प्रकाशितवाक्य 1:18 - सादरी नवाँ नियम

¹⁸ मोंय मोइर जाय रहों, आउर अब देख, मोंय जुग-जुग लगिन जिंदा अहों, आउर मरणलोक आउर अधोलोक केर कुंजी मोर हें ठिना अहे।

प्रकाशितवाक्य 1:18 Iomraidhean Croise

मत्ती 11:23

हे कफरनहूम नगर केर आदमीमन, तोहरेमन सोचाला कि हमरे स्वरग राइज तक उठाल जाब, एइसन नी होवी, तोहरेमन तो नरक में फेइक देवल जबा। काले कि जे चमत्कार केर काम तोहर माझे करल जाय हे, अगर उ काममन के सदोम नगर में करल जाय रहतक, तो उ नगर आइज तक बनल रहतक।

मत्ती 16:19

मोंय तोके स्वरग राइज केर चाभीमन के जिम्मा देमूँ। जे कोनों धरती में तोर बटले जमा करल जाई, उ स्वरग में हों जमा होवी आउर जे कोनों तोर बटले धरती में खुली, उ स्वरग में हों खोलल जाई।”

लूका 24:5

उमन डरे मूँड़ के झुकाय के भूंई के देखेक लगलैं, तब उ दुयो स्वरग दूतमन उमन से कहलैं, “जे जिंदा अहे, उके तोहरेमन मोरलमन केर माझे काले खोजाथा?

यूहन्ना 11:25

यीशु उकर से कहलक, “मोरलमन के जिंदा करेक वाला आउर जिंदगी देवेक वाला मोंय हें हेकों। जे मोर उपरे बिसवास करेला उ अगर मोइर हों जाई फिन भी जिंदा रही।

यूहन्ना 14:19

मोंय थोरहें देरी आउर रहमूँ, फिन दुनिया केर आदमीमन मोके नी देखबैं, मगर तोहरेमन मोके देखबा, काले कि मोंय जिंदा अहों, से लगिन तोहरेमन हों जिंदा रहबा।

रोमानियनमन 6:9

काले कि हमरे इ जानिला, मसीह मोरलमन में से जी उइठ हे आउर अब माउत केर उकर उपरे कोनों अधिकार नखे।

2 कुरिनथियनमन 13:4

उ कमजोरी केर चलते क्रूस उपरे चढ़ाल तो गेलक, फिन भी परमेश्‍वर केर शक्ति से जिंदा अहे, हमरे हों कमजोर अही जइसन मसीह रहे, मगर तोहरे महसूस करबा कि हमरे परमेश्‍वर केर शक्ति से मसीह केर संगे जिंदा अही।

गलातियनमन 2:20

इ एइसन अहे जइसन मोंय मसीह केर संगे क्रूस उपरे मोइर गेलों, आउर अब मोंय जिंदा नी रहलों, बल्कि मसीह मोर में जिंदा अहे। आउर मोंय काया में अब जे जिंदा अहों, तो सिरिफ उ बिसवास से जिंदा अहों, जे परमेश्‍वर केर बेटा उपरे अहे, जे मोर से प्रेम करलक, आउर मोर लगिन खुद के देई देलक।

कुलुसियनमन 3:3

काले कि तोहरेमन तो पाप केर स्वभाव लगिन मोइर गेला, आउर अब तोहर नवाँ जिंदगी मसीह केर संगे परमेश्‍वर में लुकल अहे।

इब्रानीमन 1:3

बेटा, परमेश्‍वर केर महिमा केर इंजोत हेके, उकर में हमरे इ देखेक पारिला कि परमेश्‍वर कइसन अहे, उ अपन शक्तिशाली बचनमन से सोउब चीजमन के जे बनाल जाय हे, स्थिर रहेक लगिन मदइत करेला, उ आदमीमन के उमन केर पापमन से शुद्ध काइर के, महिमा से भरल स्वरग में परमेश्‍वर केर भतखाइया आरा बइठल अहे।

