प्रकाशितवाक्य 1:3 - सादरी नवाँ नियम

³ धाइन हेके उ, जे इ भविष्यवाणी केर बचन के पढ़ेला, आउर उमन, जेमन सुनैना आउर इकर में लिखल गोइठमन के मानैना, काले कि समय भीरे अहे।

प्रकाशितवाक्य 1:3 Iomraidhean Croise

मत्ती 24:15

पढ़ेक वालामन बुइझ लेओक, जेखन तोहरे उ उजराएक वाला घिनघिना चीज के जेकर बारे में परमेश्‍वर केर संदेश के बताएक वाला दानिय्येल कइह रहे, जहाँ उके उचित नखे हूवाँ मतलब मंदिर में ठड़ाल देखबा।

लूका 11:28

यीशु कहलक, “हाँ, मगर उमन बगरा धाइन अहैं, जेमन परमेश्‍वर केर बचन के सुनैना, आउर उकर मोताबिक चलैना।”

रोमानियनमन 13:11

तोहरे सोउब लगातार एक दोसर से प्रेम करा, काले कि परमेश्‍वर बटले हमरे के इ बुरा दुनिया से छुटकारा देवेक केर बेरा भीरे पोंहइच जाय हे, जब हमरे मसीह उपरे बिसवास काइर रही, उ बेरा केर बिचार से एखन बेरा आउरे भीरे पोंहइच जाय हे, इके बुझा, तोहरे के नींद से जागेक अहे।

रोमानियनमन 13:12

इ बुरा दुनिया में हमर रहेक केर बेरा लगभग सिराय जाय हे। जइसन कि राइत ढेइर बीत जाय हे आउर दिन होवेक वाला अहे, आउर मसीह केर घूइर आवेक केर बेरा भीरे पोंहइच जाय हे। से लगिन हमरे के अंधार केर काममन के छोइड़ देवेक अहे, आउर हमरे के ओहे काममन के करेक अहे, जे बुरा काममन के करेक से रोकेला, जइसन सिपाही अपन हँथियार के इंजोत में धारण काइर के रहेला।

1 पतरस 4:7

सोउब गोइठमन केर अंत तुरते होवेक वाला अहे, से लगिन ठीक से सोचा आउर खुद के काबू में रखा, ताकि तोहरे प्रार्थना लगिन तेयार रहेक पारबा।

2 पतरस 3:8

हे दुलार बिसवासी भाई-बहिनमन, इ गोइठ के जरूर याइद रखा कि प्रभु केर नजइर में एक दिन हजार साल केर नियर अहे आउर हजार साल एक दिन केर नियर अहे, उकर देखेक में दुइयो बराबइर अहे।

प्रकाशितवाक्य 22:10

फिन उ मोर से कहलक, “इ किताब केर भविष्यवाणी केर गोइठमन के बंद ना कर, काले कि समय भीरे अहे।

प्रकाशितवाक्य 22:12

प्रभु यीशु कहलक, “देख, मोंय जल्दी आवेक वाला अहों, आउर हरेक झन केर काम केर मोताबिक बदला देवेक लगिन मोर ठिना इनाम अहे।

प्रकाशितवाक्य 22:20

जे इ गोइठमन केर गवाही देवेला, उ इ कहेला, “हाँ, मोंय जल्दी आवेक वाला अहों।” आमीन। हे प्रभु यीशु आव!

प्रकाशितवाक्य 3:11

मोंय जल्दी हें आवेक वाला अहों, जे गेयान तोर ठिना अहे, उकर में मजबूत बनल रह ताकि केऊ तोर मुकुट के लुटेक ना पारोक।