प्रकाशितवाक्य 1:5 - सादरी नवाँ नियम

⁵ आउर यीशु मसीह केर बटले, जे बिसवास लायक गवाह आउर मोरलमन में से फिन से जी उठेक वालामन में पहिलौठा, आउर धरती केर राजामन केर हों राजा हेके, तोहरे के किरपा आउर शांति मिलते रहोक। उ हमरे से प्रेम करेला, आउर उ अपन लोहू से हमरे के पापमन से छोड़ाय हे।

प्रकाशितवाक्य 1:5 Iomraidhean Croise

मत्ती 20:28

काले कि मोंय आदमी केर बेटा इकर लगिन नी आय हों कि मोर एगो महान राजा लेखे सेवा-सुसइर कराल जाई। मगर इकर लगिन आय हों कि मोंय खुद दोसर मनक सेवा-सुसइर करमूँ आउर ढेइर मनक पापमन से छुटकारा लगिन अपन जान देई देमूँ।”

मत्ती 28:18

यीशु उमन ठिना आय के कहलक, “स्वरग आउर धरती केर समूचा अधिकार मोके देवल जाय हे।

यूहन्ना 13:1

यहूदी मनक फसह परब से आगे हें यीशु जाइन गेलक कि उकर लगिन इ दुनिया के छोइड़ के अपन आबा परमेश्‍वर ठिना घूइर जाएक केर बेरा आय पोंहइच हे। से लगिन अपन आदमीमन से, जे इ दुनिया में रहैं, जेमन से उ प्रेम करत रहे आखरी समय तक प्रेम करलक।

यूहन्ना 13:34

मोंय तोहरेमन के एगो नवाँ आगया देवाथों, ‘तोहरेमन एक दोसर से प्रेम करा।’ जइसन मोंय तोहरेमन से प्रेम करोना, ओहे लेखे तोहरेमन हों एक-दोसर से प्रेम करा।

यूहन्ना 15:9

जे नियर आबा परमेश्‍वर मोर से प्रेम काइर हे, सेहे नियर मोंय हों तोहरेमन से प्रेम काइर हों, मोर प्रेम में बनल रहा।

यूहन्ना 18:37

पिलातुस यीशु से कहलक, “तो का तोंय राजा हेकिस?” यीशु उके जबाब देलक, “तोंय खुद हें कहाथिस कि मोंय राजा हेकों। मोर दुनिया में जनम लेवेक केर कारण एहे हेके कि मोंय आदमीमन के सच्चाई केर बारे में सिखामूँ, सच्चाई के मानेक वाला सोउब आदमीमन मोर गोइठ के सुनैना।”

यूहन्ना 3:11

मोंय तोर से सच-सच कहाथों कि हमरे जेके जानिला, उखे बताइला आउर हमरे जेके देइख ही उकरे गवाही देवीला, मगर तोहरेमन मोंय जे कहाथों, उकर उपरे बिसवास नी कराला।

यूहन्ना 3:16

काले कि परमेश्‍वर दुनिया केर आदमीमन से एइसन प्रेम करलक कि उ अपन एकलौता बेटा के देई देलक, ताकि जे केऊ उकर उपरे बिसवास करी, उ नाश नी होवी मगर जुग-जुग केर जिंदगी पावी।

यूहन्ना 3:32

उ जे कोनों देइख हे आउर सुइन हे, उखे बतायला, आउर थोरहें आदमीमन उकर संदेश के सुनैना आउर मानैना।

खास चेलामन केर काम 20:28

से लगिन तोहरे खुद केर आउर उ दल केर रखवाली करा जेकर लगिन पवितर आत्मा तोहरे के अगुवा चुइन हे, ताकि तोहरे परमेश्‍वर केर कलीसिया केर देखभाल करबा, जेके उ अपन बेटा केर लोहू देई के कीन लेई हे।

खास चेलामन केर काम 26:23

इ कि मसीह दुःख उठाई आउर ओहे सोउब से पहिले मोरलमन में से जी उइठ के हमर आदमीमन में आउर परजाइत आदमीमन में इंजोत केर परचार करी।”

