प्रकाशितवाक्य 11:3 - सादरी नवाँ नियम

³ मोंय अपन दूई गो गवाहमन के इ अधिकार देमूँ कि एक हजार दूई सौ साठ दिन तक भविष्यवाणी करोक। उमन एक एइसन लुगा के पिंधल होबैं, जेके दुःख देखाएक लगिन पिंधल जायला।”

प्रकाशितवाक्य 11:3 Iomraidhean Croise

मत्ती 11:21

“हाय खुराजीन नगर केर आदमीमन! हाय बैतसैदा गाँव केर आदमीमन! जे चमत्कार केर काम तोहर माझे करल गेलक, अगर उ काममन के सूर आउर सैदा नगर केर आदमीमन केर माझे करल जातक, तो हूवाँ केर आदमीमन टाट लुगा ओइढ़ के, आउर अपन काया में राख के मखाय लेतैं, इ देखाएक लगिन कि उमन पाप करेक छोइड़ देलैं।

मत्ती 18:16

आउर अगर उ तोर गोइठ के नी मानी, तो आउर एक दूई झन आदमीमन के अपन संगे लेई जा कि उकर गुन्हा साबित होई जाओक। काले कि मूसा केर नियम केर मोताबिक कोनों गुन्हा के दूई चाहे उकर से बगरा गवाहमन केर सामने साबित होवेक चाही।

लूका 10:13

हाय, खुराजीन नगर केर आदमीमन, हाय बैतसैदा गाँव केर आदमीमन, जे चमत्कार केर काम तोहर माझे करल गेलक, अगर उ काममन के सूर आउर सैदा नगर केर आदमीमन केर माझे करल जातक, तो हूवाँ केर आदमीमन टाट लुगा ओइढ़ के अपन काया में राख के मखाय लेतैं, इ देखाएक लगिन कि उमन पाप करेक छोइड़ देलैं।

लूका 24:48

तोहरेमन इ सोउब गोइठमन केर गवाह हेका।

यूहन्ना 15:27

आउर तोहरेमन दुनिया केर आदमीमन के मोर बारे में बताबा, काले कि तोहरेमन शुरु से मोर संगे अहा।”

यूहन्ना 3:27

यूहन्ना जबाब देलक, “जब तक आदमी के स्वरग से नी देवल जाई तब तक उ कोनों पावेक नी पारी।

खास चेलामन केर काम 1:8

मगर जब पवितर आत्मा तोहर उपरे आवी तब तोहरेमन शक्ति पाबा, आउर यरुशलेम शहर आउर गोटा यहूदिया आउर सामरिया परदेस में, आउर धरती केर आखरी छोर तक सोउब आदमीमन के मोर बारे में गवाही देबा।”

खास चेलामन केर काम 13:31

आउर यीशु मसीह ढेइर दिन तक अपन उ चेलामन के देखाई देते रहलक, जेमन उकर संगे गलील परदेस से यरुशलेम शहर आय रहैं। अब ओहेमन आदमीमन केर सामने उकर गवाह हेकैं।

खास चेलामन केर काम 2:32

परमेश्‍वर एहे यीशु के फिन से जियालक। हमरे सोउब इ गोइठ केर गवाह हेकी।

खास चेलामन केर काम 3:15

आउर तोहरे उके जे आदमीमन के जुग-जुग केर जिंदगी देवेला माइर मोराला, जेके परमेश्‍वर मुरदा में से फिन जियालक, आउर इ गोइठ केर हमरे गवाह हेकी।

1 कुरिनथियनमन 12:28

आउर परमेश्‍वर इ कलीसिया में हमरे के करेक लगिन अलग-अलग काम देई हे, पहिला खास चेलामन, दूसरा परमेश्‍वर केर संदेश के बताएक वालामन, तीसरा उपदेस देवेक वालामन, फिन चमत्कार केर काम करेक वालामन, फिन चंगा करेक वालामन, आउर भलाई करेक वालामन, आउर अगुवाई करेक वालामन, आउर पवितर आत्मा से दोसर-दोसर भाषा बोलेक वालामन।