इब्रानीमन 12:2

आउर बिसवास के सिरजाएक वाला आउर सिद्ध करेक वाला यीशु बटे धेयान लगाय रहब। जे उ खुशी केर लगिन, जे उके आवेक वाला दिन में मिलेक वाला रहे, लाज केर कोनों फिकिर नी काइर के क्रूस उपरे दुःख साइह के मोरलक आउर सिंहासन में परमेश्‍वर केर भतखाइया आरा बाइठ गेलक।

इब्रानीमन 7:16

यीशु काया केर मोताबिक लेवी गोतर में जनम लेई के पुरोहित नी बाइन हे, मगर नाश नी होवेक वाला शक्ति केर चलते उ पुरोहित बाइन हे।

इब्रानीमन 7:25

इ लगिन जेमन यीशु केर जरिया परमेश्‍वर ठिना आवैना, यीशु उमन के पूरा-पूरा बचाएक पारेला, काले कि उ उमन लगिन बिनती करेक ले जुग-जुग जिंदा अहे।

प्रकाशितवाक्य 10:6

आउर जे जुग-जुग जिंदा अहे, आउर जे स्वरग के आउर जे कुछ उकर में अहे, आउर धरती के आउर जे कुछ उकर में अहे, आउर समुदर के आउर जे कुछ उकर में अहे, उ सोउब के सिरजालक, उकरे किरिया खाय के कहलक, “अब तो आउर देरी नी होवी।

प्रकाशितवाक्य 15:7

तब उ चाइरो जीवमन में से एगो, उ सातों स्वरगदूतमन के सात सोना केर कटोरा देलक, जे जुग-जुग जिंदा परमेश्‍वर केर परकोप से भरल रहे।

प्रकाशितवाक्य 2:8

स्मुरना शहर केर कलीसिया केर स्वरगदूत के इ संदेश लीख: मोंय ओहे हेकों जे शुरु आउर आखरी हेकों। मोंय मोइर जाय रहों आउर अब मोंय सोउब दिन लगिन जिंदा अहों। मोंय तोर से जे कहाथों उके सुन,

प्रकाशितवाक्य 20:13

समुदर, उ मोरल आदमीमन के जे उकर में रहैं, देई देलक। माउत आउर मरणलोक हों जे उमन में रहैं देई देलक। उमन में से सोउब केर उमन केर काम केर मोताबिक फैसला करल गेलक।

प्रकाशितवाक्य 20:14

इकर पाछे माउत आउर मरणलोक आइग केर झील में साजल गेलैं। इ आइग केर झील तो दूसरा माउत हेके।

प्रकाशितवाक्य 3:7

आउर फिलदिलफिया शहर केर कलीसिया केर स्वरगदूत के इ संदेश लीख: मोंय ओहे हेकों जे पवितर आउर सच्चा हेके, आउर जे दाऊद केर कुंजी रखेला। आउर मोर खोलल के केऊ बंद नी करेक पारी आउर बंद करल के केऊ खोलेक नी पारी। मोंय तोके जे कहाथों उके सुन:

प्रकाशितवाक्य 4:9

जब उ जीवमन, उकर जे सिंहासन में बाइठ हे आउर जे जुग-जुग जिंदा अहे, महिमा आउर आदर आउर धन्यबाद करबैं,

प्रकाशितवाक्य 5:14

आउर चाइरो जीवमन आमीन कहलैं, आउर मुखियामन झुइक के माथा टेकलैं आउर भक्ति करलैं।

प्रकाशितवाक्य 6:8

आउर मोंय नजइर उठाय के देखलों, तो मोर आँइख केर सामने एक पीला रंग घोड़ा अहे आउर उकर में जे बाइठ हे, उकर नाँव माउत हेके: आउर मरणलोक उकर पिछे-पिछे अहे आउर उके धरती केर एक चौथाई हिस्सा में इ अधिकार देवल गेलक कि तलवाइर आउर अकाल आउर मरी आउर धरती केर जंगली जानवरमन केर द्वारा आदमीमन के माइर मोराओक।

प्रकाशितवाक्य 9:1

जब पाँचवाँ स्वरगदूत तुरही फुँकलक तो मोंय आकाश से धरती उपरे एगो तइरगन के गिरते देखलों, आउर उके बेथाह गढ़हा केर कुंजी देवल गेलक।