रोमानियनमन 3:25

परमेश्‍वर यीशु मसीह के हमरे केर मुक्ति खातिर क्रूस उपरे बलिदान होवेक लगिन भेजलक, आउर मसीह अपन लोहू बहाय के इ लगिन बलिदान देलक, ताकि उकर उपरे बिसवास काइर के हमरे परमेश्‍वर केर भीरे आवेक पारब। ढेइर पहिले परमेश्‍वर इ बताएक लगिन एइसन करलक कि उ धीरज धारेक में आउर पापीमन के माफ करेक में सच्चा रहे, इकर से इ हों पता चलेला कि परमेश्‍वर सही अहे, जब उ, उमन के अपनायला जेमन यीशु उपरे बिसवास करैना।

रोमानियनमन 8:37

मगर इ सोउब बुरा चीजमन में हमरे उकर चलते जे हमर से प्रेम काइर हे पूरा जीत पाय ही।

1 कुरिनथियनमन 6:11

आउर तोहर में से थोरेक आदमीमन पहिले एइसनेहें रहैं, मगर अब तोहरेमन केर पापमन धोवाय गेलक, आउर अब तोहरे परमेश्‍वर लगिन अलग होई गेला, तोहरे परमेश्‍वर केर देखेक में धरमी ठहराल गेला काले कि प्रभु यीशु मसीह आउर परमेश्‍वर केर आत्मा तोहर लगिन एइसन काइर हे।

गलातियनमन 2:20

इ एइसन अहे जइसन मोंय मसीह केर संगे क्रूस उपरे मोइर गेलों, आउर अब मोंय जिंदा नी रहलों, बल्कि मसीह मोर में जिंदा अहे। आउर मोंय काया में अब जे जिंदा अहों, तो सिरिफ उ बिसवास से जिंदा अहों, जे परमेश्‍वर केर बेटा उपरे अहे, जे मोर से प्रेम करलक, आउर मोर लगिन खुद के देई देलक।

इफिसियनमन 2:4

मगर परमेश्‍वर जे ढेइर दयालु अहे, जब हमरे पापमन केर चलते मोरल नियर रही, तो अपन बड़का प्रेम से हमरे के प्रेम करलक। आउर मसीह केर संगे एक होवेक केर चलते हमरे के जियालक, (परमेश्‍वर केर किरपा से हें तोहर छुटकारा होई हे)।

इफिसियनमन 5:2

मसीह केर पिछा करते दोसरमन लगिन प्रेम से भरल जिंदगी जिया, जे तोहर से प्रेम करलक आउर तोहर पापमन के उठाएक लगिन खुद के बलिदान काइर देलक। उकर से परमेश्‍वर खुश रहे, काले कि उ बलिदान उकर लगिन महकेक वाला सेंट नियर रहे।

कुलुसियनमन 1:18

ओहे कलीसिया केर अगुवाई ओइसनेहें करेला, जइसन एगो आदमी केर मूँड़ उकर काया के चलायला। ओहे शुरु हेके, आउर मोरलमन में से जी उठेक वालामन में हों पहिला हेके कि सोउब गोइठमन में ओहे मुध ठहरोक।

1 तीमुथियुस 6:13

मोंय परमेश्‍वर के गवाह बनाय के, जे सोउब के जिंदगी देवेला आउर साथ में मसीह यीशु के हों गवाह बनाय के जे मजबूती से सच कहलक जब उके पुन्तियुस पिलातुस केर सामने मुकद्दमा लगिन लानल गेलक, तोके इ आगया देवोना

1 तीमुथियुस 6:15

परमेश्‍वर जे सोउब से धाइन आउर एकले मालिक आउर राजामन केर राजा, आउर प्रभुमन केर प्रभु हेके, ओहे मसीह के ठीक समय में दिस्तार करी।

इब्रानीमन 10:29

अगर मूसा केर नियम केर मोताबिक एइसन दंड अहे, तो उ आदमी केर दंड आउरे बगरा होवी जे परमेश्‍वर केर बेटा के घिरना करेला, काले कि उ परमेश्‍वर केर बेटा केर आदर नी करलक आउर उके अपन गोड़ से रवाइंद देलक। उ मसीह केर लोहू के अशुद्ध मानलक, जे लोहू से परमेश्‍वर उके पवितर करेक लगिन नवाँ करार के शुरु काइर हे, आउर उ पवितर आत्मा केर हों अपमान करलक जेकर जरिया से उ किरपा पाय रहे।

