिन भक्ति केर जिंदगी जियैना। उमन दोसरमन केर निंदा करेक वाला आउर पियंक्कड़ ना होवोक, मगर उमन के दोसरमन के बेस जिंदगी जियेक केर तरीका सिखाएक चाही।

1 पतरस 5:8

सोउब बेरा तेयार रहा आउर जागते रहा, काले कि शैतान, तोहर दुश्मन तोहर उपरे हमला करेक चाहेला कि तोहरे आबा परमेश्‍वर केर आगयामन के ना माना। उ गरजेक वाला सिंह नियर अहे, जे आगे-पिछे जाय के इ खोजेला कि उ केखो खाएक पारोक।

प्रकाशितवाक्य 11:15

जब सातवाँ दूत तुरही फुँकलक, तो स्वरग में से जोर से रकम-रकम केर आवाज इ कहते सुनाई देलक, “दुनिया केर राइज हमर प्रभु केर आउर उकर मसीह केर होई गेलक आउर उ जुग-जुग राइज करी।”

प्रकाशितवाक्य 2:26

जे जीत जाई आउर आखरी तक मोर काममन केर मोताबिक करते रही, तो मोंय उके जाइत-जाइत केर आदमीमन उपरे अधिकार देमूँ।

प्रकाशितवाक्य 7:10

उमन बड़का शबद से कहत रहैं, “छुटकारा लगिन हमर परमेश्‍वर केर, जे सिंहासन में बाइठ हे आउर मेमना केर जय-जयकार होवोक!”