प्रकाशितवाक्य 11:2 - सादरी नवाँ नियम

² मगर मंदिर केर बाहरे केर अंगना के छोइड़ दे, उके ना नाप काले कि उके परजाइत आदमीमन के देवल जाय हे, आउर उमन पवितर नगर के बेयालिस महिना तक रौंदबैं।

प्रकाशितवाक्य 11:2 Iomraidhean Croise

मत्ती 27:53

उमन यीशु केर जी उठेक केर पाछे कबरमन में से निकइल के पवितर शहर यरुशलेम में गेलैं, आउर ढेइर आदमीमन के देखाई देलैं।

मत्ती 4:5

तब शैतान उके पवितर शहर यरुशलेम में लेई गेलक आउर यहूदी मनक मंदिर केर सोउब से ऊँचा ठाँव में ठड़ुवालक।

मत्ती 5:13

तोहरेमन धरती में आदमीमन लगिन नोन नियर अहा, जइसन अगर नोन केर नोनछर सिराय जाई, तो उके दोबारा कोनों चीज से नोनछर बनाएक नी पराई, उ कोनों काम में नी आवी, उके बाहरे फेकल जाई आउर आदमी मनक गोड़ तरे रौंदाय जाई।

लूका 21:24

उमन तलवाइर केर धार से मोराल जबैं, आउर ढेइर आदमीमन के बंधुवा बनाय के सोउब देस में लेगल जाई। जब तक परजाइतमन केर देस केर समय पूरा नी होवी, तब तक यरुशलेम शहर उ देस केर आदमीमन से रौंदाय जाई।

इब्रानीमन 10:29

अगर मूसा केर नियम केर मोताबिक एइसन दंड अहे, तो उ आदमी केर दंड आउरे बगरा होवी जे परमेश्‍वर केर बेटा के घिरना करेला, काले कि उ परमेश्‍वर केर बेटा केर आदर नी करलक आउर उके अपन गोड़ से रवाइंद देलक। उ मसीह केर लोहू के अशुद्ध मानलक, जे लोहू से परमेश्‍वर उके पवितर करेक लगिन नवाँ करार के शुरु काइर हे, आउर उ पवितर आत्मा केर हों अपमान करलक जेकर जरिया से उ किरपा पाय रहे।

प्रकाशितवाक्य 11:11

मगर साढ़े तीन दिन केर पाछे परमेश्‍वर केर बटले जिंदगी केर साँस आलक, आउर उमन उइठ के ठड़ाय गेलैं। तब उमन के देखेक वालामन केर उपरे डार समाय गेलक।

प्रकाशितवाक्य 11:3

मोंय अपन दूई गो गवाहमन के इ अधिकार देमूँ कि एक हजार दूई सौ साठ दिन तक भविष्यवाणी करोक। उमन एक एइसन लुगा के पिंधल होबैं, जेके दुःख देखाएक लगिन पिंधल जायला।”

प्रकाशितवाक्य 12:6

आउर उ जनाना, उ सुनसान ठाँव में भाइग गेलक, जहाँ परमेश्‍वर बटले उकर लगिन एगो ठाँव तेयार करल जाय रहे कि हूवाँ उके एक हजार दूई सौ साठ दिन तक पोसल जाओक।

प्रकाशितवाक्य 21:10

तब मोंय पवितर आत्मा से भाइर गेलों, आउर उ मोके एगो बड़का आउर ऊँचा पहार उपरे लेई गेलक, आउर पवितर नगर यरुशलेम के स्वरग से परमेश्‍वर केर ठिना से उतरते देखालक।

प्रकाशितवाक्य 21:2

फिन मोंय पवितर नगर नवाँ यरुशलेम के स्वरग से परमेश्‍वर ठिना से उतरते देखलों। उ, उ दुलहिन केर नियर रहे, जे अपन पति केर लगिन सिंगार काइर रहेला।

प्रकाशितवाक्य 22:19

अगर केऊ इ भविष्यवाणी केर किताब केर गोइठमन में से कुछ के निकलाय देई, तो परमेश्‍वर उ जीवन केर गाँछ आउर पवितर नगर में से जेकर चरचा इ किताब में अहे, उकर हिस्सा निकलाय देई।