प्रकाशितवाक्य 11:10 - सादरी नवाँ नियम

¹⁰ आउर धरती केर रहेक वाला आदमीमन, उ दुयो गवाह केर मोरेक से रिझे होई के खुशी मनाबैं, आउर एक-दोसर ठिना भेंट भेजबैं, काले कि इ दुयो संदेश के बताएक वालामन धरती केर रहेक वालामन के सताए रहैं।

प्रकाशितवाक्य 11:10 Iomraidhean Croise

मत्ती 10:22

तोहरेमन मोर उपरे बिसवास कराला से लगिन आदमीमन तोहरेमन से नफरत करबैं, मगर जे आदमीमन दुःख तकलीफ केर आखरी बेरा तक मोर उपरे भरसा करबैं आउर हार नी मानबैं उमन के परमेश्‍वर बचाय लेई।

यूहन्ना 16:20

मोंय तोहरेमन से सच-सच कहाथों कि मोर मोरेक केर पाछे तोहरेमन काँदबा आउर दुःख मनाबा, मगर दुनिया केर आदमीमन खुशी मनाबैं। मोर मोरेक से तोहरेमन दुःखी होबा मगर जब मोंय फिन से जी उठमूँ, तो तोहर दुःख खुशी में बदइल जाई।

यूहन्ना 7:7

दुनिया केर आदमीमन तोहरेमन से दुश्मनी नी करबैं, मगर मोर से करबैं, काले कि मोंय उमन केर बिरोध में इ गवाही देवोना कि उ मनक काममन बुरा अहे।

खास चेलामन केर काम 5:33

जब महासभा केर सदस्यमन इ गोइठमन के सुनलैं तो उमन खिसे तिलमिलाय गेलैं, आउर खास चेलामन के माइर मोराएक चाहत रहैं।

1 कुरिनथियनमन 13:6

जब आदमीमन बुरा काममन के करैना, तब उमन खुश नी होवैना, मगर जब आदमीमन सच्चा आउर भला काममन के करैना, तब उमन खुश होवैना।

प्रकाशितवाक्य 12:13

जब अजगर देखलक कि मोंय धरती में गिराय देवल जाय हों, तो उ जनाना के जे बेटा जनमाय रहे, सतालक।

प्रकाशितवाक्य 13:14

आउर उ चिन्हामन केर खातिर जेके उ जानवर केर सामने देखाएक केर अधिकार उके देवल जाय रहे, उ धरती केर रहेक वाला आदमीमन के बहकात रहे आउर उमन से इ कहत रहे कि जे जानवर के तलवाइर लाइग रहे, उ जी जाय हे, उकर मूर्ति बनावा।

प्रकाशितवाक्य 13:8

धरती केर उपरे रहेक वाला सोउब आदमीमन राक्षस केर पूजा करेक लगलैं। सिरिफ ओहेमन उकर पूजा नी करलैं, जेमन केर नाँव दुनिया केर सिरजन होवेक से पहिलेहें से जिंदगी केर किताब में लिखल जाय रहे। इ जिंदगी केर किताब उ मेमना केर किताब हेके, जेके बलिदान केर रूप में माइर देवल जाय रहे।

प्रकाशितवाक्य 16:10

पाँचवाँ स्वरगदूत अपन कटोरा उ जानवर केर सिंहासन उपरे उझइल देलक आउर उकर राइज में अंधार होई गेलक आउर आदमीमन बाथा केर मारे अपन-अपन जीभ के चाबाएक लगलैं।

प्रकाशितवाक्य 3:10

काले कि तोंय मोर धीरजरूपी आगया केर पालन काइर हिस, से लगिन मोंय हों तोके परीक्षा केर उ बेरा बचाय रखमूँ, जे धरती में रहेक वाला आदमीमन के परखेक लगिन गोटा दुनिया में आवेक वाला अहे।