2 कुरिनथियनमन 13:1

पवितर किताब में इ लिखल अहे, “हर एक गोइठ दूई या तीन झन केर गवाही से सच्चा ठहराल जाओक।” जब मोंय दूसरी बेर तोहरे ठिना आय रहों, तो जेमन पाप काइर रहैं उमन के पहिलेहें चेतावनी देई रहों, अब मोंय फिन से उ सोउबमन के इ चिट्ठी में चेतावनी देओना जइसन पहिले देई रहों। आउर अब मोंय तीसरी बेर तोहरे ठिना आवेक वाला अहों, अगर केऊ एखनो तक पाप करेक नी छोइड़ हैं, तो उमन दंड से नी बाचबैं।

इफिसियनमन 4:11

आउर यीशु मसीह थोरेक आदमीमन के अपन चुनल खास चेला ठहराय के, आउर थोरेक के परमेश्‍वर केर संदेश के बताएक वाला, थोरेक के शुभ समाचार सुनाएक वाला, थोरेक के चरवाहा, आउर थोरेक के उपदेस देवेक वाला ठहराय के देई देलक।

प्रकाशितवाक्य 1:5

आउर यीशु मसीह केर बटले, जे बिसवास लायक गवाह आउर मोरलमन में से फिन से जी उठेक वालामन में पहिलौठा, आउर धरती केर राजामन केर हों राजा हेके, तोहरे के किरपा आउर शांति मिलते रहोक। उ हमरे से प्रेम करेला, आउर उ अपन लोहू से हमरे के पापमन से छोड़ाय हे।

प्रकाशितवाक्य 11:2

मगर मंदिर केर बाहरे केर अंगना के छोइड़ दे, उके ना नाप काले कि उके परजाइत आदमीमन के देवल जाय हे, आउर उमन पवितर नगर के बेयालिस महिना तक रौंदबैं।

प्रकाशितवाक्य 11:6

उमन के अधिकार अहे कि आकाश के बंद करोक, ताकि उमन केर भविष्यवाणी केर दिन में पानी ना बरसोक। उमन के सोउब पानी उपरे अधिकार अहे कि उके लोहू बनाओक आउर जब-जब चाहबैं तब-तब धरती में हर रकम केर बिपइत के लानोक।

प्रकाशितवाक्य 12:6

आउर उ जनाना, उ सुनसान ठाँव में भाइग गेलक, जहाँ परमेश्‍वर बटले उकर लगिन एगो ठाँव तेयार करल जाय रहे कि हूवाँ उके एक हजार दूई सौ साठ दिन तक पोसल जाओक।

प्रकाशितवाक्य 13:5

उ जानवर के घमंड से भरल गोइठ कहेक आउर परमेश्‍वर केर निंदा करेक केर अधिकार आउर बेयालिस महिना तक काम करेक केर अधिकार देवल गेलक।

प्रकाशितवाक्य 19:10

तब मोंय उकर पाँव केर भीरे निहइर के माथा टेकलो आउर उकर आराधना करलों। उ मोर से कहलक, “देख, एइसन ना कर, मोंय तोर आउर तोर भाईमन केर संगी दास हेकों, जे यीशु केर गवाही देवेक में स्थिर अहैं। परमेश्‍वर केर हें आराधना कर। काले कि यीशु केर गवाही भविष्यवाणी केर आत्मा हेके।”

प्रकाशितवाक्य 20:4

फिन मोंय थोरेक सिंहासन देखलों। उ मनक उपरे थोरेक आदमीमन बाइठ रहैं। आउर उमन के फैसला करेक केर अधिकार देवल गेलक। मोंय उमन केर आत्मामन के हों देखलों, जेमन केर मूँड़ यीशु केर गवाही देवेक आउर परमेश्‍वर केर बचन केर परचार केर खातिर काटल जाय रहे, आउर जेमन ना तो उ खूंखार जानवर केर, आउर ना उकर मूर्ति केर पूजा काइर रहैं, आउर ना उकर छाप अपन माथा आउर हाँथ उपरे लेई रहैं। उमन जिंदा होई के मसीह केर संगे हजार बरिस तक राइज करते रहलैं।