प्रकाशितवाक्य 11:12 - सादरी नवाँ नियम

¹² फिन उमन के स्वरग से एक बड़का शबद सुनाई देलक, “हिंयाँ उपरे आवा!” इके सुइन के उमन बैरीमन केर देखते-देखते बदरी में से होई के स्वरग में उठाय लेवल गेलैं।

प्रकाशितवाक्य 11:12 Iomraidhean Croise

लूका 16:23

आउर नरक में अनइत दुःख सहते जब उ उपरे देखलक तो दूर हें से अब्राहम के आउर उकर ठिना लाजर के बइठल देखलक।

खास चेलामन केर काम 1:9

इ सोउब कहेक केर पाछे परमेश्‍वर यीशु के उ मनक देखते-देखते स्वरग में उठाय लेलक आउर बदरी केर चलते उमन उके आउर देखेक नी पारलैं।

1थिस्सलुनीकियनमन 4:17

तब हमरे जेमन जिंदा आउर बचल रहब उमन केर संगे आकाश में प्रभु से मिलेक लगिन बदरी उपरे उठाय लेवल जाब, आउर इ नियर हमरे सोउब दिन लगिन प्रभु केर संगे रहब।

प्रकाशितवाक्य 12:5

उ जनाना एगो बेटा के जनम देलक, जे राइज करेक वाला लोहा केर लाठी से सोउब जाइत केर आदमीमन उपरे राइज करेक ले रहे। उ छउवा के तुरते उठाय के परमेश्‍वर आउर उकर सिंहासन तक पोंहचाय देवल गेलक।

प्रकाशितवाक्य 3:21

जे जीत जाई, मोंय उके अपन संगे अपन सिंहासन में बइठामूँ, जइसन मोंय हों जीत के अपन आबा केर संगे उकर सिंहासन में बाइठ गेलों।

प्रकाशितवाक्य 4:1

मोर इ गोइठमन के देखेक केर पाछे मोंय स्वरग में एगो दुरा खुलल देखलों। आउर ओहे आवाज जेके मोंय पहिले सुइन रहों दोबारा सुनलों, जे एगो तुरही केर आवाज जइसन रहे। उ मोर से कहलक, “हिंयाँ उपरे आय जा आउर मोंय उ गोइठमन के तोके देखामूँ, जेमन केर इ गोइठमन केर पाछे पूरा होवेक जरुरी अहे।”