प्रकाशितवाक्य 12:1 - सादरी नवाँ नियम

¹ फिन आकाश में एगो बड़का चिन्हा दिस्तार देलक, मतलब एगो जनाना बेइर के ओइढ़ रहे। उकर पाँव केर हेंठे चाँद रहे आउर उकर मूँड़ उपरे बारह गो तइरगनमन केर मुकुट रहे।

प्रकाशितवाक्य 12:1 Iomraidhean Croise

मत्ती 12:38

से लगिन थोरेक मूसा केर नियम के सिखाएक वालामन आउर फरीसी दल केर आदमीमन यीशु से कहलैं, “हे गुरु, हमरे तोर से एगो चिन्हा देखेक चाहाथी। इ साबित करेक लगिन कि परमेश्‍वर तोके अपन अधिकार देई हे।”

मत्ती 24:30

तब मोंय आदमी केर बेटा केर चिन्हा आकाश में दिसी, आउर दुनिया केर सोउब आदमीमन शोक करबैं, आउर मोंय आदमी केर बेटा के बड़का शक्ति आउर तेज चमक केर संगे आकाश केर बदरी में आते देखबैं।

मरकुस 13:25

आउर आकाश से तइरगनमन गिरेक लगबैं, आउर आकाश केर शक्तिमन के हिलाल जाई।’

लूका 21:11

आउर बड़का-बड़का भूंईडोल होवी आउर जगा-जगा अकाल आउर महामारी होवी आउर आकाश में भयानक डराएक वाला आउर बड़का-बड़का चिन्हा दिस्तार होवी।

लूका 21:25

बेइर, चाँद आउर तइरगनमन में चिन्हा दिस्तार होवी, समुदर केर गरजेक आउर लहरामन केर हिलकोरा से दुनिया केर सोउब देस केर आदमीमन घबराय जबैं आउर उ मनक उपरे भयानक बिपइत आवी।

यूहन्ना 3:29

दूल्हा, दुलहिन से बिहा करेला मगर दूल्हा केर संग, जे उकर ठिना ठड़ाल रहेला, उ दूल्हा केर गोइठ सुइन के ढेइर खुश होवेला। ओहे लेखे मोर दिल हों खुशी से भाइर जाय हे। आउर अब उ खुशी पूरा होई जाय हे।

खास चेलामन केर काम 2:19

आउर मोंय उपरे आकाश में ताजुब काम आउर हेंठे धरती में चिन्हा, मतलब लोहू, आइग आउर धुंगिया केर बदरी देखामूँ।

रोमानियनमन 13:14

बल्कि आवा हमरे हँथियार केर रूप में प्रभु यीशु मसीह के पिंध लेवब, आउर पापी स्वभाव केर इच्छामन के पूरा करेक केर कोशिश नी करब।

रोमानियनमन 3:22

मतलब परमेश्‍वर हमरे के तब धरमी ठहरायला जब हमरे यीशु मसीह उपरे बिसवास करिला, चाहे हमरे यहूदी हेकी चाहे परजाइत हेकी, इकर कोनों भेद-भाव नखे।

2 कुरिनथियनमन 11:2

काले कि मोंय तोहरे केर बारे में चिंता करोना, जइसन परमेश्‍वर करेला, से लगिन तोहरेमन के मोंय, तोहरे केर एके गो पति मसीह केर हाँथ में पवितर डिंड़ा कन्या नियर सोंइप देवेक केर करार काइर हों।

गलातियनमन 3:27

आउर तोहर में से जेतना झन मसीह में बपतिस्मा जल संस्कार लेई हैं, उमन मसीह केर स्वभाव के पिंध लेई हैं।

गलातियनमन 4:26

मगर स्वरगीय यरुशलेम अब्राहम केर जनाना सारा हेके, आउर उकर संतानमन आजाद अहैं, आउर उ हमरे केर आयो हेके।

गलातियनमन 6:14

मगर मोंय क्रूस उपरे चढ़ाल हमर प्रभु यीशु मसीह के छोइड़ आउर कोनों गोइठ में घमंड करेक नी चाहोना। काले कि उकर माउत केर चलते, जे कोनों चीज इ दुनिया केर आदमीमन लगिन किमती अहे, मोर लगिन उकर कोनों कीमत नखे। आउर दुनिया केर आदमीमन केर बिचार से मोर हों कोनों कीमत नखे।

इफिसियनमन 5:32

इ एगो किमती आउर गहरा शिक्षा हेके जेके हमरे हिंयाँ समझेक पारिला, मोंय इकर जोड़ी मसीह आउर उकर उपरे बिसवास करेक वालामन से करोना।

प्रकाशितवाक्य 1:20

उ सात तइरगनमन केर भेद, जेमन के तोंय मोर भतखाइया हाँथ में देइख रहिस, आउर उ सात गो दीया रखेक केर खूँटा केर भेद: उ सात तइरगनमन सातों कलीसियामन केर दूत हेकैं, आउर उ सात दीया खूँटा सात कलीसियामन हेकैं।”

प्रकाशितवाक्य 11:19

तब परमेश्‍वर केर जे मन्दिर स्वरग में अहे, उ खोलल गेलक, आउर उकर मन्दिर में उकर करार केर बक्सा दिसलक। आउर बिजलीमन, आवाजमन आउर बदरी केर गरजेक केर आवाज आउर भूंईडोल होलक आउर भारी ओला गिरलक।

प्रकाशितवाक्य 12:3

फिन एक आउर चिन्हा आकाश में दिस्तार देलक, एगो बड़का लाल अजगर रहे, जेकर सात मूँड़ आउर दस सींग रहे, आउर उकर मूँड़मन में सात राजमुकुट रहे।

प्रकाशितवाक्य 15:1

मोंय स्वरग में एगो आउर महान आउर अदभुत चिन्हा देखलों। मोंय देखलों कि सात गो स्वरगदूतमन अहैं जेमन ठिना सातों आखरी बिपइतमन रहे। इ आखरी बिपइत रहे, काले कि इमन केर संगे परमेश्‍वर केर परकोप हों पूरा होई जाई।

प्रकाशितवाक्य 21:14

नगर केर घेरा केर बारह गो नेव रहे, आउर उ मनक उपरे मेमना केर बारह खास चेलामन केर नाँव लिखल रहे।

प्रकाशितवाक्य 21:23

उ नगर में बेइर आउर चाँद केर इंजोत केर दरकार नखे, काले कि परमेश्‍वर केर तेज रोशनी से उकर में इंजोत होवाथे, आउर मेमना उकर दीया हेके।