प्रकाशितवाक्य 1:2 - सादरी नवाँ नियम

² यूहन्ना उ सोउब गोइठमन के लिखलक जे उके देखाल जाय रहे, मतलब परमेश्‍वर केर बटले देवल बचन आउर उ सोउब कुछ, जेके यीशु मसीह कइह रहे।

प्रकाशितवाक्य 1:2 Iomraidhean Croise

यूहन्ना 1:32

आउर यूहन्ना इ गवाही देलक, “मोंय पवितर आत्मा के पेरवाँ केर रूप में आकाश से उतरते देइख हों, आउर उ यीशु केर उपरे रूइक गेलक।

यूहन्ना 12:17

जब यीशु लाजर के कबर से बाहरे बोलाय के मुरदा से जियालक। उ बेरा जे आदमीमन उकर संगे रहैं, उमन उ घटना केर बारे में आदमीमन के बताएक लगलैं।

यूहन्ना 19:35

जे आदमी इ सोउब घटना के देखलक, ओहे इकर गवाही देई हे, ताकि तोहरेमन हों यीशु केर उपरे बिसवास करेक पारबा। आउर उकर गवाही सच हेके, आउर उ जानेला कि उ सच कहाथे।

यूहन्ना 21:24

इ ओहे चेला हेके, जे इ गोइठमन केर बारे में बताथे आउर जे इ गोइठमन के लीख हे। आउर हमरे जानिला कि उकर गवाही सच हेके।

यूहन्ना 3:11

मोंय तोर से सच-सच कहाथों कि हमरे जेके जानिला, उखे बताइला आउर हमरे जेके देइख ही उकरे गवाही देवीला, मगर तोहरेमन मोंय जे कहाथों, उकर उपरे बिसवास नी कराला।

खास चेलामन केर काम 22:15

काले कि तोके परमेश्‍वर बटे से सोउब आदमीमन केर सामने उ गोइठमन केर गवाही देवेक अहे, जेके तोंय देखले आउर सुइन हिस।

खास चेलामन केर काम 26:16

मगर तोंय अब उठ, अपन गोड़ में ठड़ाव, मोंय तोके इ लगिन दर्शन देई हों कि तोके अपन सेवक आउर गवाह बनामूँ। जेके तोंय मोर बारे में देइख हिस आउर पाछे जे कुछ दर्शन देखबे, उकरो बारे में गवाही देबे।

खास चेलामन केर काम 4:20

इ तो हमरे से नी होवी कि हमरे जेके देइख ही आउर सुइन ही, उकर बारे में हमरे आदमीमन के नी बताब।”

1 कुरिनथियनमन 1:6

जेकर से परमेश्‍वर तोहरेमन में इ साबित काइर हे कि यीशु मसीह केर बारे में जे संदेश अहे उ सच्चा हेके।

1 कुरिनथियनमन 2:1

हे बिसवासी भाईमन, जब मोंय तोहरे के परमेश्‍वर केर बारे में संदेश के सुनालों, तो मोंय ढेइर पढ़ल-लिखल नियर नी गोठियालों आउर ना हें अपन गेयान के देखालों।

1 यूहन्ना 1:1

हमरे एगो एइसन आदमी केर बारे में लिखाथी, जे जिंदगी केर बचन हेके। उ दुनिया केर सिरजन से पहिले से रहे, जेकर बारे में हमरे सुनली, आउर अपन आँइख से देखली, बल्कि जेके हमरे धेयान से देखली आउर हाँथ से छुली।

1 यूहन्ना 4:14

हमरेमन बेटा के देइख ही आउर गवाही देवीला कि आबा परमेश्‍वर बेटा के इ दुनिया केर आदमीमन के पापमन से छुटकारा देवेक लगिन भेजलक।

3 यूहन्ना 1:12

कलीसिया में सोउब केऊ कहैना कि देमेत्रियुस एगो बेस आदमी हेके काले कि उकर ब्यवहार परमेश्‍वर केर बचन केर मोताबिक अहे। आउर हमरेमन हों गवाही देवीला कि उ बेस आदमी हेके आउर तोंय जानिसला कि हमरेमन केर गवाही सच हेके।

प्रकाशितवाक्य 1:11

उ कहत रहे, “जे कुछ तोंय देखाथिस उके किताब में लीख के सातों कलीसियामन ठिना भेइज दे, मतलब इफिसुस, स्मुरना, पिरगमुन, थुआतीरा, सरदीस, फिलदिलफिया आउर लौदीकिया शहर केर कलीसिया के भेइज दे।”

प्रकाशितवाक्य 1:19

से लगिन जे गोइठमन तोंय देइख हिस आउर जे गोइठमन होवाथे आउर जे गोइठमन इकर पाछे होवेक वाला अहे, उ सोउब के लीख ले।

प्रकाशितवाक्य 1:9

मोंय यूहन्ना जे तोहर संगी बिसवासी आउर मसीह केर लगिन दुःख सहेक में, आउर आबा परमेश्‍वर केर राइज में, आउर धीरज केर संगे उ दुःखमन के सहेक में तोहर संगी हेकों, जे उ आदमीमन उपरे आवेला जेमन केर रिश्ता उकर संगे अहे। मोके पतमुस टापू में कैदी बनाय के भेइज देवल जाय रहे। काले कि मोंय आबा परमेश्‍वर केर बचन के परचार काइर रहों आउर यीशु केर सच्चा संदेश के बताय रहों।

प्रकाशितवाक्य 12:11

आउर उमन मेमना केर लोहू केर खातिर आउर अपन गवाही केर बचन केर खातिर, उकर उपरे जीत पालैं, आउर उमन अपन प्राण केर मोह छोइड़ के माउत के अपनाय लेलैं।

प्रकाशितवाक्य 12:17

तब अजगर जनाना उपरे ढेइर खिसाय गेलक, आउर उकर बचल छउवामन से जे परमेश्‍वर केर आगया के मानैना आउर यीशु केर बारे में देवल गवाही में स्थिर अहैं, लड़ेक लगिन गेलक।

प्रकाशितवाक्य 20:4

फिन मोंय थोरेक सिंहासन देखलों। उ मनक उपरे थोरेक आदमीमन बाइठ रहैं। आउर उमन के फैसला करेक केर अधिकार देवल गेलक। मोंय उमन केर आत्मामन के हों देखलों, जेमन केर मूँड़ यीशु केर गवाही देवेक आउर परमेश्‍वर केर बचन केर परचार केर खातिर काटल जाय रहे, आउर जेमन ना तो उ खूंखार जानवर केर, आउर ना उकर मूर्ति केर पूजा काइर रहैं, आउर ना उकर छाप अपन माथा आउर हाँथ उपरे लेई रहैं। उमन जिंदा होई के मसीह केर संगे हजार बरिस तक राइज करते रहलैं।

प्रकाशितवाक्य 22:21

प्रभु यीशु केर किरपा पवितर आदमीमन केर संगे रहोक। आमीन।

प्रकाशितवाक्य 6:9

आउर जब मेमना पाँचवाँ मोहर खोललक तो मोंय बेदी केर हेंठे उ मनक प्राण के देखलों, जे परमेश्‍वर केर बचन केर परचार करेक केर खातिर आउर उ गवाही केर खातिर कि यीशु हमर प्रभु हेके, जे उमन देई रहैं, माइर मोराल जाय रहैं।