इब्रानीमन 9:14

तो सोचा, मसीह केर लोहू आउर केतना बगरा हमरे के उ काममन से शुद्ध करी, जेकर सजा माउत हेके, ताकि हमरे जिंदा परमेश्‍वर केर आराधना करेक पारब। काले कि मसीह खुद के परमेश्‍वर लगिन जुग-जुग केर आत्मा केर शक्ति से सिद्ध बलिदान केर रूप में हमरे केर पापमन केर खातिर चढ़ाय देलक।

1 यूहन्ना 1:7

मगर, अगर जइसन परमेश्‍वर इंजोत में अहे, तइसनेहें हमरे हों इंजोत में चलब, तो उकर से मिलल रहिला आउर उकर बेटा यीशु मसीह केर किमती लोहू हमरे के सोउब पापमन से शुद्ध करेला।

1 यूहन्ना 4:10

सच्चा प्रेम इकर में नखे कि हमरेमन परमेश्‍वर से प्रेम करली मगर इकर में अहे कि परमेश्‍वर हमरेमन से प्रेम करलक आउर हमरेमन केर पापमन से मुक्ति लगिन अपन बेटा के बलिदान होवेक लगिन भेजलक।

प्रकाशितवाक्य 11:15

जब सातवाँ दूत तुरही फुँकलक, तो स्वरग में से जोर से रकम-रकम केर आवाज इ कहते सुनाई देलक, “दुनिया केर राइज हमर प्रभु केर आउर उकर मसीह केर होई गेलक आउर उ जुग-जुग राइज करी।”

प्रकाशितवाक्य 11:3

मोंय अपन दूई गो गवाहमन के इ अधिकार देमूँ कि एक हजार दूई सौ साठ दिन तक भविष्यवाणी करोक। उमन एक एइसन लुगा के पिंधल होबैं, जेके दुःख देखाएक लगिन पिंधल जायला।”

प्रकाशितवाक्य 17:14

इमन मेमना से लड़बैं, आउर मेमना उमन केर उपरे जीत जाई, काले कि उ प्रभुमन केर प्रभु आउर राजामन केर राजा हेके आउर जेमन बोलाल आउर चुनाल अहैं, आउर उकर परती बिसवास लायक अहैं, आउर उमन उकर संगे अहैं, उमन हों जीत जबैं।”

प्रकाशितवाक्य 19:11

फिन मोंय देखलों कि स्वरग खोलल अहे, हूवाँ मोर सामने एगो चरका घोड़ा रहे आउर उकर उपरे एक झन चढ़ल रहे, जे बिसवास लायक आउर सच्चा कहायला। उ जे गोइठ परमेश्‍वर केर नजइर में सही है उकर मोताबिक परमेश्‍वर केर दुश्मनमन केर बिरोध फैसला करेला आउर लड़ाई करेला।

प्रकाशितवाक्य 19:16

उकर लुगा आउर जाँघ उपरे इ लिखल रहे: “राजामन केर राजा आउर प्रभुमन केर प्रभु।”

प्रकाशितवाक्य 2:13

मोंय इ तो जानोना कि तोंय हूवाँ रहिसला जहाँ शैतान केर सिंहासन अहे, आउर तोंय मोर नाँव में स्थिर रहिसला। तोंय मोर उपरे बिसवास करेक से उ दिनमन में हों पिछे नी हटले, जेकर में मोर बिसवास लायक गवाह अन्तिपास, तोहर माझे उ ठाँव में मोराल गेलक जहाँ शैतान रहेला।

प्रकाशितवाक्य 3:14

लौदीकिया शहर केर कलीसिया केर स्वरगदूत के इ संदेश लीख: मोंय ओहे हेकों जे आमीन आउर बिसवास लायक आउर सच्चा गवाह हेके। आउर परमेश्‍वर जे कोनों बनाय हे उकर निचोड़ हेके। मोंय तोके जे कहाथों उके सुन:

प्रकाशितवाक्य 7:14

मोंय उके जबाब देलों, “हे मालिक, तोंय हें जानिसला।” उ मोर से कहलक, “इमन उमन हेकैं, जे उ बड़का दुःख में से निकइल के आय हैं, इमन अपन-अपन लुगा के मेमना केर लोहू में धोई के चरका काइर हैं।