प्रकाशितवाक्य 1:8 - सादरी नवाँ नियम

⁸ प्रभु परमेश्‍वर इ कहेला, “मोंय हें अलफा आउर ओमेगा हेकों। मोंय हें उ हेकों, जे रहे, आउर जे अहे, आउर जे आवेक वाला अहे, आउर सर्वशक्तिमान अहे।”

प्रकाशितवाक्य 1:8 Iomraidhean Croise

2 कुरिनथियनमन 6:18

आउर मोंय तोहर आबा नियर होमूँ, आउर तोहरेमन मोर बेटा आउर बेटीमन नियर होबा, इ सर्वशक्तिमान प्रभु परमेश्‍वर केर बचन हेके।”

प्रकाशितवाक्य 1:11

उ कहत रहे, “जे कुछ तोंय देखाथिस उके किताब में लीख के सातों कलीसियामन ठिना भेइज दे, मतलब इफिसुस, स्मुरना, पिरगमुन, थुआतीरा, सरदीस, फिलदिलफिया आउर लौदीकिया शहर केर कलीसिया के भेइज दे।”

प्रकाशितवाक्य 1:17

जब मोंय उके देखलों तो उकर पाँव में मुरदा नियर गिर गेलों। उ मोर उपरे अपन भतखाइया हाँथ राइख के कहलक, “ना डराव, मोंय शुरु आउर आखरी हेकों आउर जिंदा अहों।

प्रकाशितवाक्य 1:4

इ चिट्ठी मोंय यूहन्ना केर बटले हेके, जेके मोंय आसिया परदेस केर सातों कलीसिया केर आदमीमन के लिखाथों। मोंय प्रार्थना कराथों कि तोहरे सोउबमन के परमेश्‍वर बटले किरपा आउर शांति मिलते रहोक। उ जे अहे, आउर जे रहे, आउर जे आवेक वाला अहे, आउर उ सात आत्मामन बटले, जेमन उकर सिंहासन केर भीरे अहैं।

प्रकाशितवाक्य 11:17

उमन कहलैं, “हे सर्वशक्तिमान प्रभु परमेश्‍वर, तोंय जे अहिस आउर जे पहिले रहिस, हमरे तोर धन्यबाद करिला कि तोंय अपन बड़का शक्ति के काम में लाइन के राइज काइर हिस।

प्रकाशितवाक्य 15:3

आउर उमन परमेश्‍वर केर सेवक मूसा केर द्वारा मेमना केर बारे में गावल गीत गाय-गाय के कहत रहैं, “हे सर्वशक्तिमान प्रभु परमेश्‍वर, तोर काम महान आउर अदभुत अहे, हे जुग-जुग केर राजा, तोर चाल ठीक आउर सच्चा अहे।

प्रकाशितवाक्य 16:14

इमन चिन्हा देखाएक वाला भूतमन हेकैं, जे समूचा दुनिया केर राजामन ठिना निकइल के इ लगिन जायना कि उमन के सर्वशक्तिमान परमेश्‍वर केर उ महान दिन केर लड़ाई लगिन जमा करोक।

प्रकाशितवाक्य 16:7

फिन मोंय बेदी से इ गोइठ सुनलों, “हाँ, हे सर्वशक्तिमान प्रभु परमेश्‍वर, तोर फैसला ठीक आउर सच्चा अहे।”

प्रकाशितवाक्य 19:15

जाइत-जाइत केर आदमीमन के मारेक लगिन उकर मुँह से एक चोखा तलवाइर बाहरे निकलत रहे। उ राइज करेक वाला लोहा केर लाठी लेई के उमन उपरे राइज करी, आउर सर्वशक्तिमान परमेश्‍वर केर भयानक परकोप केर मदिरा केर कुंड में अंगूर केर रस रौंदी।

प्रकाशितवाक्य 19:6

फिन मोंय बड़का भीड़ केर नियर आवाज सुनलों। उ आवाज ढेइर पानी केर नियर आउर बदरी केर गरजेक केर नियर रहे। उमन कहलैं, “हाल्लेलूयाह! उकर स्तुति होवोक, काले कि प्रभु हमर परमेश्‍वर सर्वशक्तिमान राइज करेला।

प्रकाशितवाक्य 2:8

स्मुरना शहर केर कलीसिया केर स्वरगदूत के इ संदेश लीख: मोंय ओहे हेकों जे शुरु आउर आखरी हेकों। मोंय मोइर जाय रहों आउर अब मोंय सोउब दिन लगिन जिंदा अहों। मोंय तोर से जे कहाथों उके सुन,

प्रकाशितवाक्य 21:22

मोंय उकर में कोनों मंदिर के नी देखलों, काले कि सर्वशक्तिमान प्रभु परमेश्‍वर आउर मेमना हें उकर मंदिर हेकैं।

प्रकाशितवाक्य 21:6

फिन उ मोर से कहलक, “इ गोइठमन पूरा होई जाय हे। मोंय अलफा आउर ओमिगा, शुरु आउर आखरी हेकों। मोंय पियासा के जीवन केर पानी केर सोता में से मुफत में पियामूँ।

प्रकाशितवाक्य 22:13

मोंय अलफा आउर ओमिगा, पहला आउर आखरी, शुरु आउर आखरी हेकों।

प्रकाशितवाक्य 4:8

आउर चाइरो जीवमन केर छाव-छाव गो पाँइख अहे, आउर चाइरो बटे आउर भीतरे आँइख हें आँइख अहे आउर उमन राइत दिन बिना आराम लेवल इ कहते रहैना, “पवितर, पवितर, पवितर, प्रभु परमेश्‍वर सर्वशक्तिमान, जे रहे, आउर जे अहे आउर जे आवेक वाला अहे।”